ಬಿಎಸ್‌ಎನ್‌ಎಲ್‌ ಕರ್ನಾಟಕ ವೃತ್ತ 2017-18ನೇ ಸಾಲಿನಲ್ಲಿ 2 ಸಾವಿರ ಕೋಟಿ ರೂ.ಗೂ ಹೆಚ್ಚಿನ ಆದಾಯ ಗಳಿಸುವಲ್ಲಿ ಯಶಸ್ವಿಯಾಗಿದೆ ಎಂದು ಬಿಎಸ್‌ಎನ್‌ಎಲ್‌ ಕರ್ನಾಟಕ ವೃತ್ತದ ಮುಖ್ಯ ಪ್ರಬಂಧಕ ಆರ್‌.ಮಣಿ ತಿಳಿಸಿದರು.
Vijaya Karnataka2 Jun 2018, 5:00 am
ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಶೇ.14ರಷ್ಟು ವರಮಾನ ಇಳಿಕೆ: ಆರ್‌.ಮಣಿ
Vijaya Karnataka Webಮೈಸೂರು: ಬಿಎಸ್ಸೆನ್ನೆಲ್‌ಗೆ 2 ಸಾವಿರ ಕೋಟಿ ಆದಾಯ
ಮೈಸೂರು: ಬಿಎಸ್‌ಎನ್‌ಎಲ್‌ ಕರ್ನಾಟಕ ವೃತ್ತ 2017-18ನೇ ಸಾಲಿನಲ್ಲಿ 2 ಸಾವಿರ ಕೋಟಿ ರೂ.ಗೂ ಹೆಚ್ಚಿನ ಆದಾಯ ಗಳಿಸುವಲ್ಲಿ ಯಶಸ್ವಿಯಾಗಿದೆ ಎಂದು ಬಿಎಸ್‌ಎನ್‌ಎಲ್‌ ಕರ್ನಾಟಕ ವೃತ್ತದ ಮುಖ್ಯ ಪ್ರಬಂಧಕ ಆರ್‌.ಮಣಿ ತಿಳಿಸಿದರು.
ಟಿ.ಕೆ.ಲೇಔಟ್‌ನ ಬಿಎಸ್‌ಎನ್‌ಎಲ್‌ ಪ್ರಾದೇಶಿಕ ದೂರ ಸಂಪರ್ಕ ತರಬೇತಿ ಕೇಂದ್ರದ ಕಚೇರಿಯಲ್ಲಿ ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ''ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಶೇ.14ರಷ್ಟು ಆದಾಯ ಇಳಿಕೆಯಾಗಿದೆ. ಜಿಯೋ ಹೊರತುಪಡಿಸಿ ಉಳಿದ ಟೆಲಿಕಾಂ ಕಂಪನಿಗಳ ಆದಾಯದಲ್ಲಿ ಇಳಿಕೆ ಕಂಡು ಬಂದಿದೆ. ತೀವ್ರ ಪೈಪೋಟಿಯ ನಡುವೆಯೂ ಉಳಿದ ವೃತ್ತಗಳಿಗೆ ಹೋಲಿಸಿದರೆ ಬಿಎಸ್‌ಎನ್‌ಎಲ್‌ ಕರ್ನಾಟಕ ವೃತ್ತ ಉತ್ತಮ ಸಾಧನೆ ಮಾಡಿದೆ. ವಿಎಎಸ್‌ (ವ್ಯಾಲ್ಯೂ ಏಡೆಡ್‌ ಸವೀರ್‍ಸ್‌) ಆದಾಯದಲ್ಲಿ ಕರ್ನಾಟಕ ಅತ್ಯುತ್ತಮ ಪ್ರಶಸ್ತಿ ಪಡೆದುಕೊಂಡಿದೆ,'' ಎಂದರು.
''ಕರ್ನಾಟಕ ಟೆಲಿಕಾಂ ವೃತ್ತದ ವ್ಯಾಪ್ತಿಯಲ್ಲಿ 347 ನಗರ, 21,992 ಗ್ರಾಮಗಳಿವೆ. ಕರ್ನಾಟಕದಲ್ಲಿ 10.5 ಲಕ್ಷ ಲ್ಯಾಂಡ್‌ಲೈನ್‌, 3.2 ಲಕ್ಷ ಬ್ರಾಡ್‌ಬ್ಯಾಂಡ್‌, 72 ಲಕ್ಷ ಮೊಬೈಲ್‌ ಸಂಪರ್ಕಗಳಿವೆ. ದೇಶದಲ್ಲೇ ಅತಿ ಹೆಚ್ಚು 42,358 ಹೈ ಸ್ಪೀಡ್‌ ಬ್ರಾಡ್‌ಬ್ಯಾಂಡ್‌ನಡಿ ಫೈಬರ್‌ ಟು ದ ಹೋಮ್‌ ತಂತ್ರಜ್ಞಾನದ ಮೂಲಕ ಗ್ರಾಹಕರಿಗೆ ಸೇವೆ ಒದಗಿಸಲಾಗುತ್ತಿದೆ. ಬಿಎಸ್‌ಎನ್‌ಎಲ್‌ ಕರ್ನಾಟಕ ವೃತ್ತ ಎಫ್‌ಬಿ ಪ್ಲಾಟಿನಂ, ಗೋಲ್ಡ್‌ ಬಿಸಿನೆಸ್‌ ವಿಭಾಗದಲ್ಲಿ 35 ಕೋಟಿ ರೂ.ಗಳ ಲಾಭ ದಾಖಲಿಸಿದೆ,'' ಎಂದು ಹೇಳಿದರು.
''2018ರ ಅಂತ್ಯಕ್ಕೆ ಬಿಎಸ್‌ಎನ್‌ಎಲ್‌ 4ಜಿ ಮೂಲಕ ಸೇವೆ ಒದಗಿಸುವ ಸಾಧ್ಯತೆ ಇದೆ. ಈ ಸಂಬಂಧ ದೂರ ಸಂಪರ್ಕ ಸಚಿವರು ಕಡತಕ್ಕೆ ಸಹಿ ಹಾಕಬೇಕಿದೆ. ಈಗಾಗಲೇ ಬಿಎಸ್‌ಎನ್‌ಎಲ್‌ 3ಜಿ ಪ್ಲಸ್‌ ಸೇವೆ ಒದಗಿಸುತ್ತಿದೆ,'' ಎಂದರು. ಮೈಸೂರು ದೂರವಾಣಿ ಜಿಲ್ಲೆಗಳಾದ ಮೈಸೂರು, ಚಾಮರಾಜನಗರದಲ್ಲಿ 3ಜಿ ಬಿಟಿಎಸ್‌ ತಂತ್ರಜ್ಞಾನವನ್ನು ಅಳವಡಿಸಲಾಗಿದೆ. ಈ ಹಿಂದಿನ ತಂತ್ರಜ್ಞಾನದಲ್ಲಿ ಕೇವಲ 14 ಎಂಬಿಪಿಎಸ್‌ ವೇಗ ಇತ್ತು. ಈಗಿನ ತಂತ್ರಜ್ಞಾನದಲ್ಲಿ 21ಎಂಬಿಒಪಿಎಸ್‌ ವೇಗ ಲಭ್ಯವಾಗುತ್ತಿದೆ. ಈ ಸೇವೆಯ ಬಗ್ಗೆ ಗ್ರಾಹಕರು ಸಂತೃಪ್ತಿ ವ್ಯಕ್ತಪಡಿಸಿದ್ದಾರೆ. ಮೈಸೂರು ಟೆಲಿಕಾಂ ಮೂಲಕ ಎಲ್ಲ ಗ್ರಾಪಂಗಳಿಗೆ ವೇಗದ ಇಂಟರ್‌ನೆಟ್‌ ಸಂಪರ್ಕವನ್ನು ಒದಗಿಸಲಾಗಿದೆ,''ಎಂದರು.
--- --------- 112 ಸ್ಥಳಗಳಲ್ಲಿ ವೇಗದ ಮೊಬೈಲ್‌ ನೆಟ್‌ವರ್ಕ್‌
ಮೈಸೂರು ದೂರವಾಣಿ ಜಿಲ್ಲೆಗಳಾದ ಮೈಸೂರು, ಚಾಮರಾಜನಗರದಲ್ಲಿ 112 ಸ್ಥಳಗಳಲ್ಲಿ ವೇಗದ ಮೊಬೈಲ್‌ ನೆಟ್‌ವರ್ಕ್‌ಗಳನ್ನು ಒದಗಿಸಲು ಯೋಜನೆ ರೂಪಿಸಲಾಗಿದೆ. 70 ಬಿಟಿಎಸ್‌ಗಳನ್ನು 3ಜಿ ಸೇವೆಯಿಂದ 3.75 ಜಿಗೆ ಮೇಲ್ದರ್ಜೆಗೆ ಏರಿಸಲಾಗಿದೆ ಎಂದು ಮೈಸೂರು ವಿಭಾಗದ ಮುಖ್ಯ ಪ್ರಬಂಧಕ ಜಯರಾಮ್‌ ತಿಳಿಸಿದರು. ''ಬಿಳಿಗಿರಿರಂಗನ ಬೆಟ್ಟ, ಗೋಪಿನಾಥಂ ಹೊರತುಪಡಿಸಿ ಎಲ್ಲ ಗ್ರಾಪಂಗಳಿಗೆ ಆಪ್ಟಿಕಲ್‌ ಫೈಬರ್‌ ಕೇಬಲ್‌ ಮೂಲಕ ವೇಗದ ಇಂಟರ್‌ನೆಟ್‌ ಸಂಪರ್ಕ ಒದಗಿಸಲಾಗಿದೆ,'' ಎಂದರು.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
