ಮೈಸೂರು: ಹುಣಸೂರಲ್ಲಿ 3.53 ಲಕ್ಷ ರೂ. ಮೌಲ್ಯದ ಮದ್ಯ ನಾಶ..!

ಹುಣಸೂರು (ಮೈಸೂರು): ಹುಣಸೂರು ಅಬಕಾರಿ ಇಲಾಖೆಯು ಚುನಾವಣೆ ಸೇರಿ ವಿವಿಧ ಪ್ರಕರಣಗಳ 141 ಮೊಕದ್ದಮೆಗಳಿಂದ ವಶಪಡಿಸಿಕೊಂಡಿದ್ದ 3.53 ಲಕ್ಷ ರೂ. ಬೆಲೆ ಬಾಳುವ 388.5 ಲೀ ಮದ್ಯವನ್ನು ತಹಸೀಲ್ದಾರ್‌, ಕೆಎಸ್ಬಿಸಿಎಲ್ ವ್ಯವಸ್ಥಾಪಕ ಹಾಗೂ ಅಬಕಾರಿ ಇಲಾಖೆಯ ಮುಖ್ಯಸ್ಥರ ಸಮ್ಮುಖದಲ್ಲಿ ನಾಶಪಡಿಸಲಾಯಿತು.

ಅಬಕಾರಿ ಉಪ ಆಯುಕ್ತೆ ಡಾ.ಮಹದೇವಿ ಬಾಯಿ ಅವರ ಆದೇಶದಂತೆ ತಹಸೀಲ್ದಾರ್‌ ಬಸವರಾಜ್‌, ಕೆಎಸ್ಬಿಸಿಎಲ್ ವ್ಯವಸ್ಥಾಪಕ ಸಿ.ಸಿದ್ದರಾಜು ಹಾಗೂ ಡಿವೈಎಸ್‌ಪಿ ಶ್ರೀನಿವಾಸ್‌, ನಿರೀಕ್ಷಕ ಧರ್ಮರಾಜ್‌ ಸಮಕ್ಷಮದಲ್ಲಿ ಪರಿಸರಕ್ಕೆ ಹಾನಿಯಾಗದಂತೆ ಹುಣಸೂರು ಅಬಕಾರಿ ನಿರೀಕ್ಷಕರ ಕಚೇರಿಯಲ್ಲಿ ಗುರುವಾರ ಮದ್ಯ ನಾಶಪಡಿಸಲಾಯಿತು.

ವಿವಿಧ ಪ್ರಕರಣಗಳಿಂದ ವಶಪಡಿಸಿಕೊಂಡಿದ್ದ 266.490 ಲೀಟರ್ ಬಿಯರ್‌, 86.110 ಲೀಟರ್‌ ವಿವಿಧ ಮದ್ಯ, 18 ಲೀಟರ್‌ ಹೋಂ ಮೇಡ್‌ ವೈನ್‌ ಹಾಗೂ 18 ಲೀಟರ್‌. ಸೇಂದಿಯನ್ನು ನಾಶಪಡಿಸಲಾಯಿತು. ಈ ವೇಳೆ ಸಿಬ್ಬಂದಿಗಳಾದ ಎನ್‌.ರಾಜೇಂದ್ರ, ಡಿ.ಶ್ರೀಧರ್‌, ಸಿ.ವಿ.ರಾಘವೇಂದ್ರ, ಎನ್‌.ಸಂತೋಷ್‌ ಇತರರಿದ್ದರು.
ಮತ್ತೆ ಸ್ವಚ್ಛ ನಗರಿ ಪಟ್ಟ ಪಡೆಯಲು ಸಜ್ಜಾಗುತ್ತಿದೆ ಸಾಂಸ್ಕೃತಿಕ ನಗರಿ ಮೈಸೂರು..ಕಳೆದ ಡಿಸೆಂಬರ್‌ನಲ್ಲಿ ನಡೆದ ಗ್ರಾಮ ಪಂಚಾಯಿತಿ ಚುನಾವಣೆ ವೇಳೆ ಭಾರೀ ಪ್ರಮಾಣದಲ್ಲಿ ಅಕ್ರಮ ಮದ್ಯವನ್ನು ಅಬಕಾರಿ ಪೊಲೀಸರು ವಶಪಡಿಸಿಕೊಂಡಿದ್ದರು. ಅನೇಕ ಕಡೆ ಅಕ್ರಮ ಸಾಗಾಟ ಮಾಡುತ್ತಿದ್ದಾಗ ವಶಪಡಿಸಿಕೊಂಡಿದ್ದ ಮದ್ಯವನ್ನು ಗುರುವಾರ ನಾಶಪಡಿಸಲಾಯಿತು.