ಸ್ಟೀವನ್ ರೇಗೊ ಮಂಗಳೂರು
ಒಂದೇ ಒಂದು ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡಿದರೆ ಸಾಕು. ಗಣಿತ, ವಿಜ್ಞಾನ ಹಾಗೂ ಇಂಗ್ಲಿಷ್ ಭಾಷೆಗೆ ಸಂಬಂಧಪಟ್ಟ ವಿಚಾರಗಳನ್ನು ಚಿತ್ರದ ಜತೆಗೆ ಪೂರ್ಣ ವಿವರಣೆ ನೀಡುವ ಪಠ್ಯಪುಸ್ತಕವನ್ನು ರಾಜ್ಯದ ಎಲ್ಲ ಪ್ರಾಥಮಿಕ ಶಾಲೆಯಲ್ಲಿ ಈ ಬಾರಿ ನೀಡುವ ಕಾರ್ಯ ನಡೆಯಲಿದೆ. ಈಗಾಗಲೇ ರಾಜ್ಯ ಶಿಕ್ಷಣ ಸಂಶೋಧನೆ ಮತ್ತು ತರಬೇತಿ ನಿರ್ದೇಶನಾಲಯ ಸುತ್ತೋಲೆ ಹೊರಡಿಸುವ ಮೂಲಕ ಮಾಹಿತಿ ಹಂಚುವ ಕೆಲಸದಲ್ಲಿ ಕಾರ್ಯೋನ್ಮುಖವಾಗಿದೆ.
ರಾಜ್ಯ ಶಿಕ್ಷಣ ಸಂಶೋಧನೆ ಮತ್ತು ತರಬೇತಿ ನಿರ್ದೇಶನಾಲಯ(ಡಿಎಸ್ಇಆರ್ಟಿ) ನಿರ್ದೇಶಕರು ಮೇ 22ರಂದು ಸುತ್ತೋಲೆ ಹೊರಡಿಸುವ ಮೂಲಕ ಪ್ರಾಥಮಿಕ ಹಾಗೂ ಪ್ರೌಢಶಾಲೆಯಲ್ಲಿ ಇ ಸೋರ್ಸ್ಗಳನ್ನು ಬಳಸಿಕೊಂಡು ಪಾಠಗಳ ಬೋಧನೆ ಮಾಡಬೇಕು. ಈ ಮೂಲಕ ವಿದ್ಯಾರ್ಥಿಗಳಿಗೆ ಕ್ಲಿಷ್ಟಕರ ವಿಚಾರಗಳೆಂದೇ ಪರಿಗಣಿಸಲ್ಪಡುವ ಗಣಿತ, ವಿಜ್ಞಾನ ಹಾಗೂ ದ್ವಿತೀಯ ಭಾಷೆಯಾದ ಇಂಗ್ಲಿಷ್ ಬೋಧಿಸುವ ಮೂಲಕ ಹೆಚ್ಚು ಅರ್ಥವಾಗುವ ಜತೆಗೆ ಅವರಿಗೆ ಈ ವಿಚಾರದ ಕುರಿತು ಆಳವಾದ ಜ್ಞಾನ ನೀಡಲು ಸಾಧ್ಯವಾಗುತ್ತದೆ ಎನ್ನುವ ಮೂಲಕ ಕೇಂದ್ರ ಸರಕಾರದ ಮಾನವ ಸಂಪನ್ಮೂಲ ಸಚಿವಾಲಯ ಅಭಿವೃದ್ಧಿಪಡಿಸಿದ ದೀಕ್ಷಾ ಆ್ಯಪ್ ಬಳಸಿಕೊಂಡು ವಿದ್ಯಾರ್ಥಿಗಳಿಗೆ ಮಾಹಿತಿ ನೀಡಬೇಕು ಎಂದು ಸೂಚನೆ ನೀಡಿದೆ. ಈ ವಿಚಾರದಲ್ಲಿ ಕರ್ನಾಟಕ ಸರಕಾರ ಶಿಕ್ಷಣ ಇಲಾಖೆ ಕೂಡ ಕಾರ್ಯಪ್ರವೃತ್ತವಾಗಿದೆ.
ಕ್ಯೂಆರ್ ಕೋಡ್ನಲ್ಲಿದೆ ವಿಚಾರ: ಪ್ರಾಥಮಿಕ ಶಾಲೆಯ 6, 7 ಹಾಗೂ ಪ್ರೌಢಶಿಕ್ಷಣ ಎಂದು ಪರಿಗಣಿಸಲ್ಪಡುವ 8ರಿಂದ 10ರವರೆಗೆ ಇಂಗ್ಲಿಷ್, ಗಣಿತ, ವಿಜ್ಞಾನ(ಎನ್ಸಿಇಆರ್ಟಿ ಪಠ್ಯಕ್ರಮ)ದಂತೆ 33 ಶೀರ್ಷಿಕೆಗಳಲ್ಲಿ 361 ಕ್ವಿಕ್ ರೆಸ್ಪಾನ್ಸ್ ಕೋಡ್(ಕ್ಯೂಆರ್ ಕೋಡ್) ಮುದ್ರಿಸಿ ಡಿಜಿಟಲ್ ರಿಸೋರ್ಸ್ಗಳಿಗೆ ಲಿಂಕ್ ಮಾಡಿ ಅಳವಡಿಸಲಾಗಿದೆ. ಈ ಸಂಪನ್ಮೂಲಗಳನ್ನು ವೀಕ್ಷಿಸಲು ದೀಕ್ಷಾ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಬೇಕು. ಈ ಕುರಿತು ಎಲ್ಲ ಮಾಹಿತಿಗಳನ್ನು ಸಂಬಂಧಪಟ್ಟ ಪಠ್ಯಪುಸ್ತಕದಲ್ಲಿ ನೀಡಲಾಗಿದೆ.
ಇದಕ್ಕಾಗಿ ಇ-ಸಂಪನ್ಮೂಲಗಳ ಅಭಿವೃದ್ಧಿ, ಮ್ಯಾಪಿಂಗ್ ಹಾಗೂ ಲಿಂಕಿಂಗ್ ಕಾರ್ಯವನ್ನು ನಿರ್ವಹಿಸಲಾಗಿದೆ. ಪುಸ್ತಕದ ಪ್ರತಿ ಅಧ್ಯಾಯಕ್ಕೆ ಕನಿಷ್ಠ ಒಂದು ಇ-ಸಂಪನ್ಮೂಲ ಆಳವಡಿಸಲಾಗಿದೆ. ಈ ಸಂಪನ್ಮೂಲಗಳು ಬಹು ಆಯ್ಕೆಯ ಪ್ರಶ್ನೆಗಳು, ಬಿಟ್ಟ ಸ್ಥಳ ತುಂಬುವುದು, ಒಂದು ಎರಡು ಅಂಕದ ಪ್ರಶ್ನೆಗಳನ್ನು ಕೂಡ ಒಳಗೊಂಡಿವೆ. ಈ ಸಂಪನ್ಮೂಲಗಳು ವಿದ್ಯಾರ್ಥಿಗಳ ಕಲಿಕೆಯನ್ನು ಉತ್ತಮಪಡಿಸುವ ಉದ್ದೇಶವನ್ನು ಹೊಂದಿದೆ.
ಮುಂಬರುವ ದಿನಗಳಲ್ಲಿ ಇನ್ನೂ ಹೆಚ್ಚಿನ ಸಂಪನ್ಮೂಲಗಳನ್ನು ಆಳವಡಿಸುವ ಜತೆಯಲ್ಲಿ ರಾಜ್ಯದ ಎಲ್ಲ ಸರಕಾರಿ, ಅನುದಾನಿತ, ಅನುದಾನ ರಹಿತ ಶಾಲಾ ಶಿಕ್ಷಕರು ದೀಕ್ಷಾ ಆ್ಯಪ್ ಡೌನ್ಲೋಡ್ ಮಾಡಿಕೊಂಡು ಬೋಧಿಸುವ ಕೆಲಸ ಮಾಡಬಹುದು. ಮುಖ್ಯವಾಗಿ ಪಾಠ ಯೋಜನೆ, ವೀಡಿಯೋ ಹಾಗೂ ಆಡಿಯೋ ಕ್ಲಿಪ್ಪಿಂಗ್, ವರ್ಕ್ಶೀಟ್, ಚಿತ್ರಗಳು, ಸಂವಾದಾತ್ಮಕ ಆಟಗಳು ಹಾಗೂ ಚಟುವಟಿಕೆಗಳು, ಮೌಲ್ಯಮಾಪನ ಇತ್ಯಾದಿ ವಿಚಾರಗಳನ್ನು ಒಳಗೊಂಡಿವೆ. ಇದರಲ್ಲಿ ವಿದ್ಯಾರ್ಥಿ ಹಾಗೂ ಶಿಕ್ಷಕರಿಗೆ ಪ್ರತ್ಯೇಕ ಲಾಗಿಂಗ್ ವ್ಯವಸ್ಥೆಯಿದೆ. ಅದಕ್ಕೂ ಮುಖ್ಯವಾಗಿ ಬರೀ ಆ್ಯಪ್ ಮಾತ್ರವಲ್ಲ, ಡೆಸ್ಕ್ಟಾಪ್ ಸಿಸ್ಟಂನಲ್ಲೂ ಇದನ್ನು ಪಡೆಯುವ ಅವಕಾಶವಿದೆ.
ಇಂತಹ ಕ್ಯೂಆರ್ ಕೋಡ್ನಿಂದಾಗಿ ಪಠ್ಯದ ಇತರ ವಿಚಾರಗಳನ್ನು ಮತ್ತಷ್ಟು ಆಳವಾಗಿ ವಿದ್ಯಾರ್ಥಿಗಳಿಗೆ ಹೇಳಲು ಸಹಕಾರಿ. ಮುಖ್ಯವಾಗಿ ಈ ಬಾರಿಯಿಂದ ಇದು ಜಾರಿಗೆಯಾಗುತ್ತಿದೆ. ಡಿಜಿಟಲ್ ಯುಗದಲ್ಲಿ ಇಂತಹ ಬೆಳವಣಿಗೆಗಳು ನಡೆದಾಗ ಅದರ ಲಾಭ ಪಡೆಯುವುದು ಅಗತ್ಯ.
-ವೈ. ಶಿವರಾಮಯ್ಯ, ಉಪ ನಿರ್ದೇಶಕರು, ದ.ಕ. ಸಾರ್ವಜನಿಕ ಶಿಕ್ಷಣ ಇಲಾಖೆ
ಇದು ಉತ್ತಮ ವ್ಯವಸ್ಥೆ. ಸ್ಮಾರ್ಟ್ ಕ್ಲಾಸ್ಗಳು ಇರುವ ಶಾಲೆಗಳಲ್ಲಿ ಇನ್ನಷ್ಟು ಪರಿಣಾಮಕಾರಿಯಾಗಿ ಪಾಠವನ್ನು ಬೋಧಿಸಬಹುದು. ಮುಖ್ಯವಾಗಿ ಶಿಕ್ಷಕರು ಕೂಡ ಹೊರ ಜಗತ್ತಿನ ಮತ್ತಷ್ಟು ವಿಚಾರಗಳನ್ನು ಕಲಿಯಲು ಅವಕಾಶ ಸಿಕ್ಕಿದಂತಾಗಿದೆ.
-ಮುರಳೀಧರ್, ಶಿಕ್ಷಕ, ಕೋಡಿಕಲ್ ಸರಕಾರಿ ಶಾಲೆ
ಒಂದೇ ಒಂದು ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡಿದರೆ ಸಾಕು. ಗಣಿತ, ವಿಜ್ಞಾನ ಹಾಗೂ ಇಂಗ್ಲಿಷ್ ಭಾಷೆಗೆ ಸಂಬಂಧಪಟ್ಟ ವಿಚಾರಗಳನ್ನು ಚಿತ್ರದ ಜತೆಗೆ ಪೂರ್ಣ ವಿವರಣೆ ನೀಡುವ ಪಠ್ಯಪುಸ್ತಕವನ್ನು ರಾಜ್ಯದ ಎಲ್ಲ ಪ್ರಾಥಮಿಕ ಶಾಲೆಯಲ್ಲಿ ಈ ಬಾರಿ ನೀಡುವ ಕಾರ್ಯ ನಡೆಯಲಿದೆ. ಈಗಾಗಲೇ ರಾಜ್ಯ ಶಿಕ್ಷಣ ಸಂಶೋಧನೆ ಮತ್ತು ತರಬೇತಿ ನಿರ್ದೇಶನಾಲಯ ಸುತ್ತೋಲೆ ಹೊರಡಿಸುವ ಮೂಲಕ ಮಾಹಿತಿ ಹಂಚುವ ಕೆಲಸದಲ್ಲಿ ಕಾರ್ಯೋನ್ಮುಖವಾಗಿದೆ.
ರಾಜ್ಯ ಶಿಕ್ಷಣ ಸಂಶೋಧನೆ ಮತ್ತು ತರಬೇತಿ ನಿರ್ದೇಶನಾಲಯ(ಡಿಎಸ್ಇಆರ್ಟಿ) ನಿರ್ದೇಶಕರು ಮೇ 22ರಂದು ಸುತ್ತೋಲೆ ಹೊರಡಿಸುವ ಮೂಲಕ ಪ್ರಾಥಮಿಕ ಹಾಗೂ ಪ್ರೌಢಶಾಲೆಯಲ್ಲಿ ಇ ಸೋರ್ಸ್ಗಳನ್ನು ಬಳಸಿಕೊಂಡು ಪಾಠಗಳ ಬೋಧನೆ ಮಾಡಬೇಕು. ಈ ಮೂಲಕ ವಿದ್ಯಾರ್ಥಿಗಳಿಗೆ ಕ್ಲಿಷ್ಟಕರ ವಿಚಾರಗಳೆಂದೇ ಪರಿಗಣಿಸಲ್ಪಡುವ ಗಣಿತ, ವಿಜ್ಞಾನ ಹಾಗೂ ದ್ವಿತೀಯ ಭಾಷೆಯಾದ ಇಂಗ್ಲಿಷ್ ಬೋಧಿಸುವ ಮೂಲಕ ಹೆಚ್ಚು ಅರ್ಥವಾಗುವ ಜತೆಗೆ ಅವರಿಗೆ ಈ ವಿಚಾರದ ಕುರಿತು ಆಳವಾದ ಜ್ಞಾನ ನೀಡಲು ಸಾಧ್ಯವಾಗುತ್ತದೆ ಎನ್ನುವ ಮೂಲಕ ಕೇಂದ್ರ ಸರಕಾರದ ಮಾನವ ಸಂಪನ್ಮೂಲ ಸಚಿವಾಲಯ ಅಭಿವೃದ್ಧಿಪಡಿಸಿದ ದೀಕ್ಷಾ ಆ್ಯಪ್ ಬಳಸಿಕೊಂಡು ವಿದ್ಯಾರ್ಥಿಗಳಿಗೆ ಮಾಹಿತಿ ನೀಡಬೇಕು ಎಂದು ಸೂಚನೆ ನೀಡಿದೆ. ಈ ವಿಚಾರದಲ್ಲಿ ಕರ್ನಾಟಕ ಸರಕಾರ ಶಿಕ್ಷಣ ಇಲಾಖೆ ಕೂಡ ಕಾರ್ಯಪ್ರವೃತ್ತವಾಗಿದೆ.
ಕ್ಯೂಆರ್ ಕೋಡ್ನಲ್ಲಿದೆ ವಿಚಾರ: ಪ್ರಾಥಮಿಕ ಶಾಲೆಯ 6, 7 ಹಾಗೂ ಪ್ರೌಢಶಿಕ್ಷಣ ಎಂದು ಪರಿಗಣಿಸಲ್ಪಡುವ 8ರಿಂದ 10ರವರೆಗೆ ಇಂಗ್ಲಿಷ್, ಗಣಿತ, ವಿಜ್ಞಾನ(ಎನ್ಸಿಇಆರ್ಟಿ ಪಠ್ಯಕ್ರಮ)ದಂತೆ 33 ಶೀರ್ಷಿಕೆಗಳಲ್ಲಿ 361 ಕ್ವಿಕ್ ರೆಸ್ಪಾನ್ಸ್ ಕೋಡ್(ಕ್ಯೂಆರ್ ಕೋಡ್) ಮುದ್ರಿಸಿ ಡಿಜಿಟಲ್ ರಿಸೋರ್ಸ್ಗಳಿಗೆ ಲಿಂಕ್ ಮಾಡಿ ಅಳವಡಿಸಲಾಗಿದೆ. ಈ ಸಂಪನ್ಮೂಲಗಳನ್ನು ವೀಕ್ಷಿಸಲು ದೀಕ್ಷಾ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಬೇಕು. ಈ ಕುರಿತು ಎಲ್ಲ ಮಾಹಿತಿಗಳನ್ನು ಸಂಬಂಧಪಟ್ಟ ಪಠ್ಯಪುಸ್ತಕದಲ್ಲಿ ನೀಡಲಾಗಿದೆ.
ಇದಕ್ಕಾಗಿ ಇ-ಸಂಪನ್ಮೂಲಗಳ ಅಭಿವೃದ್ಧಿ, ಮ್ಯಾಪಿಂಗ್ ಹಾಗೂ ಲಿಂಕಿಂಗ್ ಕಾರ್ಯವನ್ನು ನಿರ್ವಹಿಸಲಾಗಿದೆ. ಪುಸ್ತಕದ ಪ್ರತಿ ಅಧ್ಯಾಯಕ್ಕೆ ಕನಿಷ್ಠ ಒಂದು ಇ-ಸಂಪನ್ಮೂಲ ಆಳವಡಿಸಲಾಗಿದೆ. ಈ ಸಂಪನ್ಮೂಲಗಳು ಬಹು ಆಯ್ಕೆಯ ಪ್ರಶ್ನೆಗಳು, ಬಿಟ್ಟ ಸ್ಥಳ ತುಂಬುವುದು, ಒಂದು ಎರಡು ಅಂಕದ ಪ್ರಶ್ನೆಗಳನ್ನು ಕೂಡ ಒಳಗೊಂಡಿವೆ. ಈ ಸಂಪನ್ಮೂಲಗಳು ವಿದ್ಯಾರ್ಥಿಗಳ ಕಲಿಕೆಯನ್ನು ಉತ್ತಮಪಡಿಸುವ ಉದ್ದೇಶವನ್ನು ಹೊಂದಿದೆ.
ಮುಂಬರುವ ದಿನಗಳಲ್ಲಿ ಇನ್ನೂ ಹೆಚ್ಚಿನ ಸಂಪನ್ಮೂಲಗಳನ್ನು ಆಳವಡಿಸುವ ಜತೆಯಲ್ಲಿ ರಾಜ್ಯದ ಎಲ್ಲ ಸರಕಾರಿ, ಅನುದಾನಿತ, ಅನುದಾನ ರಹಿತ ಶಾಲಾ ಶಿಕ್ಷಕರು ದೀಕ್ಷಾ ಆ್ಯಪ್ ಡೌನ್ಲೋಡ್ ಮಾಡಿಕೊಂಡು ಬೋಧಿಸುವ ಕೆಲಸ ಮಾಡಬಹುದು. ಮುಖ್ಯವಾಗಿ ಪಾಠ ಯೋಜನೆ, ವೀಡಿಯೋ ಹಾಗೂ ಆಡಿಯೋ ಕ್ಲಿಪ್ಪಿಂಗ್, ವರ್ಕ್ಶೀಟ್, ಚಿತ್ರಗಳು, ಸಂವಾದಾತ್ಮಕ ಆಟಗಳು ಹಾಗೂ ಚಟುವಟಿಕೆಗಳು, ಮೌಲ್ಯಮಾಪನ ಇತ್ಯಾದಿ ವಿಚಾರಗಳನ್ನು ಒಳಗೊಂಡಿವೆ. ಇದರಲ್ಲಿ ವಿದ್ಯಾರ್ಥಿ ಹಾಗೂ ಶಿಕ್ಷಕರಿಗೆ ಪ್ರತ್ಯೇಕ ಲಾಗಿಂಗ್ ವ್ಯವಸ್ಥೆಯಿದೆ. ಅದಕ್ಕೂ ಮುಖ್ಯವಾಗಿ ಬರೀ ಆ್ಯಪ್ ಮಾತ್ರವಲ್ಲ, ಡೆಸ್ಕ್ಟಾಪ್ ಸಿಸ್ಟಂನಲ್ಲೂ ಇದನ್ನು ಪಡೆಯುವ ಅವಕಾಶವಿದೆ.
ಇಂತಹ ಕ್ಯೂಆರ್ ಕೋಡ್ನಿಂದಾಗಿ ಪಠ್ಯದ ಇತರ ವಿಚಾರಗಳನ್ನು ಮತ್ತಷ್ಟು ಆಳವಾಗಿ ವಿದ್ಯಾರ್ಥಿಗಳಿಗೆ ಹೇಳಲು ಸಹಕಾರಿ. ಮುಖ್ಯವಾಗಿ ಈ ಬಾರಿಯಿಂದ ಇದು ಜಾರಿಗೆಯಾಗುತ್ತಿದೆ. ಡಿಜಿಟಲ್ ಯುಗದಲ್ಲಿ ಇಂತಹ ಬೆಳವಣಿಗೆಗಳು ನಡೆದಾಗ ಅದರ ಲಾಭ ಪಡೆಯುವುದು ಅಗತ್ಯ.
-ವೈ. ಶಿವರಾಮಯ್ಯ, ಉಪ ನಿರ್ದೇಶಕರು, ದ.ಕ. ಸಾರ್ವಜನಿಕ ಶಿಕ್ಷಣ ಇಲಾಖೆ
ಇದು ಉತ್ತಮ ವ್ಯವಸ್ಥೆ. ಸ್ಮಾರ್ಟ್ ಕ್ಲಾಸ್ಗಳು ಇರುವ ಶಾಲೆಗಳಲ್ಲಿ ಇನ್ನಷ್ಟು ಪರಿಣಾಮಕಾರಿಯಾಗಿ ಪಾಠವನ್ನು ಬೋಧಿಸಬಹುದು. ಮುಖ್ಯವಾಗಿ ಶಿಕ್ಷಕರು ಕೂಡ ಹೊರ ಜಗತ್ತಿನ ಮತ್ತಷ್ಟು ವಿಚಾರಗಳನ್ನು ಕಲಿಯಲು ಅವಕಾಶ ಸಿಕ್ಕಿದಂತಾಗಿದೆ.
-ಮುರಳೀಧರ್, ಶಿಕ್ಷಕ, ಕೋಡಿಕಲ್ ಸರಕಾರಿ ಶಾಲೆ