ಟೈಗರ್‌ ಶಾರ್ಕ್‌ ದಾಳಿ: ಅಮೆರಿಕಾದಲ್ಲಿ ಮಂಗಳೂರು ಮೂಲದ ಮಹಿಳೆ ಸಾವು

ಮಂಗಳೂರು: ಅಮೆರಿಕಾದ ಕೋಸ್ಕರಿಕಾದ ಇಸ್ಲಾಡೆಲ್‌ ದ್ವೀಪದಲ್ಲಿ ಮಂಗಳೂರು ಮೂಲದ ಮಹಿಳೆಯಯೊಬ್ಬರು ಸ್ಕೂಬಾ ಡೈವಿಂಗ್‌ ನಡೆಸುತ್ತಿದ್ದ ಸಂದರ್ಭದಲ್ಲಿ ಟೈಗರ್ ಶಾರ್ಕ್ ದಾಳಿಗೆ ಬಲಿಯಾಗಿದ್ದಾರೆ.

ಅಮೆರಿಕದಲ್ಲಿ ವಾಸವಿರುವ ಮಂಗಳೂರು ಮೂಲದ ರೋಹಿನಾ ಭಂಡಾರಿ (49) ಮೃತರು.

ನ.30ರಂದು ಅವರು ಸ್ಕೂಬಾ ಡೈವಿಂಗ್ ನಡೆಸುತ್ತಿದ್ದ ಸಂದರ್ಭ ಈ ದುರ್ಘಟನೆ ಸಂಭವಿಸಿದೆ. ಟೈಗರ್‌ ಶಾರ್ಕ್‌ ಅಪಾಯಕಾರಿಯಾಗಿದ್ದ ಇದರ ದಾಳಿಗೆ ಸಿಲುಕಿದ ರೋಹಿನಾ ಅವರ ಕಾಲುಗಳು ದೇಹದ ಇತರೆ ಭಾಗಗಳನ್ನು ಕಚ್ಚಿದೆ.

ಕೂಡಲೇ ಸ್ಥಳೀಯರು ಮೇಲಕ್ಕೆತ್ತಿ ಪ್ರಥಮ ಚಿಕಿತ್ಸೆ ನೀಡಿ ಆಸ್ಪತ್ರೆಗೆ ದಾಖಲಿಸಿದರು. ಚಿಕಿತ್ಸೆ ಫಲಕಾರಿಯಾಗದೆ ರೋಹಿನಾ ಕೊನೆಯುಸಿರೆಳೆದರು.

ಸ್ನೇಹಿತರ ಜತೆ ಇಸ್ಲಾಡೆಲ್ ಪ್ರವಾಸ ಕೈಗೊಂಡಿದ್ದ ಅವರು ಕೋಸ್ಟರಿಕಾ ದ್ವೀಪದಿಂದ 530 ಕಿ.ಮೀ. ದೂರದ ಫೆಸಿಫಿಕ್‌ ಸಾಗರದಲ್ಲಿ ಸ್ಕೂಬಾ ಡೈವಿಂಗ್‌ಗೆ ತೆರಳಿದ್ದರು.

ಈ ಸಂದರ್ಭ ರೋಹಿನಾ ಮೇಲೆ ಟೈಗರ್ ಶಾರ್ಕ್ ದಾಳಿ ಮಾಡಿದೆ. ಸ್ಕೂಬಾ ಡೈವಿಂಗ್ ಮಾಸ್ಟರ್‌ಗೂ ಶಾರ್ಕ್ ಕಚ್ಚಿ ಗಾಯಗೊಳಿಸಿದೆ. ಅವರೂ ತೀವ್ರವಾಗಿ ಗಾಯಯೊಂಡಿದ್ದಾರೆ.

ರೋಹಿನಾ ಭಂಡಾರಿ ಅವರು ಜಾರ್ಜ್ ವಾಷಿಂಗ್ಟನ್‌ ವಿವಿಯಲ್ಲಿ ಮಾಸ್ಟರ್ ಆಫ್ ಸೈನ್ಸ್ ಇನ್ ಫೈನಾನ್ಸ್ ಪದವಿ ಪಡೆದಿದ್ದರು.

ಏಷಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್‌ನಲ್ಲಿಮಾಸ್ಟರ್ ಆಫ್ ಬಿಸಿನೆಸ್ ಮ್ಯಾನೇಜ್‌ಮೆಂಟ್ ಪದವಿ ಪಡೆದಿದ್ದರು. ಮಾರ್ಕೆಟಿಂಗ್ ಕ್ಷೇತ್ರದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದರು. ಇವರ ಕುಟುಂಬ ಅಮೆರಿಕದಲ್ಲೇ ವಾಸಮಾಡುತ್ತಿದೆ.