ಆಸ್ಪತ್ರೆಗೆ ಬಂದ ಉಡ ರಕ್ಷಣೆ

ಮೈಸೂರು: ಮೈಸೂರಿನ ಪಂಚಕರ್ಮ ಹೈಟೆಕ್‌ ಆಸ್ಪತ್ರೆಯಲ್ಲಿ ಸೋಮವಾರ ಕಾಣಿಸಿಕೊಂಡ ಉಡವನ್ನ ಉರಗ ತಜ್ಞ ಸೂರ್ಯ ಕೀರ್ತಿ ಎಂಬುವವರು ರಕ್ಷ ಣೆ ಮಾಡಿದ್ದಾರೆ.

ದಾರಿ ತಪ್ಪಿ ಬಂದ ಉಡ ಮೈಸೂರು ಕೆಆರ್‌ಎಸ್‌ ರಸ್ತೆ ಬಳಿಯ ಪಂಚಕರ್ಮ ಹೈಟೆಕ್‌ ಆಸ್ಪತ್ರೆಯ ಒಳಗಿನ ಟೇಬಲ್‌ ಕೆಳಗೆ ಕುಳಿತಿತ್ತು. ಆಸ್ಪತ್ರೆ ಶುಚಿಗೊಳಿಸುವ ಕೆಲಸಗಾರರು ಉಡ ಟೇಬಲ್‌ ಕೆಳಗೆ ಇರುವುದನ್ನು ಗುರುತಿಸಿದ್ದಾರೆ. ಈ ವೇಳೆ ಅಲ್ಲಿದ್ದ ಸಿಬ್ಬಂದಿ ಕೆಲಕಾಲ ಗಾಬರಿಗೊಂಡರು. ನಂತರ ಆಸ್ಪತ್ರೆಯ ಸಿಬ್ಬಂದಿ ಉರಗ ತಜ್ಞ ಸೂರ್ಯ ಕೀರ್ತಿ ಅವರಿಗೆ ಕರೆ ಮಾಡಿ ಮಾಹಿತಿ ನೀಡಿದರು. ಸ್ಥಳಕ್ಕೆ ಆಗಮಿಸಿದ ಅವರು ಸುಮಾರು 3.5 ಅಡಿ ಉದ್ದದ ಉಡವನ್ನು ರಕ್ಷ ಣೆ ಮಾಡಿ ನಂತರ ಚಾಮುಂಡಿ ಬೆಟ್ಟದ ತಪ್ಪಲಿಗೆ ಬಿಟ್ಟು ಬಂದರು.