ಮೈಸೂರು: ಸೆರೆಸಿಕ್ಕ ಹುಲಿ ಹೆಸರು ‘ಮಾಚ’

ಮೈಸೂರು: ಮೂವರನ್ನು ಬಲಿ ತೆಗೆದುಕೊಂಡು ನಂತರ ಅರಣ್ಯ ಇಲಾಖೆ ಕಾರ್ಯಾಚರಣೆಯಲ್ಲಿ ಸೆರೆಸಿಕ್ಕ ಹುಲಿ ಸದ್ಯ ಮೃಗಾಲಯದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಅದಕ್ಕೆ ಮಾಚ ಎಂದು ನಾಮಕರಣ ಮಾಡಲಾಗಿದೆ.

ಎಚ್‌.ಡಿ.ಕೋಟೆ ಡಿ.ಬಿ.ಕುಪ್ಪೆಯ ಅರಣ್ಯ ವ್ಯಾಪ್ತಿಯ ಮಚ್ಚೂರು ಗ್ರಾಮದ ಸಮೀಪ ನರಭಕ್ಷಕ ಹುಲಿಯನ್ನು ಸೆರೆ ಹಿಡಿಯಲಾಗಿತ್ತು. ಮಚ್ಚೂರು ಬಳಿ ಸೆರೆಸಿಕ್ಕ ಕಾರಣ ಅದಕ್ಕೆ ಮಾಚ ಎಂದು ಹೆಸರಿಡಲಾಗಿದೆ. ಮೊದಲು ಕೂರ್ಗಳ್ಳಿ ಪುನರ್ವಸತಿ ಕೇಂದ್ರದಲ್ಲಿ ಹುಲಿಗೆ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ ನಂತರ ಮೈಸೂರು ಮೃಗಾಲಯಕ್ಕೆ ರವಾನಿಸಲಾಗಿತ್ತು. ಸದ್ಯ ನರಭಕ್ಷಕ ಹುಲಿ ಚಿಕಿತ್ಸೆಗೆ ಸ್ಪಂದಿಸುತ್ತಿದ್ದು, ಝೂ ಸಿಬ್ಬಂದಿ ಮಾಚ ಎಂದು ಕರೆಯುತ್ತಿದ್ದಾರೆ.