ಇನ್ನು ಕಡಿಮೆ ದರದಲ್ಲಿ ಲಭ್ಯವಾಗಲಿದೆ ಇನ್ಸುಲಿನ್, ರೇಬಿಸ್‌ ಲಸಿಕೆ

ಮೈಸೂರು: ಬಹುಬೇಡಿಕೆಯ ಇನ್ಸುಲಿನ್ ಹಾಗೂ ರೇಬೀಸ್ ಲಸಿಕೆಗಳು ಪ್ರಧಾನ ಮಂತ್ರಿ ಜನ ಔಷಧಿ ಯೋಜನೆಯ ವ್ಯಾಪ್ತಿಗೆ ಬಂದಿದ್ದು, ಮೈಸೂರಿನಲ್ಲಿ ಎರಡೂ ಔಷಧಿಗಳು ಬಿಡುಗಡೆಯಾಗಿವೆ.

180 ರೂ.ಗಳ ಇನ್ಸುಲಿನ್ 71 ರೂ., 900 ರೂ.ಗಳ ಇನ್ಸುಲಿನ್ ಗ್ಲಾರ್ಜಿನ್ 266 ರೂ.ಗೆ ಲಭ್ಯವಾಗುತ್ತಿದೆ. 370 ರೂಗಳ ರೇಬಿಸ್ ಲಸಿಕೆಗೆ 166 ರೂ. ನೀಡಿದರಾಯಿತು.

ಸೋಮವಾರದಿಂದ ದೇಶದ ಎಲ್ಲಾ ಜನೌಷಧಿ ಮಳಿಗೆಗಳಲ್ಲಿ ಈ ಔಷಧಿಗಳು ಲಭ್ಯವಾಗಲಿದ್ದು, ಮಧುಮೇಹಿಗಳಿಗಂತೂ ಬಹಳಷ್ಟು ಅನುಕೂಲವಾಗಲಿದೆ.