ಚುನಾವಣಾ ಪ್ರಣಾಳಿಕೆಯ ಭರವಸೆ ಈಡೇರಿಸಿದ ಶಿವಸೇನೆ, 10 ರೂ. ಊಟದ 'ಶಿವ ಭೋಜನ' ಯೋಜನೆಗೆ ಚಾಲನೆ

ಮುಂಬಯಿ: ಶಿವಸೇನೆಯು ಚುನಾವಣಾ ಪ್ರಣಾಳಿಕೆಯಲ್ಲಿನೀಡಿದ್ದ ಭರವಸೆಯಂತೆ 10 ರೂ.ಗೆ ಊಟ ನೀಡುವ 'ಶಿವ ಭೋಜನ' ಯೋಜನೆಗೆ ಗಣರಾಜ್ಯೋತ್ಸವ ದಿನದಂದು ಚಾಲನೆ ನೀಡಲಾಗಿದೆ.

ಮುಂಬಯಿ ಸೇರಿದಂತೆ ರಾಜ್ಯದ ಪ್ರತಿ ಜಿಲ್ಲೆಯಲ್ಲಿಯೂ ಜಿಲ್ಲಾಉಸ್ತುವಾರಿ ಸಚಿವರು ಯೋಜನೆಗೆ ಚಾಲನೆ ನೀಡಿದರು. ಆರಂಭದಲ್ಲಿ 50 ಕ್ಯಾಂಟೀನ್‌ಗಳ ಮೂಲಕ ಪ್ರಾಯೋಗಿಕಕವಾಗಿ ಯೋಜನೆಯನ್ನು ಅನುಷ್ಠಾನಗೊಳಿಸಿ, ನಂತರ ರಾಜ್ಯಾದ್ಯಂತ ವಿಸ್ತರಿಸಲಾಗುತ್ತದೆ.

ಈ ಯೋಜನೆಯಂತೆ ಪ್ರತಿ ಜಿಲ್ಲಾಕೇಂದ್ರದಲ್ಲಿಯೂ ಕ್ಯಾಂಟೀನ್‌ ತೆರೆದು ಕೇವಲ ಹತ್ತು ರೂಪಾಯಿಗೆ ಊಟ ನೀಡಲಾಗುತ್ತದೆ. ಊಟವು ಎರಡು ಚಪಾತಿ, ಅನ್ನ, ಪಲ್ಯ, ದಾಲ್‌ ಒಳಗೊಂಡಿರುತ್ತದೆ. ಮಧ್ಯಾಹ್ನ 12ರಿಂದ 2 ಗಂಟೆವರೆಗೆ 'ಶಿವ ಭೋಜನ' ಲಭ್ಯ. ಪ್ರತಿ ಕ್ಯಾಂಟೀನ್‌ನಲ್ಲಿನಿತ್ಯ ಕನಿಷ್ಠ 500 ಊಟ ನೀಡುವ ಗುರಿ ಹೊಂದಲಾಗಿದೆ.

ಶಿರಡಿ ಸಾಯಿಬಾಬಾ ಜನ್ಮಸ್ಥಳ ವಿವಾದ ಸುಖಾಂತ್ಯ: ಗ್ರಾಮಸ್ಥರ ಮನವೊಲಿಸಿದ ಮಹಾ ಸಿಎಂ ಠಾಕ್ರೆ

ಮುಂದಿನ ಮೂರು ತಿಂಗಳಲ್ಲಿ ಯೋಜನೆಗಾಗಿ 6.4 ಕೋಟಿ ರೂ.ಗಳನ್ನು ಸರಕಾರ ಮೀಸಲಿರಿಸಿದೆ. ''ನಗರ ಪ್ರದೇಶದಲ್ಲಿಒಂದು ಊಟಕ್ಕೆ 50 ರೂ. ಮತ್ತು ಗ್ರಾಮೀಣ ಪ್ರದೇಶದಲ್ಲಿ 35 ರೂ. ವೆಚ್ಚವಾಗಲಿದೆ. ಸಹಾಯಧನದ ರೂಪದಲ್ಲಿ ರಾಜ್ಯ ಸರಕಾರವೇ ಉಳಿದ ಮೊತ್ತ ಭರಿಸಲಿದೆ,'' ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.