ಮೈಗ್ರೇನ್‌: ಪೊಲೀಸ್‌ ಪೇದೆ ಆತ್ಮಹತ್ಯೆ

ಮೈಸೂರು: ಮೈಗ್ರೇನ್‌ನಿಂದ ಬಳಲುತ್ತಿದ್ದ ಪೊಲೀಸ್‌ ಪೇದೆ ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ಮೈಸೂರು ನಗರ ಸಶಸ್ತ್ರ ಮೀಸಲು ಪಡೆಯ ಪೇದೆ ರವಿಕುಮಾರ್‌(44) ಮೃತ ಪೊಲೀಸ್‌ ಪೇದೆ.

ಜಲಪುರಿಯ ಪೊಲೀಸ್‌ ಕ್ವಾಟ್ರಸ್‌ನ ನಿವಾಸಿಯಾಗಿದ್ದ ರವಿಕುಮಾರ್‌ ಮಂಗಳವಾರ ಬೆಳಗ್ಗೆ ಚಾಮುಂಡಿ ಬೆಟ್ಟದ ಕಂಟ್ರೋಲ್‌ ರೂಂಗೆ ಕರ್ತವ್ಯಕ್ಕೆ ತೆರಳಿದ್ದಾರೆ. ಈ ವೇಳೆ ಸ್ವಲ್ಪ ದೂರ ನಡೆದುಕೊಂಡು ಹೋಗಿ ಬರುವುದಾಗಿ ಹೇಳಿ ಹೋದ ರವಿಕುಮಾರ್‌, ಕಂಟ್ರೋಲ್‌ ರೂಂ ಬಳಿ ಇದ್ದ ಮೊಬೈಲ್‌ ಟವರ್‌ಗೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಬಹಳ ಹೊತ್ತಾದರೂ ಬಾರದೇ ಇರುವುದನ್ನು ಗಮನಿಸಿದ ಸಹೋದ್ಯೋಗಿಗಳು, ಟವರ್‌ ಬಳಿ ಬಂದು ನೋಡಿದಾಗ ಆತ್ಮಹತ್ಯೆ ಮಾಡಿಕೊಂಡಿರುವುದು ಬೆಳಕಿಗೆ ಬಂದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಸಂಬಂಧ ಕೆ.ಆರ್‌. ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ರವಿಕುಮಾರ್‌ ಅವರು 2000ನೇ ಬ್ಯಾಚಿನ ಪೊಲೀಸ್‌ ಪೇದೆಯಾಗಿದ್ದಾರೆ. ಇವರು ಕೆಎಸ್‌ಆರ್‌ಟಿಸಿಯಲ್ಲಿ ಕಂಡಕ್ಟರ್‌ ಆಗಿರುವ ಪತ್ನಿ ನಾಗರತ್ನ ಅವರನ್ನು ಪ್ರೀತಿಸಿ ಮದುವೆ ಯಾಗಿದ್ದರು. ಇವರಿಗೆ ಗಗನ್‌ ಎಂಬ ಪುತ್ರನಿದ್ದಾನೆ.