ಕಡಬ (ದಕ್ಷಿಣ ಕನ್ನಡ): ಆರು ತಿಂಗಳ ಹಿಂದೆ ಉಪ್ಪಿನಂಗಡಿಯಲ್ಲಿ ಹಸಿ ಮೀನು ವ್ಯಾಪಾರಕ್ಕೆ ಸಂಬಂಧಿಸಿದ ಪ್ರಕರಣದಲ್ಲಿ ಆರೋಪಿ ಬಗ್ಗೆ ಬಾಯಿ ಬಿಟ್ಟ ವಿಚಾರವನ್ನು ನೆಪವಾಗಿಟ್ಟುಕೊಂಡು ಕ್ಷುಲ್ಲಕ ಕಾರಣವೊಡ್ಡಿ ಯುವಕನೊಬ್ಬನಿಗೆ ಚಾಕು ಇರಿದು ಗಂಭೀರ ಗಾಯಗೊಳಿಸಿದ ಘಟನೆ, ಸೋಮವಾರ ಸಂಜೆ ಕೊೖಲ ಗ್ರಾಮದ ಏಂತಾರು ಎಂಬಲ್ಲಿ ಫುಡ್‌ ಪ್ರಾಡಕ್ಟ್ ಅಂಗಡಿಯೊಂದರ ಬಳಿ ನಡೆದಿದ್ದು, ಮಂಗಳವಾರ ಆರೋಪಿಯನ್ನು ಬಂಧಿಸಲಾಗಿದೆ.
ಕೊೖಲ ಗ್ರಾಮದ ಏಂತಾರು ಮನೆ ಇಬ್ರಾಹಿಂ ಎಂಬುವರ ಪುತ್ರ ಮಹಮ್ಮದ್‌ ನವಾಜ್‌ (29) ಗಂಭೀರ ಗಾಯಗೊಂಡವರು. ಈ ಸಂಬಂಧ ಆರೋಪಿ ಆದಂ ಎಂಬುವರ ಪುತ್ರ ನೌಫಾಲ್‌ (29) ನನ್ನು ಪೊಲೀಸರು ಬಂಧಿಸಿದ್ದಾರೆ.
ಮಹಮ್ಮದ್‌ ನವಾಜ್‌ ಸೋಮವಾರ ಸಂಜೆ ನೌಫಾಲ್‌ನ ಅಂಗಡಿಗೆ ಮೊಬೈಲ್‌ ರೀಚಾರ್ಜ್ ಮಾಡಲು ಹೋದಾಗ ಅಲ್ಲಿ ರೀಚಾರ್ಜ್ ಇಲ್ಲದೆ ಬಳಿಕ ಆತೂರಿನ ಮಸೀದಿ ಬಳಿಯ ಅಂಗಡಿಯಲ್ಲಿ ರೀಚಾರ್ಜ್ ಮಾಡಿಕೊಂಡು ಮನೆಗೆ ತೆರಳಿದ ಬಳಿಕ ಈತನ ಅಣ್ಣ ರಹೀಂ ಈತನಿಗೆ ಫೋನ್‌ ಕರೆ ಮಾಡಿ ನೀನು ಯಾಕೆ ನೌಫಾಲ್‌ ಅಂಗಡಿಗೆ ರೀಜಾರ್ಜ್ ಮಾಡಿಸಲು ಹೋಗಿದ್ದು, ಆತ ನನಗೆ ಕರೆ ಮಾಡಿ ನಿನ್ನ ತಮ್ಮ ನನ್ನ ಅಂಗಡಿಗೆ ಯಾಕೆ ಬರೋದು ಎಂದು ನನಗೆ ಅವಾಚ್ಯವಾಗಿ ಬೈದಿರುವುದಾಗಿ ತಿಳಿಸಿದ್ದಾನೆ. ಇದೇ ವಿಚಾರವಾಗಿ ನನ್ನ ಅಣ್ಣನಿಗೆ ಯಾಕೆ ಫೋನ್‌ ಮಾಡಿ ಬೈದಿದ್ದು ಎಂದು ನೌಫಾಲ್‌ಗೆ ಮಹಮ್ಮದ್‌ ನವಾಜ್‌ ಪ್ರಶ್ನಿಸಿದಾಗ ಆತ ನೀನು ಅಂಗಡಿ ಹತ್ತಿರ ಬಾ ಮಾತನಾಡಲು ಇದೆ ಎಂದು ಕರೆಸಿಕೊಂಡು 6 ತಿಂಗಳ ಹಿಂದೆ ಉಪ್ಪಿನಂಗಡಿಯಲ್ಲಿ ಮೀನು ವ್ಯಾಪಾರಕ್ಕೆ ಸಂಬಂಧಿಸಿದ ಗಲಾಟೆ ಕುರಿತು ನನ್ನ ತಮ್ಮ ಸಿನಾನ್‌ ಬಗ್ಗೆ ನೀನು ಯಾಕೆ ಉಪ್ಪಿನಂಗಡಿ ಪೊಲೀಸರಿಗೆ ಮಾಹಿತಿ ನೀಡಿದ್ದು ಎಂದು ಪ್ರಶ್ನಿಸಿ ಅವಾಚ್ಯ ಶಬ್ದಗಳಿಂದ ಬೈದು ಗಲಾಟೆ ಮಾಡಿ ನಂತರ ಅಂಗಡಿಯಲ್ಲೇ ಇದ್ದ ಚಾಕುವಿನಿಂದ ಮಹಮ್ಮದ್‌ ನವಾಜ್‌ನ ಹೊಟ್ಟೆಗೆ ಇರಿದು ಗಂಭೀರ ಗಾಯಗೊಳಿಸಲಾಗಿದೆ.
ಬಳಿಕ ಗಾಯಾಳುವನ್ನು ಹಕೀಲ್‌ ಮತ್ತು ಆಸೀಫ್‌ ಎಂಬುವರು ಪುತ್ತೂರು ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ ಎಂದು ಠಾಣೆಗೆ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿ ನೌಫಾಲ್‌ನನ್ನು ಬಂಧಿಸಿದ್ದಾರೆ.
ಕೊೖಲ ಗ್ರಾಮದ ಏಂತಾರು ಮನೆ ಇಬ್ರಾಹಿಂ ಎಂಬುವರ ಪುತ್ರ ಮಹಮ್ಮದ್‌ ನವಾಜ್‌ (29) ಗಂಭೀರ ಗಾಯಗೊಂಡವರು. ಈ ಸಂಬಂಧ ಆರೋಪಿ ಆದಂ ಎಂಬುವರ ಪುತ್ರ ನೌಫಾಲ್‌ (29) ನನ್ನು ಪೊಲೀಸರು ಬಂಧಿಸಿದ್ದಾರೆ.
ಆರೋಪಿ ನೌಫಾಲ್‌
ಮಹಮ್ಮದ್‌ ನವಾಜ್‌ ಸೋಮವಾರ ಸಂಜೆ ನೌಫಾಲ್‌ನ ಅಂಗಡಿಗೆ ಮೊಬೈಲ್‌ ರೀಚಾರ್ಜ್ ಮಾಡಲು ಹೋದಾಗ ಅಲ್ಲಿ ರೀಚಾರ್ಜ್ ಇಲ್ಲದೆ ಬಳಿಕ ಆತೂರಿನ ಮಸೀದಿ ಬಳಿಯ ಅಂಗಡಿಯಲ್ಲಿ ರೀಚಾರ್ಜ್ ಮಾಡಿಕೊಂಡು ಮನೆಗೆ ತೆರಳಿದ ಬಳಿಕ ಈತನ ಅಣ್ಣ ರಹೀಂ ಈತನಿಗೆ ಫೋನ್‌ ಕರೆ ಮಾಡಿ ನೀನು ಯಾಕೆ ನೌಫಾಲ್‌ ಅಂಗಡಿಗೆ ರೀಜಾರ್ಜ್ ಮಾಡಿಸಲು ಹೋಗಿದ್ದು, ಆತ ನನಗೆ ಕರೆ ಮಾಡಿ ನಿನ್ನ ತಮ್ಮ ನನ್ನ ಅಂಗಡಿಗೆ ಯಾಕೆ ಬರೋದು ಎಂದು ನನಗೆ ಅವಾಚ್ಯವಾಗಿ ಬೈದಿರುವುದಾಗಿ ತಿಳಿಸಿದ್ದಾನೆ. ಇದೇ ವಿಚಾರವಾಗಿ ನನ್ನ ಅಣ್ಣನಿಗೆ ಯಾಕೆ ಫೋನ್‌ ಮಾಡಿ ಬೈದಿದ್ದು ಎಂದು ನೌಫಾಲ್‌ಗೆ ಮಹಮ್ಮದ್‌ ನವಾಜ್‌ ಪ್ರಶ್ನಿಸಿದಾಗ ಆತ ನೀನು ಅಂಗಡಿ ಹತ್ತಿರ ಬಾ ಮಾತನಾಡಲು ಇದೆ ಎಂದು ಕರೆಸಿಕೊಂಡು 6 ತಿಂಗಳ ಹಿಂದೆ ಉಪ್ಪಿನಂಗಡಿಯಲ್ಲಿ ಮೀನು ವ್ಯಾಪಾರಕ್ಕೆ ಸಂಬಂಧಿಸಿದ ಗಲಾಟೆ ಕುರಿತು ನನ್ನ ತಮ್ಮ ಸಿನಾನ್‌ ಬಗ್ಗೆ ನೀನು ಯಾಕೆ ಉಪ್ಪಿನಂಗಡಿ ಪೊಲೀಸರಿಗೆ ಮಾಹಿತಿ ನೀಡಿದ್ದು ಎಂದು ಪ್ರಶ್ನಿಸಿ ಅವಾಚ್ಯ ಶಬ್ದಗಳಿಂದ ಬೈದು ಗಲಾಟೆ ಮಾಡಿ ನಂತರ ಅಂಗಡಿಯಲ್ಲೇ ಇದ್ದ ಚಾಕುವಿನಿಂದ ಮಹಮ್ಮದ್‌ ನವಾಜ್‌ನ ಹೊಟ್ಟೆಗೆ ಇರಿದು ಗಂಭೀರ ಗಾಯಗೊಳಿಸಲಾಗಿದೆ.
ಬಳಿಕ ಗಾಯಾಳುವನ್ನು ಹಕೀಲ್‌ ಮತ್ತು ಆಸೀಫ್‌ ಎಂಬುವರು ಪುತ್ತೂರು ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ ಎಂದು ಠಾಣೆಗೆ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿ ನೌಫಾಲ್‌ನನ್ನು ಬಂಧಿಸಿದ್ದಾರೆ.