ಮೈಸೂರು ಆಹಾರ ಮೇಳ: ಬಂಬೂ ಬಿರಿಯಾನಿಗೆ 160 ರೂ. ಬಿದರಕ್ಕಿ ಪಾಯಸಕ್ಕೆ 25 ರೂ.

ಮೈಸೂರು: ಈ ಬಾರಿಯ ಜನಪ್ರಿಯ ಆಹಾರ ಮೇಳದಲ್ಲಿ ವಿದೇಶಿ ಮತ್ತು ಬುಡುಕಟ್ಟು ಆಹಾರಗಳು ಪ್ರಧಾನ ಆಕರ್ಷಣೆಯಾಗಿವೆ. ದಸರಾ ಅಂಗವಾಗಿ ಭಾರತೀಯ ಸ್ಕೌಟ್ಸ್‌ ಆ್ಯಂಡ್‌ ಗೈಡ್‌ ಮೈದಾನದಲ್ಲಿ ಆಯೋಜಿಸಿರುವ ಜನಪ್ರಿಯ ಮೇಳದಲ್ಲಿ ಬುಡಕಟ್ಟು ಜನಾಂಗದ ಗೌಜಲಕ್ಕಿ (ತೀತರ್‌), ನಳ್ಳಿ (ಏಡಿ) ಸಾರು ಮುದ್ದೆ, ಮಾಗಳ್ಳಿ ಟೀ, ನಾನಾ ದೇಶದ ಆಹಾರಗಳಾದ ಮಂದಿ, ಆಗ್ದ, ಫಾಸುಲಿಯಾ, ಬಿಬಿಕ್ಯೂ ಚಿಕಿನ್‌ ಮೊದಲಾದ ತಿನಿಸುಗಳು ಗಮನ ಸೆಳೆಯುತ್ತಿವೆ.

ತೀತರ್‌, ನಳ್ಳಿ ಸಾರು ಮುದ್ದೆ: ಕರ್ನಾಟಕ ಬುಡಕಟ್ಟು ಪರಿಷತ್‌ ವೇದಿಕೆ ಈ ಬಾರಿಯ ಆಹಾರ ಮೇಳದಲ್ಲಿ ತೀತರ್‌, ಪಿರಿಯಾಪಟ್ಟಣ ತಾಲೂಕಿನ ಬುಡಕಟ್ಟು ಜನಾಂದವರು ತಮ್ಮ ಫಾರಂನಲ್ಲಿ ಸಾಕಿರುವ ತೀತರ್‌ನ್ನು ಉಣ ಬಡಿಸುಧಿತ್ತಿದ್ದಾರೆ.

''ಉದ್ಘಾಟನೆ ದಿನದಂದು 100-150 ತೀತರ್‌ ಸಿದ್ಧಗೊಳಿಸಿದ್ದು, ಬೇಡಿಕೆಗೆ ಅನುಗುಣವಾಗಿ ಪೂರೈಸಲಾಗುವುದು. ಕಾಡು ಶುಂಠಿ, ಕಾಡು ಅರಿಶಿಣ, ಕಾಡು ಕೊತ್ತಂಬರಿಯಿಂದ ಈ ಆಹಾರ ತಯಾರಿಸಲಾಗುತ್ತದೆ. ಒಂದು ಗೌಜಲಕ್ಕಿಗೆ 100 ರೂ. ನಿಗದಿಪಡಿಸಲಾಗಿದೆ. ಶುಕ್ರವಾರದಿಂದ ನಳ್ಳಿ ಸಾರು ಮುದ್ದೆ ನೀಧಿಡುತ್ತೇವೆ. ಒಂದು ಮುದ್ದೆ ಎರಡು ನಳ್ಳಿ ಹೊಂದಿಧಿರುತ್ತದೆ. ಇದಕ್ಕೆ 100 ರೂ.ನಿಗದಿಪಡಿಸಿದ್ದು, ಮಾಗಳ್ಳಿ ಟೀಗೆ 20 ರೂ ಇದೆ. ಇದರ ಜತೆಗೆ ಒಂದು ಬೌಲ್‌ ಗೆಣಸು, ಜೇನು ತುಪ್ಪಕ್ಕೆ 50 ರೂ. ಈ ಬಾಧಿರಿಯೂ ಬಂಬೂ ಬಿರಿಯಾನಿ ಮತ್ತು ಬಿದರಕ್ಕಿ ಪಾಯಸ ಇರುತ್ತದೆ. ಬಂಬೂ ಬಿರಿಯಾನಿಗೆ 160 ರೂ, ಬಿದರಕ್ಕಿ ಪಾಯಸಕ್ಕೆ 25 ರೂ. ನಿಗದಿ ಮಾಡಲಾಗಿದೆ'' ಎಂದು ಸಂಘದ ಅಧ್ಯಕ್ಷ ಕೆಂಚಯ್ಯ ತಿಳಿಸಿದ್ದಾರೆ.

''ನಾವು ಮಾರಾಟಕ್ಕೆ ಬಳಕೆ ಮಾಡುತ್ತಿರುವ ತೀತರ್‌ಗಳು ಕಾಡಿನದಲ್ಲ. ಫಾರಂ ಹಕ್ಕಿಗಳು. ಮಾಂಸಹಾರಕ್ಕಾಗಿಯೇ ಬೆಳಸಿದ ಹಕ್ಕಿಗಳಿವು'' ಎನ್ನುತ್ತಾರೆ ಬುಡಕಟ್ಟು ಪರಿಷತ್‌ ಅಧ್ಯಕ್ಷ ಕೃಷ್ಣಯ್ಯ.

ವಿದೇಶಿ ಭೋಜನ: ಮೈಸೂರು ವಿಶ್ವವಿದ್ಯಾಲಯ ಅಂತಾರಾಷ್ಟ್ರೀಯ ವಿದೇಶಿ ವಿದ್ಯಾರ್ಥಿಗಳ ಒಕ್ಕೂಟ, ಅಂತಾರಾಷ್ಟ್ರೀಯ ಕೇಂದ್ರದ ವತಿಯಿಂದ ಆಹಾರ ಮಳಿಗೆ ನಿರ್ಮಿಸಲಾಗಿದೆ. ಹತ್ತು ದಿನಗಳ ಕಾಲ 12 ದೇಶಗಳ ವಿದ್ಯಾರ್ಥಿಗಳ ತಂಡವು ನಿತ್ಯ ಒಂದೊಂದು ದೇಶದ ಆಹಾರ ಮಾರಾಟ ಮಾಡಲಿದೆ. ಉದ್ಘಾಟನಾ ದಿನದಂದು ಯೆಮನ್‌ ದೇಶದ ವಿದ್ಯಾರ್ಥಿಗಳು ಮಂದಿ, ಆಗ್ದ, ಫಾಸುಲಿಯಾ ಆಹಾರ ಮತ್ತು ರೈಸ್‌ ಚಿಕನ್‌ ಮಾರಾಟ ಮಾಡಿದರು.

ಅ.11 ರಂದು ಇರಾನ್‌ನ ವಿದ್ಯಾರ್ಥಿಗಳ ತಂಡ ತಮ್ಮ ದೇಶದ ಓಲೊಹ್‌, ಫೆಲಾಫೆಲ್‌, ಪೊಲೊ, ಹಲ್ವಾ ಸುನಾಟಿ ಆಹಾರ ಮಾರಾಟ ಮಾಡಲಿದ್ದಾರೆ. ಅ.13ರಂದು ಫಿಜಿ ದೇಶದಿಂದ ಬಿಬಿಕ್ಯೂ ಚಿಕಾನ್‌, ಕಾಸ್ಸಾವ ಆ್ಯಂಡ್‌ ಸ್ವೀಟ್ಸ್‌ ಪೋಟೋಟ್ಸೋ, ಲೋಲೊ, ಸಾಲಾಡ್‌, ಅ.14 ಉಗಾಂಡದ ವಿದ್ಯಾರ್ಥಿಗಳಿಂದ ವೆಶ್‌, ಅಟೂರ್‌, ಡೈ ಕಾಸ್ಸವ, ಗ್ನುಟ್ಪೂಟೆ, ಅ.14ರಂದು ಟೆಬೆಟ್‌ ದೇಶದ ವಿದ್ಯಾರ್ಥಿಗಳಿಂದ ಮೊಮೊ, ಟೆಬಿಟಿಯನ್‌ ಬುಟರ್‌ ಟೀ, ಅ.15ರಂದು ಜಾಂಬಿಯಾದ ಚೀವಾ ಜೆನ್‌, ಫಿಶ್‌, ದೊಮದಾ, ಅಮೆರಿಕಾದ ಮುಫಿನ್‌, ಕುಕ್ಕಿಸಿ ಮತ್ತು ಪುಡ್ಜ್‌ ಬ್ರೊನಿ ಆಹಾರವನ್ನು ತಯಾರಿಸಲಾಗುವುದು. ಇಲ್ಲಿ ಹೆಚ್ಚು ಮಾಂಸ ಆಹಾರವನ್ನೆ ತಯಾರಿಸಲಾಗುತ್ತದೆ.

98 ಮಳಿಗೆಗಳು: ಜನಪ್ರಿಯ ಆಹಾರ ಮೇಳದಲ್ಲಿ ಸಸ್ಯಹಾರ ಮತ್ತು ಮಾಂಸಹಾರ ಸೇರಿ 98 ಮಳಿಗೆಗಳನ್ನು ತೆರೆಯಲಾಗಿದೆ. ಸಸ್ಯ ಆಹಾರ ಮೇಳದಲ್ಲಿ ಪ್ರತಿ ಬಾರಿಯಂತೆ ಎಣ್ಣೆಗಾಯಿ ರೊಟ್ಟಿ, ಗಿರ್‌ಮಿಟ್‌, ಬಂಗಾರಪೇಟೆ ಚಾಟ್ಸ್‌, ಕಾಫಿ ಕೇಂದ್ರಗಳಿದೆ. ಮಾಂಸಾಹಾರದಲ್ಲಿ ಅರಬ್ಬಿ ಬಿರಿಯಾನಿ, ದುಬೈ ಸ್ಪೆಷಲ್‌ ಬಿರಿಯಾನಿ, ಮಡಿಕೆ ಬಿರಿಯಾನಿ, ಸೀ ಫಿಷ್‌ ಆಕರ್ಷಣೆ ಮಾಡುತ್ತಿದೆ.