ಮೈಸೂರು: ರಿಮೋಟ್‌ ಸೆಲ್‌ ನುಂಗಿದ್ದ ಒಂದೂವರೆ ವರ್ಷದ ಮಗು ಸಾವು

ಮೈಸೂರು: ರಿಮೋಟ್‌ ಸೆಲ್‌ ಅನ್ನು ನುಂಗಿ ಮಗು ಸಾವಿಗೀಡಾಗಿರುವ ಘಟನೆ ನಗರದ ಇಟ್ಟಿಗೆಗೂಡಿನಲ್ಲಿ ನಡೆದಿದೆ.

ಒಂದೂವರೆ ವರ್ಷದ ಮಗು ಹೇಮಂತ್‌ ಸ್ಕಂದಮಣಿ ಮೃತಪಟ್ಟ ಮಗು. ಮನೆಯಲ್ಲಿ ಆಟವಾಡುತ್ತಿದ್ದ ವೇಳೆ ಮಗು ರಿಮೋಟ್‌ಗೆ ಬಳಸುವ ಸೆಲ್‌ ಅನ್ನು ನುಂಗಿದೆ.
ತಕ್ಷಣವೇ ಮಗುವನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು.

ಆದರೆ, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಮಗು ಮೃತಪಟ್ಟಿದೆ. ಈ ಸಂಬಂಧ ನಜರಬಾದ್‌ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.