ಮುಂಬಯಿ: ಎಮ್ಮೆಗಳ ಹಿಂಡಿಗೆ ಡಿಕ್ಕಿ ಹೊಡೆ ಪರಿಣಾಮ ವಂದೇ ಭಾರತ್ ರೈಲಿನ ಮುಂದಿ ಭಾಗ ಜಖಂಗೊಂಡ ಘಟನೆ ಗುಜರಾತ್‌ನಲ್ಲಿ ಗುರುವಾರ ಬೆಳಿಗ್ಗೆ ನಡೆದಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ಸೆಮಿ- ಹೈಸ್ಪೀಡ್ ರೈಲಿಗೆ ಚಾಲನೆ ನೀಡಿದ ಕೆಲವೇ ದಿನಗಳಲ್ಲಿ ಈ ಘಟನೆ ಸಂಭವಿಸಿದೆ.
ಅಪಘಾತದಲ್ಲಿ ರೈಲಿನ ಮುಂದಿನ ಭಾಗಕ್ಕೆ ಸ್ವಲ್ಪ ಹಾನಿಯಾಗಿದೆ. ಘಟನೆ ಬಳಿಕ ರೈಲಿನ ಒಡೆದ ಮುಂಭಾಗವನ್ನು ಸಿಬ್ಬಂದಿಯೊಬ್ಬರು ತೆರವುಗೊಳಿಸುತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಹಳಿಗಳಲ್ಲಿನ ಅಡತಡೆಗಳನ್ನು ತೆರವುಗೊಳಿಸಿದ ಬಳಿಕ 20 ನಿಮಿಷಗಳಲ್ಲಿ ರೈಲು ಸಂಚಾರ ಮತ್ತೆ ಆರಂಭವಾಗಿದೆ.
ವಟ್ವಾ ಸ್ಟೇಷನ್ ಸಮೀಪ ಎಮ್ಮೆಗಳ ಹಿಂಡೊಂದು ರೈಲ್ವೆ ಹಳಿ ದಾಟುತ್ತಿದ್ದಾಗ, ವೇಗವಾಗಿ ಬಂದ ರೈಲು ಅವುಗಳಿಗೆ ಡಿಕ್ಕಿಯಾಗಿದೆ ಎಂದು ಪಶ್ಚಿಮ ರೈಲ್ವೆಯ ಹಿರಿಯ ಪಿಆರ್‌ಒ ಜೆಕೆ ಜಯಂತ್ ತಿಳಿಸಿದ್ದಾರೆ. ರೈಲಿನ ಎಂಜಿನ್‌ನ ಮುಂಭಾಗಕ್ಕೆ ಹಾನಿಯಾಗಿದೆ. ಘಟನೆಯಲ್ಲಿ ಯಾರಿಗೂ ಗಾಯಗಳಾಗಿಲ್ಲ.
ಪ್ರಧಾನಿ ನರೇಂದ್ರ ಮೋದಿ ಅವರು ಗಾಂಧಿನಗರ- ಮುಂಬಯಿ ವಂದೇ ಭಾರತ್ ಎಕ್ಸ್‌ಪ್ರೆಸ್ ಸೆಮಿ- ಹೈ ಸ್ಪೀಡ್ ರೈಲನ್ನು ಕಳೆದ ತಿಂಗಳು ಉದ್ಘಾಟಿಸಿದ್ದರು. ಗಾಂಧಿನಗರದಿಂದ ಅಹಮದಾಬಾದ್‌ನ ಕಾಲುಪುರ್ ರೈಲ್ವೆ ನಿಲ್ದಾಣದವರೆಗೂ ಅದರಲ್ಲಿ ಪ್ರಯಾಣಿಸಿದ್ದರು.
ಪಶ್ಚಿಮ ರೈಲ್ವೆ ವಲಯವು ಅಕ್ಟೋಬರ್ 5ರಿಂದ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಿನ ಪ್ರಯಾಣ ಸಮಯವನ್ನು ಮತ್ತಷ್ಟು ತಗ್ಗಿಸಿದೆ. ಗಾಂಧಿನಗರದಿಂದ ಮುಂಬಯಿ ಸೆಂಟ್ರಲ್‌ಗೆ ರೈಲು 20 ನಿಮಿಷ ಮುಂಚಿತವಾಗಿ ಬರಲಿದೆ.
ಅಪಘಾತದಲ್ಲಿ ರೈಲಿನ ಮುಂದಿನ ಭಾಗಕ್ಕೆ ಸ್ವಲ್ಪ ಹಾನಿಯಾಗಿದೆ. ಘಟನೆ ಬಳಿಕ ರೈಲಿನ ಒಡೆದ ಮುಂಭಾಗವನ್ನು ಸಿಬ್ಬಂದಿಯೊಬ್ಬರು ತೆರವುಗೊಳಿಸುತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಹಳಿಗಳಲ್ಲಿನ ಅಡತಡೆಗಳನ್ನು ತೆರವುಗೊಳಿಸಿದ ಬಳಿಕ 20 ನಿಮಿಷಗಳಲ್ಲಿ ರೈಲು ಸಂಚಾರ ಮತ್ತೆ ಆರಂಭವಾಗಿದೆ.
ವಟ್ವಾ ಸ್ಟೇಷನ್ ಸಮೀಪ ಎಮ್ಮೆಗಳ ಹಿಂಡೊಂದು ರೈಲ್ವೆ ಹಳಿ ದಾಟುತ್ತಿದ್ದಾಗ, ವೇಗವಾಗಿ ಬಂದ ರೈಲು ಅವುಗಳಿಗೆ ಡಿಕ್ಕಿಯಾಗಿದೆ ಎಂದು ಪಶ್ಚಿಮ ರೈಲ್ವೆಯ ಹಿರಿಯ ಪಿಆರ್‌ಒ ಜೆಕೆ ಜಯಂತ್ ತಿಳಿಸಿದ್ದಾರೆ. ರೈಲಿನ ಎಂಜಿನ್‌ನ ಮುಂಭಾಗಕ್ಕೆ ಹಾನಿಯಾಗಿದೆ. ಘಟನೆಯಲ್ಲಿ ಯಾರಿಗೂ ಗಾಯಗಳಾಗಿಲ್ಲ.
ಪ್ರಧಾನಿ ನರೇಂದ್ರ ಮೋದಿ ಅವರು ಗಾಂಧಿನಗರ- ಮುಂಬಯಿ ವಂದೇ ಭಾರತ್ ಎಕ್ಸ್‌ಪ್ರೆಸ್ ಸೆಮಿ- ಹೈ ಸ್ಪೀಡ್ ರೈಲನ್ನು ಕಳೆದ ತಿಂಗಳು ಉದ್ಘಾಟಿಸಿದ್ದರು. ಗಾಂಧಿನಗರದಿಂದ ಅಹಮದಾಬಾದ್‌ನ ಕಾಲುಪುರ್ ರೈಲ್ವೆ ನಿಲ್ದಾಣದವರೆಗೂ ಅದರಲ್ಲಿ ಪ್ರಯಾಣಿಸಿದ್ದರು.
ಪಶ್ಚಿಮ ರೈಲ್ವೆ ವಲಯವು ಅಕ್ಟೋಬರ್ 5ರಿಂದ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಿನ ಪ್ರಯಾಣ ಸಮಯವನ್ನು ಮತ್ತಷ್ಟು ತಗ್ಗಿಸಿದೆ. ಗಾಂಧಿನಗರದಿಂದ ಮುಂಬಯಿ ಸೆಂಟ್ರಲ್‌ಗೆ ರೈಲು 20 ನಿಮಿಷ ಮುಂಚಿತವಾಗಿ ಬರಲಿದೆ.