ಸ್ವಾಮೀಜಿಗಳು, ಕುರುಬ ಸಮುದಾಯ ಎಚ್ಚರಿಕೆಯಿಂದ ಇರಿ: ಸಿದ್ದರಾಮಯ್ಯ ಈ ರೀತಿ ಹೇಳಿದ್ಯಾಕೆ..?

ಮೈಸೂರು: ಕುರುಬ ಸಮುದಾಯದ ಎಸ್‌ಟಿ ಮೀಸಲು ಹೋರಾಟ ಆರ್‌ಎಸ್‌ಎಸ್‌ ಕುತಂತ್ರವಾಗಿದೆ. ಆದ್ದರಿಂದ ಸ್ವಾಮೀಜಿಗಳು ಹಾಗೂ ಸಮುದಾಯಕ್ಕೆ ಎಚ್ಚರಿಕೆಯಿಂದ ಇರಿ ಎಂದು ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಸಲಹೆ ನೀಡಿದ್ದಾರೆ.

ನಗರದಲ್ಲಿ ಶುಕ್ರವಾರ ಮಾತನಾಡಿದ ಅವರು, ಕುರುಬ ಸಮುದಾಯದ ಎಸ್‌ಟಿ ಮೀಸಲು ಹೋರಾಟ ನನ್ನನ್ನು ದುರ್ಬಲಗೊಳಿಸುವ ಉದ್ದೇಶ ಹೊಂದಿದೆ. ಸಮುದಾಯವನ್ನು ಒಡೆಯುವ ಹುನ್ನಾರ ಈ ಹೋರಾಟದ ಹಿಂದಿದೆ. ಈಶ್ವರಪ್ಪ ಹಾಗೂ ವಿಶ್ವನಾಥ್ ಹುಟ್ಟುಹಾಕಿದ ಹೋರಾಟ ಇದು ಎಂದು ಹೇಳಿದರು.

ಹೋರಾಟದ ಅಗತ್ಯವಿದ್ಯಾ..?
ಎಸ್‌ಟಿ ಮೀಸಲು ಪಡೆಯಲು ನಮ್ಮ ಸಮುದಾಯಕ್ಕೆ ಹೋರಾಟದ ಅಗತ್ಯವಿದೆಯಾ ಎಂಬುದೇ ನನ್ನ ಪ್ರಶ್ನೆಯಾಗಿದೆ ಎಂದ ಅವರು, ರಾಜ್ಯ ಹಾಗೂ ಕೇಂದ್ರದಲ್ಲಿ ಬಿಜೆಪಿ ಸರಕಾರವೇ ಇದೆ. ಆದ್ದರಿಂದ ಕೇವಲ ಶಿಫಾರಸು ಮಾಡಿದರೆ ಸಾಕು ಎಂದು ಹೇಳಿದರು.

ಕುರುಬರಿಗೆ ಮೀಸಲಾತಿ ವಿಚಾರದಲ್ಲಿ ನಾನೇ ಟಾರ್ಗೆಟ್: ಮಾಜಿ ಸಿಎಂ ಸಿದ್ದರಾಮಯ್ಯ ಆರೋಪ

ನಾನು ಶಿಫಾರಸು ಮಾಡುವಾಗ ಯಾವುದೇ ಹೋರಾಟ ಆಗಿರಲಿಲ್ಲ. ಆದರೂ ನಾನು ಶಿಫಾರಸು ಮಾಡಿದ್ದೆ. ಈಗ ಸುಮ್ಮನೆ ಹೋರಾಟ ಅಂತ ಹೇಳಿ‌ ಸಮುದಾಯದ ದಾರಿ ತಪ್ಪಿಸುತ್ತಿದ್ದಾರೆ. ನಾನು ಮನವಿ ಮಾಡುತ್ತೇನೆ ಎಲ್ಲರು ಎಚ್ಚರಿಕೆಯಿಂದ ಇರಿ ಎಂದು ಸಲಹೆ ನೀಡಿದರು.

ಕುರುಬರ ಮೀಸಲಾತಿ ಹೋರಾಟದ ಹಿಂದೆ ಆರ್‌ಎಸ್‌ಎಸ್‌ ಹುನ್ನಾರ! ಸಿದ್ದರಾಮಯ್ಯ ಆರೋಪ

ಗುರುವಾರವೂ ಈ ಬಗ್ಗೆ ಮಾತನಾಡಿದ್ದ ಸಿದ್ದರಾಮಯ್ಯ ಹೋರಾಟ ರಾಜಕೀಯೇತರವಾಗಿದ್ದರೆ ನಾನು ಭಾಗವಹಿಸುತ್ತಿದ್ದೆ. ಇದರ ಹಿಂದೆ ಆರ್‌ಎಸ್‌ಎಸ್‌ ಇದೆ. ಈ ಹೋರಾಟದ ಮೂಲ ಟಾರ್ಗೆಟ್‌ ನಾನೇ. ನನ್ನನ್ನು ಮೂಲೆಗುಂಪು ಮಾಡಲು ಈ ಹೋರಾಟ ಎಂದು ಬೇಸರ ವ್ಯಕ್ತಪಡಿಸಿದ್ದರು.

ಕುರುಬ ಸಮಾವೇಶಕ್ಕೆ ಸಿದ್ದರಾಮಯ್ಯ ಗೈರು, ಕೆ.ಎಸ್‌ ಈಶ್ವರಪ್ಪ ಅಸಮಾಧಾನ