ತಿಲಕವಿಡದವರು ಹಿಂದೂಗಳಲ್ವಾ?: 'ನಾಮ' ವಿವಾದಕ್ಕೆ 'ಬರೆ' ಎಳೆದ ಸಿದ್ದರಾಮಯ್ಯ

ಮಂಗಳೂರು: ನಾಮ ಹಾಕಿದವರನ್ನು ನೋಡಿದರೆ ಭಯ ಆಗುತ್ತದೆ ಎಂಬ ತಮ್ಮ ಹೇಳಿಕೆ ವಿವಾದದ ಸ್ವರೂಪ ಪಡೆದುಕೊಂಡ ಹಿನ್ನೆಲೆಯಲ್ಲಿ ಪ್ರತಿಕ್ರಿಯಿಸಿದ ಸಿದ್ದರಾಮಯ್ಯ, ತನ್ನ ಹೇಳಿಕೆಗೆ ಮಂಗಳೂರಿನಲ್ಲಿ ಸ್ಪಷ್ಟೀಕರಣ ನೀಡಿದರು.

'ನಾನು ಯಾವ ಸಂದರ್ಭದಲ್ಲಿ ಹೇಳಿದ್ದೇನೆ ಅನ್ನೋದನ್ನು ಅರ್ಥ ಮಾಡಿಕೊಳ್ಳಬೇಕು. ನಾನು ಹೇಳಿದ್ದು ಬಿಜೆಪಿಯವರು ಹಾಕಿಕೊಳ್ಳುವ ನಾಮದ ಬಗ್ಗೆ. ನಾಮವನ್ನು ಉದ್ದುದ್ದಕ್ಕೆ ಎಳೆದುಕೊಳ್ಳುವವರು ಬಿಜೆಪಿಯವರು. ನಾವು ಒಂದು ಬೊಟ್ಟು ಇಡುತ್ತೇವೆ ಅಷ್ಟೆ. ಚಿಕ್ಕದಾಗಿ ನಾಮ ಹಾಕಿಕೊಂಡರೆ ಪರವಾಗಿಲ್ಲ. ಉದ್ದುದ್ದವಾಗಿ ನಾಮ ಎಳೆದುಕೊಂಡವರನ್ನು ಕಂಡರೆ ನನಗೆ ಭಯ ಅಂತ ಹೇಳಿದ್ದೆ. ಇದರಲ್ಲಿ ತಪ್ಪೇನು, ಅವರು ಕುಂಕುಮವನ್ನು ಹಾಕಿಕೊಂಡು ಮೇಲೆ ಎಳೆದುಕೊಳ್ಳುತ್ತಾರೆ. ನೀವು ಹಾಗೆ ಹಾಕಿಕೊಳ್ಳಬೇಡಿ, ಸ್ವಲ್ಪ ಹಾಕಿಕೊಳ್ಳಿ ಅಂತ ಹೇಳಿದ್ದೆ' ಎಂದು ಮಾಜಿ ಸಿಎಂ ಸಮರ್ಥಿಸಿಕೊಂಡರು.



ನಾಮ ಹಾಕಿಕೊಳ್ಳದವರು ನಾನ್-ಹಿಂದುಗಳಾ? ನಾವು ಹುಡುಗರಾಗಿದ್ದಾಗ ವಿಭೂತಿ ಹಾಕಿಕೊಳ್ಳುತ್ತಿದ್ದೆವು. ಈಗ ಹಾಕಿಕೊಳ್ಳಲ್ಲ ಎಂದು ಅವರು ನುಡಿದರು.