ಚುಂಚನಕಟ್ಟೆ ಜಲಪಾತದಲ್ಲಿ ವಿಜ್ಞಾನಿ ಸೋಮಶೇಖರ್ ಸಾವು

ಚುಂಚನಕಟ್ಟೆ: ಕೆ. ಆರ್. ನಗರ ತಾಲೂಕಿನ ಚುಂಚನಕಟ್ಟೆ ಕಾವೇರಿ ಜಲಪಾತದಲ್ಲಿ ಸೋಮಶೇಖರ್ (40) ಎಂಬವವರು ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ.

ಸೋಮಶೇಖರ್ ಮೂಲತಃ ಉತ್ತರ ಪ್ರದೇಶದವರಾಗಿದ್ದು ಮೈಸೂರಿನ CFTRನಲ್ಲಿ ವಿಜ್ಞಾನಿ ಆಗಿ ಕಾರ್ಯನಿರ್ವಹಿಸುತ್ತಿದ್ದರು.

ರಜೆ ಇದ್ದ ಹಿನ್ನೆಲೆಯಲ್ಲಿ ಪ್ರವಾಸಕ್ಕೆಂದು ಕುಟುಂಬದೊಂದಿಗೆ ಚುಂಚನಕಟ್ಟೆ ಕಾವೇರಿ ಜಲಪಾತ ನೋಡಲು ಬಂದಿದ್ದು , ಜಲಪಾತದಲ್ಲಿ ಆಟವಾಡುವ ಸಮಯದಲ್ಲಿ ಇದ್ದಕ್ಕಿದ್ದಂತೆ ನದಿಯಲ್ಲಿ ನೀರಿನ ಪ್ರಮಾಣ ಹೆಚ್ಚಾದ ಕಾರಣ ಕೆಳಗೆ ಬಿದ್ದು ನೀರಿನಲ್ಲಿ ಮುಳುಗಿ ಮೃತ ಪಟ್ಟಿದ್ದಾರೆ.

ಇತರೆ ಪ್ರವಾಸಿಗರು, ಅಗ್ನಿಶಾಮಕ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿದರೂ ಯಾವುದೇ ಪ್ರಯೋಜನವಾಗಿಲ್ಲ . ಈ ಸಂಬಂಧ ಯಾವುದೇ ಪ್ರಕರಣ ಯಾವುದೇ ದಾಖಲಾಗಿಲ್ಲ, ಮೃತರಿಗೆ ಪತ್ನಿಘ ಹಾಗೂ 5 ವರ್ಷದ ಪುತ್ರಿ ಇದ್ದಾರೆ.