ತುಳು ಸಾಹಿತ್ಯ ಅಕಾಡೆಮಿ ಸದಸ್ಯತ್ವಕ್ಕೆಇಬ್ಬರು ರಾಜೀನಾಮೆ

ಮಂಗಳೂರು: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷರ ಹಾಗೂ ಸದಸ್ಯರ ಪಟ್ಟಿ ಬಿಡುಗಡೆಯಾದ ಎರಡೇ ದಿನಗಳಲ್ಲಿಇಬ್ಬರು ಸದಸ್ಯರು ತಮಗೆ ಅಕಾಡೆಮಿಯ ಸದಸ್ಯತ್ವ ಬೇಡ ಎನ್ನುವ ಮೂಲಕ ರಾಜೀನಾಮೆ ಪತ್ರವನ್ನು ಸಲ್ಲಿಸಿದ್ದಾರೆ.
ಹೊಸ ಸರಕಾರ ಅಸ್ತಿತ್ವಕ್ಕೆ ಬಂದು ಎರಡು ತಿಂಗಳ ಬಳಿಕ ರಾಜ್ಯದ ಎಲ್ಲಅಕಾಡೆಮಿಗಳಿಗೆ ಅಧ್ಯಕ್ಷರು ಹಾಗೂ ಸಮಿತಿ ಸದಸ್ಯರ ಪಟ್ಟಿ ಬಿಡುಗಡೆ ಮಾಡಲಾಗಿತ್ತು. ಇದರಲ್ಲಿತುಳು ಸಾಹಿತ್ಯ ಅಕಾಡೆಮಿಯ ಸದಸ್ಯರ ಪಟ್ಟಿಯಲ್ಲಿದ್ದ ಡಾ.ಸಾಯಿ ಗೀತಾ ಹೆಗ್ಡೆ ಹಾಗೂ ಡಾ.ವೈ.ಎನ್‌. ಶೆಟ್ಟಿ ಅವರು ತಮ್ಮ ಸದಸ್ಯತ್ವಕ್ಕೆ ಶುಕ್ರವಾರ ರಾಜೀನಾಮೆ ಸಲ್ಲಿಸಿದ್ದಾರೆ. ಡಾ. ಸಾಯಿಗೀತಾ ಅವರು ಭಾಷಾ ಸಂಶೋಧನಾ ವಿಚಾರದಲ್ಲಿಹೆಚ್ಚಿನ ಕೆಲಸ ಮಾಡಲು ಇರುವುದರಿಂದ ಪೂರ್ಣ ಪ್ರಮಾಣದಲ್ಲಿತುಳು ಸಾಹಿತ್ಯ ಅಕಾಡೆಮಿಯಲ್ಲಿಸದಸ್ಯರಾಗಿ ಉಳಿಯಲು ಸಾಧ್ಯವಿಲ್ಲಎನ್ನುವ ಮಾಹಿತಿ ನೀಡಿದರೆ ಡಾ.ವೈ.ಎನ್‌. ಶೆಟ್ಟಿ ಅವರು ಕಳೆದ ಅವಧಿಯಲ್ಲಿಸದಸ್ಯನಾಗಿ ಕಾರ‍್ಯ ನಿರ್ವಹಣೆ ಮಾಡಿದ್ದೇನೆ ಈ ಬಾರಿ ಕೂಡ ಸದಸ್ಯನಾಗಿ ಉಳಿಯಲು ಬಯಸುವುದಿಲ್ಲಎನ್ನುವ ಕಾರಣವನ್ನು ರಾಜೀನಾಮೆ ಪತ್ರದಲ್ಲಿ ತಿಳಿಸಿದ್ದಾರೆ. ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷ ದಯಾನಂದ್‌ ಕತ್ತಲ್‌ಸಾರ್‌ ಅವರು ವಿಕದ ಜತೆ ಮಾತನಾಡಿ, ಈ ಬಾರಿ ಅಧ್ಯಕ್ಷರ ಹಾಗೂ ಸದಸ್ಯರ ಆಯ್ಕೆ ಪ್ರಕ್ರಿಯೆಯನ್ನು ಅವರ ಸಾಧನೆಯ ಆಧಾರದಲ್ಲಿಮಾಹಿತಿ ಕಲೆ ಹಾಕಿಕೊಂಡು ಮಾಡಲಾಗಿತ್ತು. ಇದರಿಂದ ನಮ್ಮಲ್ಲಿಇಬ್ಬರು ತಮ್ಮ ಸಂಶೋಧನೆ ಕೆಲಸ ಹಾಗೂ ಹಿಂದಿನ ಬಾರಿ ಸದಸ್ಯರಾಗಿದ್ದ ಕಾರಣಕ್ಕೆ ರಾಜೀನಾಮೆ ಸಲ್ಲಿಸಿದ್ದಾರೆ. ತೆರೆವಾದ ಸದಸ್ಯರ ಸ್ಥಾನ ಭರ್ತಿ ಮಾಡುವ ಕಾರ್ಯ ಇಲಾಖೆ ಶೀಘ್ರದಲ್ಲಿಮಾಡಲಿದೆ ಎಂದರು.