ನೀರಿನ ಟ್ಯಾಂಕ್‌ಗೆ ಬಿದ್ದು ಮೂವರು ಮಕ್ಕಳ ಸಾವು

ಪುತ್ತೂರು: ತಾಲೂಕು ಬೆಟ್ಟಂಪಾಡಿ ಗ್ರಾಮದ ಉಡ್ಡಂಗಳದಲ್ಲಿ ಗ್ರಾಮ ಪಂಚಾಯತಿಯ ಟ್ಯಾಂಕಿಗೆ ಬಿದ್ದು ಮೂವರು ಮಕ್ಕಳು ಮೃತಪಟ್ಟಿದ್ದಾರೆ.

ರವಿ ಕುಲಾಲ್ ಮಗ ಜಿತೇಶ್ (12), ಹರೀಶ್ ಕುಲಾಲ್ ಮಕ್ಕಳಾದ ವಿಶ್ಮಿತಾ (13), ಚೈತ್ರಾ (10) ಮೃತರು.

ಇವರು ಅಣ್ಣ ತಮ್ಮಂದಿರ ಮಕ್ಕಳು. ಮನೆಯಿಂದ ದೂರದಲ್ಲಿ ಬೆಟ್ಟದ ಮೇಲಿರುವ ಹೊಸ ಟ್ಯಾಂಕ್‌ ನೋಡಲು ಹೋಗಿದ್ದರು.

ಹತ್ತಲು ಮತ್ತು ಒಳಗೆ ಇಳಿಯಲು ಏಣಿ ಇದ್ದು, ಇದರಲ್ಲಿ ಆಟವಾಡಲು ತೆರಳಿದ್ದರು ಎಂಬ ಶಂಕೆ ವ್ಯಕ್ತವಾಗಿದೆ.

ಮಕ್ಕಳು ಏಣಿ ಹತ್ತಿ ಇಳಿಯುವಾಗ ಆಕಸ್ಮಿಕವಾಗಿ ಬಿದ್ದು ಮೃತಪಟ್ಟಿರಬಹುದು ಎಂದು ಶಂಕಿಸಲಾಗಿದೆ.