ಮರೆಗುಳಿತನ ಜಾಗೃತಿ ಓಟ

ಮೈಸೂರು: ನಾನಾ ಸಂಸ್ಥೆಗಳ ಸಹಯೋಗದಲ್ಲಿನಗರದ ಫೋರಂ ಮಾಲ್‌ ತನ್ನ ಎರಡನೇ ಆವೃತ್ತಿಯ ಮರೆಗುಳಿತನ (ಅಲ್ಜೈಮರ್‌) ಜಾಗೃತಿ ಓಟ ಆಯೋಜಿಸಿದೆ ಎಂದು ಮಾರುಕಟ್ಟೆ ವ್ಯವಸ್ಥಾಪಕ ಸುಮಂತ್‌ ತಿಳಿಸಿದರು.

'ಪರ್ಪಲ್‌ ರನ್‌' ಶೀರ್ಷಿಕೆಯಡಿ ಬೆಂಗಳೂರು, ಚೆನ್ನೈ, ಹೈದರ್‌ಬಾದ್‌, ಮೈಸೂರು, ಮಂಗಳೂರು ಮತ್ತು ಉದಯಪುರ್‌ನಲ್ಲಿಎಂಟು ಫೋರಂ ಮಾಲ್‌ಗಳಲ್ಲಿಅಲ್ಜೈಮರ್‌ ಬಗ್ಗೆ ಜಾಗೃತಿ ಮೂಡಿಸಲು 15 ಕಿ.ಮೀ. ಓಟದ ಸ್ಪರ್ಧೆ ಆಯೋಜಿಸಿದ್ದು, ಸೆ.15ರಂದು ಬೆಳಗ್ಗೆ 9ಕ್ಕೆ ಮೈಸೂರಿನಲ್ಲೂಪರ್ಪಲ್‌ ರನ್‌ ನಡೆಯಲಿದೆ. 12 ವರ್ಷದೊಳಗಿನ ಮಕ್ಕಳಿಗೆ ಹಾಗೂ 55 ವರ್ಷ ಮೇಲ್ಪಟವರು ಭಾಗವಹಿಸಲು ಉಚಿತ ಪ್ರವೇಶವಿರುತ್ತದೆ. ಉಳಿದ ವಿಭಾಗಗಳಿಗೆ 150 ರೂ. ಮತ್ತು 300 ರೂ. ಪ್ರವೇಶ ಶುಲ್ಕವಿರುತ್ತದೆ. ನೋಂದಣಿ ಶುಲ್ಕದಿಂದ ಸಂಗ್ರಹವಾಗುವ ಹಣವನ್ನು ನಿಮ್ಹಾನ್ಸ್‌ನ ಅಲ್ಜೈಮರ್‌ ವಿಭಾಗಕ್ಕೆ ನೀಡಲಾಗುತ್ತದೆ. ಅಲ್ಲದೆ 5 ಕಿ.ಮೀ. ಸ್ಪರ್ಧಾರಹಿತ ಓಟವು ಇರಲಿದೆ,'' ಎಂದು ಸುದ್ದಿಗೋಷ್ಠಿಯಲ್ಲಿಅವರು ತಿಳಿಸಿದರು.

ಮಾರುಕಟ್ಟೆ ನಿರ್ವಾಹಕರಾದ ಧನಶೇಖರ್‌, ಕುತೇಜೇ ಇದ್ದರು.