ಸಂಚಾರಿ ಪೊಲೀಸರಿಂದಲೇ ರೂಲ್ಸ್‌ ಬ್ರೇಕ್‌!

ಮಂಗಳೂರು: ಮೋಟಾರು ವಾಹನ ಕಾಯಿದೆ ತಿದ್ದುಪಡಿ ಉಲ್ಲಂಘನೆ ಮಾಡಿದರೆ ದಂಡ ವಿಧಿಸುವ ಸಂಚಾರಿ ಪೊಲೀಸರು ತಾವೇ ಸ್ವೇಚ್ಛಾಚಾರ ಪ್ರದರ್ಶಿಸಿ ತಮ್ಮ ವಾಹನವನ್ನು ರಸ್ತೆಯಲ್ಲೇ ನಿಲ್ಲಿಸಿ ತಪಾಸಣೆ ನಡೆಸುತ್ತಿರುವ ವೀಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿವೈರಲ್‌ ಆಗಿದೆ.

ನಗರದ ಗಣಪತಿ ಹೈಸ್ಕೂಲ್‌ ರಸ್ತೆಯ ಝೀಬ್ರಾ ಕ್ರಾಸ್‌ನಲ್ಲಿಸಂಚಾರಿ ಪೊಲೀಸರು ವಾಹನ ನಿಲ್ಲಿಸಿ ತಪಾಸಣೆ ನಡೆಸುತ್ತಿದ್ದರು. ಈ ಸಂದರ್ಭ ನಾಗರಿಕರೊಬ್ಬರು ಕಟ್ಟಡದ ಮಹಡಿಯಿಂದ ಚಿತ್ರೀಕರಣ ಮಾಡಿದ ದೃಶ್ಯ ಮಾಧ್ಯಮಗಳಿಗೆ ಹರಿಯಬಿಟ್ಟಿದ್ದಾರೆ. ಪೊಲೀಸರ ಈ ಸ್ವೇಚ್ಛಾಚಾರ ವರ್ತನೆ ಸಾಮಾಜಿಕ ಜಾಲತಾಣಗಳಲ್ಲಿವೈರಲ್‌ ಆಗಿದ್ದು, ಚರ್ಚೆಗೆ ಗ್ರಾಸವಾಗಿದೆ.

ಎಲ್ಲೆಂದರಲ್ಲಿವಾಹನ ನಿಲ್ಲಿಸಿ ತಪಾಸಣೆ ನಡೆಸುವ ಪೊಲೀಸರ ಕ್ರಮಕ್ಕೆ ಆಕ್ಷೇಪವೂ ವ್ಯಕ್ತವಾಗುತ್ತಿದೆ.