ರಾಮೇಶ್ವರಪ್ಪ ಸಸ್ಪೆಂಡ್‌ಗೆ ಕೆಎಟಿ ತಡೆ

ಮೈಸೂರು : ನಂಜನಗೂಡಿನ ಗೋದಾಮಿನಲ್ಲಿ ಅನ್ನ ಭಾಗ್ಯ ಯೋಜನೆಯ ಆಹಾರ ಧಾನ್ಯಗಳ ದುರುಪಯೋಗ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಮೈಸೂರು ಜಿಲ್ಲಾ ಆಹಾರ ಮತ್ತು ನಾಗರಿಕ ಪೂರೈಕೆ ಸರಬರಾಜು ಇಲಾಖೆ ಉಪ ನಿರ್ದೇಶಕ ಡಾ.ಕೆ. ರಾಮೇಶ್ವರಪ್ಪ ಅವರನ್ನು ಅಮಾನತುಪಡಿಸಿರುವ ಕ್ರಮಕ್ಕೆ ಕರ್ನಾಟಕ ರಾಜ್ಯ ಆಡಳಿತಾತ್ಮಕ ನ್ಯಾಯಮಂಡಳಿ ತಡೆಯಾಜ್ಞೆ ನೀಡಿದೆ.

ಡಾ.ರಾಮೇಶ್ವರಪ್ಪ ತಮ್ಮ ಸಸ್ಪೆಂಡ್‌ ಆದೇಶವನ್ನು ಕೆಎಟಿನಲ್ಲಿ ಪ್ರಶ್ನಿಸಿದ್ದರು. ಈ ಕುರಿತು ಕೆಎಟಿ ಗುರುವಾರ ತಡೆಯಾಜ್ಞೆ ನೀಡಿದೆ. ನಂಜನಗೂಡಿನ ಉಗ್ರಾಣದಿಂದ ಸುಮಾರು 37 ಲಕ್ಷ ರೂ. ಮೌಲ್ಯದ ಅಕ್ಕಿ, ಬೇಳೆ ದುರುಪಯೋಗವಾಗಿರುವ ಬಗ್ಗೆ ರಾಮೇಶ್ವರಪ್ಪ ಅವರೇ ಜು. 13ರಂದು ನಂಜನಗೂಡಿನ ಪೊಲೀಸರಿಗೆ ದೂರು ನೀಡಿದ್ದರು. ಪ್ರಕರಣದಲ್ಲಿ ಕರ್ತವ್ಯಲೋಪ ಎಸಗಿದ ಆರೋಪದ ಮೇಲೆ ರಾಮೇಶ್ವರಪ್ಪ ಹಾಗೂ ಇತರ ಇಬ್ಬರು ನೌಕರರನ್ನು ಸೇವೆಯಿಂದ ಸಸ್ಪೆಂಡ್‌ ಮಾಡಲಾಗಿತ್ತು. ಉಗ್ರಾಣದ ವ್ಯವಸ್ಥಾಪಕ ಮೈಲಾರಯ್ಯ, ಸಹಾಯಕ ಬಸವರಾಜು ಸೇವೆಯಿಂದ ಅಮಾನತುಗೊಂಡ ಇತರ ಇಬ್ಬರು ನೌಕರರಾಗಿದ್ದಾರೆ.