ಟಿಕೆಟ್‌ ಕೊಟ್ಟರೆ ಬೀಡಿ ಚಟ ಬಿಡುವೆ: ಹುಣಸೂರು ಜೆಡಿಎಸ್‌ ಆಕಾಂಕ್ಷಿಗಳ ಸಭೆಯಲ್ಲಿ ವಿಚಿತ್ರ ಬೇಡಿಕೆ !

ಹುಣಸೂರು: ಚುನಾವಣೆಯಲ್ಲಿ ನನಗೆ ಪಕ್ಷದ ಟಿಕೆಟ್‌ ನೀಡಿ, ಬೀಡಿ ಸೇದುವುದನ್ನು ನಿಲ್ಲಿಸುವೆ, ಆರೋಗ್ಯ ಸುಧಾರಿಸಿಕೊಳ್ಳುವೆ ಎಂದು ಜಿ.ಪಂ. ಮಾಜಿ ಸದಸ್ಯ, ತಾಲೂಕು ಜೆಡಿಎಸ್‌ ಮಾಜಿ ಅಧ್ಯಕ್ಷ ತೊಂಡಾಳು ರಾಮಕೃಷ್ಣೇಗೌಡ ಜೆಡಿಎಸ್‌ ಆಕಾಂಕ್ಷಿಗಳ ಸಭೆಯಲ್ಲಿವಿಚಿತ್ರ ಬೇಡಿಕೆ ಸಲ್ಲಿಸಿದರು.

ತಮ್ಮ ಮಾತಿನ ನಡುವೆ ತೊಂಡಾಳು ರಾಮಕೃಷ್ಣೇಗೌಡರು, ''ಪಕ್ಷಕ್ಕೆ ನಾನು ಸಾಕಷ್ಟು ದುಡಿದಿರುವೆ. ನನಗೆ ಆರೋಗ್ಯ ಉತ್ತಮವಾಗಿಲ್ಲ. ಮಾನಸಿಕವಾಗಿ ನೊಂದಿದ್ದೇನೆ. ಬೀಡಿ ಸೇದುವ ಚಟ ಹಚ್ಚಿಕೊಂಡಿದ್ದೇನೆ. ಈ ಉಪ ಚುನಾವಣೆಯಲ್ಲಿನಮಗೆ ಟಿಕೇಟ್‌ ನೀಡಿದಲ್ಲಿ ಬೀಡಿ ಸೇದುವುದನ್ನು ಬಿಡುತ್ತೇನೆ. ಇದರಿಂದ ನನ್ನ ಆರೋಗ್ಯ ಸುಧಾರಿಸಲಿದೆ,'' ಎಂದು ವರಿಷ್ಠರ ಮುಂದೆ ಅವಲತ್ತುಕೊಂಡರು.

ವಲಸಿಗರಿಗೆ ಟಿಕೆಟ್‌ ಕೊಡಲ್ಲ ಅಂದ್ರು ಗುಂಡೂರಾವ್‌

ಇವರ ಮಾತಿನಿಂದ ಸಭೆಯಲ್ಲಿ ಆಶ್ಚರ್ಯ, ಜೊತೆಗೆ ವರಿಷ್ಠರು ಸೇರಿದಂತೆ ಕಾರ್ಯಕರ್ತರು ನಗೆಗಡಲಲ್ಲಿ ಮಿಂದೆದ್ದರು.

ಹುಣಸೂರಿಗೆ ನಾಲ್ಕನೇ ಉಪ ಚುನಾವಣೆ

ರಾಜ್ಯಕ್ಕೆ ಎರಡು ಬಾರಿ ಮುಖ್ಯಮಂತ್ರಿ(ಡಿ.ದೇವರಾಜ ಅರಸು) ನೀಡಿದ ಹುಣಸೂರು ಕ್ಷೇತ್ರಕ್ಕೆ ತನ್ನದೇ ಆದ ವಿಶೇಷ ಮಹತ್ವವಿದೆ. ಇಂಥ ಕ್ಷೇತ್ರದಲ್ಲಿನಾಲ್ಕನೇ ಬಾರಿಗೆ ಉಪ ಚುನಾವಣೆ ನಡೆಯುತ್ತಿರುವುದು ಮತ್ತೊಂದು ವಿಶೇಷ.

ಜಿಲ್ಲೆಯಲ್ಲೇ ಅತೀ ಹೆಚ್ಚು ಅಂದರೆ ಮೂರು ಬಾರಿ ಉಪ ಚುನಾವಣೆ ನಡೆದಿದೆ. ಇದೀಗ ಅಡಗೂರು ಎಚ್‌.ವಿಶ್ವನಾಥ್‌ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿ, ಅನರ್ಹಗೊಂಡಿರುವುದರಿಂದ ಒಂದೂವರೆ ವರ್ಷದ ಅವಧಿಯಲ್ಲೇ ಉಪ ಚುನಾವಣೆ ಎದುರಾಗಿದೆ.

ಹುಣಸೂರಿನ ಅಧಿಪತಿ ಯಾರು?: ಇದೀಗ ನಾಲ್ಕನೇ ಉಪ ಚುನಾವಣೆಗೆ ಹುಣಸೂರು ಕ್ಷೇತ್ರ ಸಿದ್ಧವಾಗಿದ್ದು, ಮೂರು ಪಕ್ಷಗಳೂ ಉಪ ಚುನಾವಣೆಯಲ್ಲಿಗೆಲ್ಲುವ ಹುಮ್ಮಸ್ಸಿನಿಂದ ಬೀಗುತ್ತಿವೆ. ಅದಕ್ಕಾಗಿ ತಂತ್ರವನ್ನೂ ಹೆಣೆಯುತ್ತಿವೆ. ಅ.24ರಂದು ನಡೆಯುವ ಮತ ಎಣಿಕೆಯಂದು ಹುಣಸೂರಿನ ಅಧಿಪತಿ ಯಾರೆಂಬುದು ನಿರ್ಣಯವಾಗಲಿದೆ.