ಶಬರಿಮಲೆಗೆ ತೆರಳಲು ಯತ್ನಿಸುತ್ತಿದ್ದ ಯುವತಿಯರನ್ನು ತಡೆದ ವೃತಧಾರಿಗಳು

ಮಂಗಳೂರು : ಶಬರಿಮಲೆಗೆ ತೆರಳುತ್ತಿದ್ದ ಇಬ್ಬರು ಯುವತಿ ಸೇರಿದಂತೆ ಮೂವರನ್ನು ಚೆಂಗನ್ನೂರು ಸಮೀಪ ಅಯ್ಯಪ್ಪ ವ್ರತಧಾರಿಗಳು ತಡೆದ ಘಟನೆ ಶನಿವಾರ ಸಂಜೆ ನಡೆದಿದೆ.

ರೈಲಿನಲ್ಲಿ ತೆರಳಲು ಚೆಂಗನ್ನೂರಿಗೆ 20ವರ್ಷದ ಇಬ್ಬರು ಯುವತಿಯರು ಮತ್ತು 40ವರ್ಷದ ಮಹಿಳೆ ಬಂದಿದ್ದರು. ಬಳಿಕ ಬಸ್‌ನಲ್ಲಿ ಪಂಪೆಗೆ ತೆರಳಲು ಪ್ರಯತ್ನಿಸುತ್ತಿದ್ದಾಗ,ಗಮನಿಸಿದ ಅಯ್ಯಪ್ಪ ವ್ರತಧಾರಿಗಳು ತಡೆದು ವಿಚಾರಿಸಿದರು. ಈ ಸಂದರ್ಭ ವಾಗ್ವಾದ ಆರಂಭವಾಗಿದ್ದು, ಆತಂಕಕ್ಕೆ ಒಳಗಾದ ಇಬ್ಬರು ಅಲ್ಲಿಂದ ಪರಾರಿಯಾದರು. ಕೂಡಲೇ ಸ್ಥಳಕ್ಕೆ ಬಂದ ಪೊಲೀಸರು ಒಬ್ಬ ಯುವತಿಯನ್ನು ವಶಕ್ಕೆ ಪಡೆದರು.

ಚೆಂಗನ್ನೂರು ಪೊಲೀಸ್‌ ಠಾಣೆಯಲ್ಲಿ ಯುವತಿಯ ವಿಚಾರಣೆ ನಡೆಯುತ್ತಿದೆ ಎಂದು ದ.ಕ. ಜಿಲ್ಲೆಯಿಂದ ತೆರಳಿದ ಅಯ್ಯಪ್ಪ ವ್ರತಧಾರಿ ಸುರೇಶ್‌ ಕಾಪಿಕಾಡು ತಿಳಿಸಿದ್ದಾರೆ.