ಮೈಸೂರು: ವಿಧಾನಸಭಾ ಚುನಾವಣಾ ಕರ್ತವ್ಯಲೋಪ ಎಸಗಿದ ಮೂವರು ಪೊಲೀಸರನ್ನು ಮೈಸೂರು ನಗರ ಕಾನೂನು ಮತ್ತು ಸುವ್ಯವಸ್ಥೆ ಡಿಸಿಪಿ ಎನ್‌. ವಿಷ್ಣುವರ್ಧನ್‌ ಅಮಾನತುಗೊಳಿಸಿದ್ದಾರೆ.
ಸರಸ್ವತಿಪುರಂ ಪೊಲೀಸ್‌ ಠಾಣೆಯ ಎಎಸ್‌ಐ ಶಿವಣ್ಣ, ಪೇದೆಗಳಾದ ಮಧು ಮತ್ತು ಸುಮಾ ಅಮಾನತುಗೊಂಡವರು.
ಇವರನ್ನು ಬೋಗಾದಿ ಚೆಕ್‌ಪೋಸ್ಟ್‌ನಲ್ಲಿ ಚುನಾವಣಾ ಕರ್ತವ್ಯಕ್ಕೆ ನಿಯೋಜಿಸಲಾಗಿತ್ತು. ವಾಹನ ತಪಾಸಣೆ ಸರಿಯಾಗಿ ಮಾಡದೇ ಕರ್ತವ್ಯ ಲೋಪ ಎಸಗಿದ್ದರು. ಚುನಾವಣಾಧಿಕಾರಿಗಳ ಸೂಚನೆ ಮೇರೆಗೆ ಡಿಸಿಪಿ
ಎನ್‌. ವಿಷ್ಣುವರ್ಧನ್‌ ಅವರು ಮೂವರನ್ನು ಅಮಾನತುಗೊಳಿಸಿದ್ದಾರೆ.