ಗುಣಮಟ್ಟದ ಉನ್ನತ ಶಿಕ್ಷ ಣಕ್ಕೆ ಶ್ರೀನಿವಾಸ ವಿವಿ ಒಪ್ಪಂದ

ಮಂಗಳೂರು : ಗುಣಮಟ್ಟದ ಉನ್ನತ ಶಿಕ್ಷ ಣ, ಶಿಕ್ಷ ಣ ಸೇವೆಗಳು ಮತ್ತು ಸಂಶೋಧನಾ ಸಹಯೋಗಕ್ಕೆ ಸಂಬಂಧಿಸಿ ಶೈಕ್ಷ ಣಿಕ ಸಹಕಾರವನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಸ್ಕಾಟ್‌ಲ್ಯಾಂಡ್‌ನ ಸಿಟಿ ಆಫ್‌ ಗ್ಲಾಸ್ಕೊ ಕಾಲೇಜು, ಹಾಲೆಂಡ್‌ನ ಡಬ್ಲ್ಯೂಎಸ್‌ಬಿ ವಿಶ್ವ ವಿದ್ಯಾಲಯ ಮತ್ತು ಮಂಗಳೂರಿನ ಶ್ರೀನಿವಾಸ ವಿಶ್ವವಿದ್ಯಾಲಯ ನಡುವೆ ತಿಳಿವಳಿಕಾ ಒಪ್ಪಂದಕ್ಕೆ ಮಂಗಳೂರಿನ ಹೋಟೆಲ್‌ ಶ್ರೀನಿವಾಸದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸಹಿ ಹಾಕಲಾಯಿತು.

ಗ್ಲಾಸ್ಕೊ ಕಾಲೇಜಿನ ಪರವಾಗಿ ಪ್ರೊ.ಡೇನಿಯಲ್‌ ಯಾಮಿನ್‌ ಪ್ರಕಾಶ್‌ ಖಾನ್‌ ಮತ್ತು ಯುಕೆಯಲ್ಲಿ ಉನ್ನತ ಶಿಕ್ಷ ಣ ಸಲಹೆಗಾರರಾದ ಮನೋಜ್‌ ನಾಗರಾಜ್‌ ಹಾಗೂ ಶ್ರೀನಿವಾಸ ವಿಶ್ವವಿದ್ಯಾಲಯದ ಕುಲಪತಿ ಎ. ರಾಘವೇಂದ್ರ ರಾವ್‌ ಪಾಲ್ಗೊಂಡಿದ್ದರು.

ಸಮಾರಂಭದಲ್ಲಿ ಮಾತನಾಡಿದ ಪ್ರೊ. ಡೇನಿಯಲ್‌, ಯುಕೆಯಲ್ಲಿ ಮತ್ತು ಪೋಲ್ಯಾಂಡ್‌ನಲ್ಲಿ ವಿದ್ಯಾರ್ಥಿಗಳು ಮತ್ತು ಸಂಶೋಧಕರಿಗೆ ಇರುವ ಅವಕಾಶಗಳ ಕುರಿತು ಮಾಹಿತಿ ನೀಡಿದರು. ರಾಘವೇಂದ್ರ ರಾವ್‌ ಮಾತನಾಡಿ, ಡಬ್ಲ್ಯೂಎಸ್‌ಬಿ ವಿ. ವಿ. ಮತ್ತು ಗ್ಲಾಸ್ಕೊ ಕಾಲೇಜು ಜ್ಞಾನ ವಿನಿಮಯಕ್ಕೆ ಸಂಬಂಧಿಸಿ ಕೈಗೊಂಡ ಉಪಕ್ರಮಗಳ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.

ಶ್ರೀನಿವಾಸ ವಿವಿಯ ಸಹ ಕುಲಾಧಿಪತಿ ಡಾ.ಎ. ಶ್ರೀನಿವಾಸ ರಾವ್‌, ಉಪ ಕುಲಪತಿ ಡಾ. ಬಿ. ಎಸ್‌. ಐತಾಳ್‌ ತಿಳಿವಳಿಕಾ ಒಪ್ಪಂದಕ್ಕೆ ಸಂಬಂಧಿಸದ ದಾಖಲೆಗಳಿಗೆ ಅಂಕಿತದ ಪ್ರಕ್ರಿಯೆಯನ್ನು ನಡೆಸಿಕೊಟ್ಟರು. ಡಾ. ಅನಿಲ್‌ ಕುಮಾರ್‌, ಡಾ. ಶ್ರೀನಿವಾಸ ಮಯ್ಯ, ಡಾ. ಅಜಯ್‌ ಕೆ. ಜಿ., ಶ್ರೀನಿವಾಸ ಗುಂಪಿನ ಸಹ ಸಂಸ್ಥೆಗಳ ಡೀನ್‌, ಮುಖ್ಯಸ್ಥರು ಮತ್ತು ಪ್ರಿನ್ಸಿಪಾಲರು ಉಪಸ್ಥಿತರಿದ್ದರು.