ನಾಡಹಬ್ಬ ದಸರೆಗೆ ದಿನಗಣನೆ: ಭರದಿಂದ ಸಾಗಿದೆ ಗಜಪಡೆಯ ತಯಾರಿ

ಮೈಸೂರು: ನಾಡಹಬ್ಬ ದಸರೆಗೆ ಬಾಕಿ ಉಳಿದಿರುವುದು ಕೇವಲ 7 ದಿನಗಳಷ್ಟೇ. ಈ ಬಾರಿ ಸರಳವಾಗಿ ಹಾಗೂ ಸಾಂಪ್ರದಾಯಕವಾಗಿ ದಸರಾ ಆಚರಣೆ ಮಾಡಲು ಸರಕಾರ ತೀರ್ಮಾನ ಮಾಡಿದೆ.

ಅಲ್ಲದೇ ಉದ್ಘಾಟನಾ ಕಾರ್ಯಕ್ರಮಕ್ಕೆ ಭಾಗಿಯಾಗಲೂ ಕೇಬಲ 300 ಜನರಿಗಷ್ಟೇ ಅವಕಾಶವನ್ನು ನೀಡಿದೆ. ಈ ಹಿನ್ನೆಲೆ ಅಂಬಾವಿಲಾಸ ಅರಮನೆಯಲ್ಲಿ ನಡೆಯಲಿರುವ ಜಂಬೂಸವಾರಿಗೆ ಪೂರ್ವಭಾವಿಯಾಗಿ ಅಭಿಮನ್ಯು ನೇತೃತ್ವದ 5 ಆನೆಗಳಿಗೆ ತಾಲೀಮು ಆರಂಭಿಸಿದ್ದು ಮರಳು ಮೂಟೆಗಳನ್ನು ಹೊರಿಸಲಾಗುತ್ತಿದೆ. ಇದರಲ್ಲಿ ಮೊದಲ ದಿನ ಅಭಿಮನ್ಯು, ಎರಡನೇ ದಿನ ವಿಕ್ರಮ, ಇಂದು ಗೋಪಿ ಎಲ್ಲಾ ಆನೆಗಳಿಗೂ 350 ಕೆ.ಜಿ ತೂಕವನ್ನು ಹೊರಿಸಿ ತಾಲೀಮು ಮಾಡಿಸಲಾಗುತ್ತಿದೆ.

ಗೋಪಿ ಆನೆಯು ಆನೆಯು ಮರಳಿನ ಮೂಟೆ, ಕಬ್ಬಿಣದ ತೊಟ್ಟಿಲು ಹೊತ್ತು ಸಾಗಿತ್ತಿದ್ದರೆ. ಅದರ ಜೊತೆಗೆ ಕ್ಯಾಪ್ಟನ್‌ ಅಭಿಮನ್ಯು, ವಿಕ್ರಂ, ವಿಜಯಾ, ಕಾವೇರಿ ಸುಮಾರು 3 ಕಿ.ಮೀ ಹೆಜ್ಜೆ ಹಾಕಿದವು.

ಈ ಬಗ್ಗೆ ಮಾಹಿತಿ ನೀಡಿದ ಪಶುವೈದ್ಯ ಡಾ.ನಾಗರಾಜು,ಸದ್ಯ ಐದೂ ಆನೆಗಳು ಆರೋಗ್ಯವಾಗಿವೆ. ಪೂರಕವಾದ ಆಹಾರ ನೀಡುತ್ತಿದ್ದು, ನಿತ್ಯ ಬೆಳಿಗ್ಗೆ ಹಾಗೂ ಸಂಜೆ ತಾಲೀಮು ಮುಂದುವರಿಯುತ್ತಿದೆ ಎಂದರು.

ಜಿಲ್ಲೆಯಲ್ಲಿ ಕೊರೊನಾ ಸೋಂಕು ಹೆಚ್ಚುತ್ತಿದ್ದು, ಇದನ್ನು ನಿಯಂತ್ರಣ ನಿಟ್ಟಿನಲ್ಲಿ ಗಜಪಡೆಯ ಮಾವುತರು ಹಾಗೂ ಕಾವಾಡಿಗಳು ಅರಮನೆ ಆವರಣದಾಚೆಗೆ ಕಾಲಿಡುವಂತಿಲ್ಲ. ಹೊರಗಿನ ಜನರ ಸಂಪರ್ಕ ಮಾಡುವಂತಿಲ್ಲ. ಇವರೆಲ್ಲರಿಗೂ ಇತ್ತೀಚೆಗೆ ಕೋವಿಡ್‌ ಪರೀಕ್ಷೆ ಮಾಡಿಸಲಾಗಿದ್ದು, ವರದಿ ನೆಗೆಟಿವ್‌ ಬಂದಿತ್ತು. ಕೋವಿಡ್‌ ಆತಂಕ ಕಾರಣ ಈ ಬಾರಿ ಅರಮನೆಗೆ ಸೀಮಿತಗೊಳಿಸಲಾಗಿದೆ. ಅಲ್ಲದೇ ಕೋವಿಡ್‌ ಆತಂಕ ಇರುವ ಕಾರಣ ಸಾರ್ವಜನಿಕರ ಪ್ರವೇಶ ನಿರ್ಬಂಧಿಸಲಾಗಿದ್ದು ಬೇಸರ ಮೂಡಿಸಿದೆ.