​ಬಿಸಿಯೂಟ ಪಡಿತರ ಡೈರಿ ಹಸುಗಳ ಪಾಲು

ಮೀರತ್‌: ನಗರದ ಶಾಲೆಯೊಂದರ ಮಕ್ಕಳಿಗೆ ಮೂರು ವರ್ಷಗಳಿಂದ ಬಿಸಿಯೂಟ ನೀಡುತ್ತಿಲ್ಲ. ಬಿಸಿಯೂಟಕ್ಕೆ ಇಲಾಖೆ ನೀಡುತ್ತಿರುವ ಪಡಿತರ ಸಾಮಗ್ರಿಗಳು ಡೈರಿಯೊಂದರ ದನಗಳಿಗೆ ಆಹಾರವಾಗುತ್ತಿದೆ ಎಂಬುದು ಬಯಲಾಗಿದೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಡೈರಿಯ ಮಾಲೀಕ ಪ್ರವೀಣ್‌ ಕುಮಾರ್‌ ಹಾಗೂ ಅಂಗನವಾಡಿ ಕಾರ್ಯಕರ್ತೆಯ ಪತಿ ಕುನ್ವರ್‌ ಸೈನ್‌ ಎಂಬನನ್ನು ಬಂಧಿಸಿದ್ದು, 160 ಕೆ.ಜಿ. ಬಿಸಿಯೂಟ ಪಡಿತರ ವಶಕ್ಕೆ ತೆಗೆದುಕೊಳ್ಳಲಾಗಿದೆ ಎಂದು ಬಿಸಿಯೂಟ ಯೋಜನೆಯ ಜಿಲ್ಲಾ ಅಧಿಕಾರಿ ಜೆ.ಪಿ. ತಿವಾರಿ ಹೇಳಿದ್ದಾರೆ.

ಮಕ್ಕಳ ಬಿಸಿಯೂಟದ ಪಡಿತರವು ಯಾದ್‌ನಗರ ಡೈರಿಯ ಹಸುಗಳಿಗೆ ಸರಬರಾಜಾಗುತ್ತಿದೆ ಎಂಬ ಸುಳಿವು ಆಧರಿಸಿ ಪೊಲೀಸರ ನೆರವಿನೊಂದಿಗೆ ದಾಳಿ ನಡೆಸಿದಾಗ ಈ ಅವ್ಯವಹಾರ ಪತ್ತೆಯಾಗಿದೆ. ದಾಳಿ ವೇಳೆ ಬಿಸಿಯೂಟ ಪಡಿತರ ಸರಬರಾಜುದಾರ ಕೂಡ ಅದೇ ಡೈರಿಯಲ್ಲಿದ್ದ ಎಂದು ಅಧಿಕಾರಿ ತಿಳಿಸಿದ್ದಾರೆ.

Midday meal: Midday meals (MDM) seem to be getting distributed to everyone else but school children in the district.