ದೆಹಲಿ ಹಿಂಸೆ ಭೀಕರತೆಗೆ ನಾಚಿ ಯಮನೂ ರಾಜೀನಾಮೆ ನೀಡುತ್ತಿದ್ದ: ಶಿವಸೇನೆ!

ನವದೆಹಲಿ: ದೆಹಲಿ ಸಿಎಎ ದಂಗೆ ಕುರಿತು ಮತ್ತೆ ಪ್ರಧಾನಿ ಮೋದಿ ಹಾಗೂ ಕೇಂದ್ರ ಗೃಹ ಸಚಿವ ಅಮಿತ್ ಶಾ ವಿರುದ್ಧ ವಾಗ್ದಾಳಿ ನಡೆಸಿರುವ ಶಿವಸೇನೆ, ದಂಗೆಯ ಭೀಕರತೆ ಅದೆಷ್ಟಿತ್ತೆಂದರೆ ಅದನ್ನು ಕಂಡ ಯಮ ಕೂಡ ತನ್ನ ಸ್ಥಾನಕ್ಕೆ ರಾಜೀನಾಮೆ ನೀಡುತ್ತಿದ್ದ ಎಂದು ಮಾರ್ಮಿಕವಾಗಿ ಹೇಳಿದೆ.

ಈ ಕುರಿತು ಶಿವಸೇನೆ ಮುಖವಾಣಿ ಸಾಮ್ನಾದಲ್ಲಿ ಸಂಪಾದಕೀಯ ಬರೆಯಲಾಗಿದ್ದು, ದೆಹಲಿ ಹಿಂಸಾಚಾರದಲ್ಲಿ ಹಿಂದೂ-ಮುಸ್ಲಿಂ ಕುಟುಂಬದ ಮುಗ್ಧ ಮಕ್ಕಳು ಅನಾತರಾಗಿದ್ದಾರೆ. ಆದರೆ ಇದಕ್ಕೆ ಕಾರಣರಾದವರು ನಾಚಿಕೆಯಿಲ್ಲದೇ ದಂಗೆಯನ್ನು ಬೆಂಬಲಿಸಿ ಹೇಳಿಕೆ ನೀಡುತ್ತಲೇ ಇದ್ದಾರೆ ಎಂದು ಕಿಡಿಕಾರಲಾಗಿದೆ.

ಐಬಿ ಅಧಿಕಾರಿ ಹತ್ಯೆ: ತಾಹೀರ್ ಸಹೋದರನನ್ನು ವಶಕ್ಕೆ ಪಡೆದ ಪೊಲೀಸರು!

ನಾವು ಅನಾಥರ ಹೊಸ ಸಮಾಜ ನಿರ್ಮಿಸಲು ಹೊರಟಿದ್ದೇವೆ ಎಂದು ಭಾಸವಾಗುತ್ತಿದ್ದು, ರಾಜಕೀಯ ವಿರೋಧಾಭಾಸ ಈ ಪರಿಯ ಹಿಮಸೆಗೆ ಕಾರಣವಾಗಬಾರದು ಎಂದು ಸಾಮ್ನಾ ಅಭಿಪ್ರಾಯಪಟ್ಟಿದೆ.

50ಕ್ಕೂ ಹೆಚ್ಚು ಜನರ ಪ್ರಾಣ ತೆಗೆಯಲು ಗಲಭೆಕೋರರಿಗೆ ಅಧಿಕಾರ ನೀಡಿದವರು ಯಾರು? ಇದು ಮಾನವೀಯತೆಯ ಸಾವೇ? ಎಂದು ಸಾಮ್ನಾ ಸಂಪಾದಕೀಯ ಪ್ರಶ್ನಿಸಿದೆ.

ಆಯ್ತು ಮಾತಾಡೋಣ: ದೆಹಲಿ ದಂಗೆ ಕುರಿತು ಮಾ.11ರಂದು ಶಾ ಉತ್ತರ!