ವಾಸ್ತವ ಅರಿತು ವಿಶ್ವನಾಥ್‌ ತಾಳ್ಮೆ ಪ್ರದರ್ಶಿಸಬೇಕು: ಶಾಸಕ ಹರ್ಷವರ್ಧನ್‌ ಸಲಹೆ

ನಂಜನಗೂಡು (ಮೈಸೂರು): ಸಚಿವ ಸಂಪುಟ ವಿಸ್ತರಣೆ ನಂತರ ಅಸಮಾಧಾನ ಗೊಂಡಿರುವ ಮಾಜಿ ಸಚಿವ ಎಚ್‌.ವಿಶ್ವನಾಥ್‌ ಅವರು ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪ ಅವರನ್ನು ಟೀಕಿಸುವ ಬದಲು ವಾಸ್ತವ ಅರ್ಥೈಸಿಕೊಂಡು ತಾಳ್ಮೆಯಿಂದಿರಬೇಕು ಎಂದು ಶಾಸಕ ಬಿ.ಹರ್ಷವರ್ಧನ್‌ ಹೇಳಿದರು.

ರಾಜಕೀಯವಾಗಿ ಬಹಳ ಚಿಕ್ಕವನಾದ ನಾನು ಅವರಿಗೆ ಸಲಹೆ ನೀಡುತ್ತಿಲ್ಲ. ಬದಲಾಗಿ ಇಂತಹ ಪರಿಸ್ಥಿತಿಯನ್ನು ಸಂಯಮದಿಂದ ಎದುರಿಸುವಂತೆ ಮನವಿ ಮಾಡುತ್ತಿದ್ದೇನೆ. ಮುಂಬರುವ ದಿನಗಳಲ್ಲಿ ಖಂಡಿತ ಅವರಿಗೆ ರಾಜ್ಯ ಸಚಿವ ಸಂಪುಟದಲ್ಲಿ ಸ್ಥಾನ ಸಿಗುವ ವಿಶ್ವಾಸವಿದೆ ಎಂದು ಸುದ್ದಿಗಾರರೊಡನೆ ಮಾತನಾಡುತ್ತಾ ತಿಳಿಸಿದರು.

ಮೈಸೂರು ಭಾಗದ ಹಿರಿಯ ರಾಜಕಾರಣಿಯಾದ ಎಚ್‌.ವಿಶ್ವನಾಥ್‌ ಅವರು ಮಾಜಿ ಮುಖ್ಯಮಂತ್ರಿ ಡಿ.ದೇವರಾಜ ಅರಸು ಕಾಲದಿಂದಲೂ ರಾಜಕೀಯವಾಗಿ ತಮ್ಮ ಪ್ರಭಾವ ಸಾಬೀತುಪಡಿಸಿದ್ದಾರೆ. ಈ ಹಿಂದೆ ಸಿಕ್ಕ ಅಧಿಕಾರವನ್ನು ಸಮರ್ಥವಾಗಿ ಬಳಸಿಕೊಂಡು ಸಾಕಷ್ಟು ಉತ್ತಮ ಕೆಲಸಗಳನ್ನು ನಿರ್ವಹಿಸಿದ್ದಾರೆ. ಇಂದಿಗೂ ಅವರ ಸೇವೆಯನ್ನು ಜನರು ನೆನಪಿಸಿಕೊಳ್ಳುತ್ತಿದ್ದಾರೆ ಎಂದರು.
ಎರಡನೇ ಹಂತದ ಕೊರೊನಾ ಲಸಿಕೆ ನೀಡಿಕೆಗೆ ತಯಾರಿ ನಡೆಸುತ್ತೇವೆ: ರೋಹಿಣಿ ಸಿಂಧೂರಿರಾಜ್ಯದಲ್ಲಿ ಬಿಜೆಪಿ ನೇತೃತ್ವದ ಸರಕಾರ ಅಸ್ತಿತ್ವಕ್ಕೆ ಬರಲು ಎಚ್‌.ವಿಶ್ವನಾಥ್‌ ಸೇರಿ 17 ಶಾಸಕರ ಕೊಡುಗೆಯಿದೆ. ಈಗಿನ ಸಂಪುಟ ವಿಸ್ತರಣೆ ವೇಳೆ ಸಚಿವ ಸಂಪುಟದಲ್ಲಿ ವಿಶ್ವನಾಥ್‌ ಅವರಿಗೆ ಅವಕಾಶ ಲಭ್ಯವಾಗದಿರಲು ಕಾರಣವೇನು ಎಂಬುದು ಸ್ವತಃ ಅವರೇ ತಿಳಿದಿದ್ದಾರೆ. ಆಕ್ಷೇಪಣೆಯಿದ್ದಲ್ಲಿ ಪಕ್ಷದ ವರಿಷ್ಠರೊಡನೆ ಮಾತುಕತೆ ನಡೆಸಲಿ. ಬಹಿರಂಗವಾಗಿ ಮುಖ್ಯಮಂತ್ರಿ ಅವರನ್ನು ಟೀಕಿಸುವುದು ಸರಿಯಲ್ಲ ಎಂದು ಹೇಳಿದರು. ಮೈಸೂರು: ಕೊರೊನಾ ಲಸಿಕೆ ಮೊದಲು ಪಡೆದದ್ದು ಆಂಬುಲೆನ್ಸ್ ಚಾಲಕಎಚ್‌.ವಿಶ್ವನಾಥ್‌ ಬಿಜೆಪಿ ಸೇರ್ಪಡೆಗೊಂಡ ಬಳಿಕ ಹುಣಸೂರಿನಲ್ಲಿ ಬಿಜೆಪಿ ಹೆಚ್ಚು ಶಕ್ತಿಯುತವಾಗಲು ನೆರವಾಗಿದೆ. ಅವರ ಪುತ್ರ ಅಮಿತ್‌ ರಾಜಕೀಯ ಭವಿಷ್ಯವೂ ನಿರ್ಣಾಯಕವಾಗಿರುವುದರಿಂದ ಅವರು ಪಕ್ಷದ ಹಿತಕ್ಕೆ ಧಕ್ಕೆಯಾಗುವಂತಹ ಬಹಿರಂಗ ಹೇಳಿಕೆ ನೀಡುವುದನ್ನು ನಿಲ್ಲಿಸಬೇಕು ಎಂದು ಹೇಳಿದರು.