ನಂಜನಗೂಡು: ನಂಜನಗೂಡಿನ ಶ್ರೀಕಂಠೇಶ್ವರಸ್ವಾಮಿ ದೇವಾಲಯದ ಹುಂಡಿಯಲ್ಲಿ 500 ರೂ. ಹಾಗೂ 1000 ರೂ. ಮುಖ ಬೆಲೆಯ ಹಳೆಯ ನೋಟುಗಳು ಪತ್ತæ್ತಯಾಗಿವೆ.
ಗುರುವಾರ ದೇವಾಲಯದಲ್ಲಿ ಜರುಗಿದ ಪರ್ಕಾವಣೆಯಲ್ಲಿ ಒಟ್ಟು 13 ಹುಂಡಿಗಳನ್ನು ತೆರೆದು ಎಣಿಸಲಾಯಿತು. ಇದರಲ್ಲಿ ನಿಷೇಧಿತ 500 ಮತ್ತು 1000 ಮುಖ ಬೆಲೆಯ 3 ಲಕ್ಷ ದ 7 ಸಾವಿರ ರೂ. ಸಂಗ್ರಹವಾಗಿರುವುದು ಕಂಡು ಬಂತು. ಕಳೆದ ಮೂರು ತಿಂಗಳ ಅವಧಿಯಲ್ಲಿ ಒಟ್ಟು 13 ಲಕ್ಷ ರೂ ನಿಷೇಧಿತ ನೋಟು ಸಂಗ್ರಹವಾಗಿವೆ.
''ಮಾಸಿಕ ಹುಂಡಿ ಹಣ ಎಣಿಕೆ ಸಂದರ್ಭ ಹೀಗೆ ಸಂಗ್ರಹವಾಗುವ ನೋಟುಗಳನ್ನು ಪ್ರತ್ಯೇಕವಾಗಿ ಸೀಲ್ ಮಾಡಿ ದೇವಾಲಯದ ಭದ್ರತಾ ಕೊಠಡಿಯಲ್ಲಿ ಇರಿಸಲಾಗುತ್ತಿದೆ. ಕಳೆದ ಮೂರು ತಿಂಗಳ ಅವಧಿಯಲ್ಲಿ ಒಟ್ಟು 13 ಲಕ್ಷ ರೂ ನಿಷೇಧಿತ ನೋಟು ಹುಂಡಿಯಲ್ಲಿ ಸಂಗ್ರಹಗೊಂಡಿದ್ದು ಹೀಗೆ ಲಭ್ಯವಾಗಿರುವ ನೋಟುಗಳನ್ನು ಆರ್ಬಿಐಗೆ ನೀಡಿ ಬದಲಾಯಿಸಿಕೊಳ್ಳುವ ಸಲುವಾಗಿ ಸರಕಾರದ ಮಟ್ಟದಲ್ಲಿ ಪ್ರಯತ್ನಗಳು ಸಾಗಿವೆ'' ಎಂದು ದೇವಾಲಯದ ಇಒ ಜಯಪ್ರಕಾಶ್ ತಿಳಿಸಿದರು. ದೇವಾಲಯದ ಹುಂಡಿಯಲ್ಲಿ ಈ ಬಾರಿ 1.2 ಕೋಟಿ ರೂ. ನಗದು ಸಂಗ್ರಹವಾಗಿದೆ.