ಅಮೆಜಾನ್ ಗೆ 1.17 ಲಕ್ಷ ರೂ.ವಂಚಿಸಿದ ಮೈಸೂರು ಮಹಿಳೆ!

ಮೈಸೂರು: ಮಹಿಳೆಯೋರ್ವರು ಪ್ರತಿಷ್ಠಿತ ಆನ್ ಲೈನ್ ಶಾಪಿಂಗ್ ತಾಣ ಅಮೆಜಾನ್ ನಿಂದ ಹೊಸ ಬಟ್ಟೆ ಖರೀದಿ ಮಾಡಿ 1.17ಲಕ್ಷ ರೂ. ವಂಚಿಸಿದ ಘಟನೆ ಮೈಸೂರಿನಲ್ಲಿ ನಡೆದಿದೆ.

ಇನ್ನು ಮೋಸ ಮಾಡಿದ ಮಹಿಳೆಯ ವಿರುದ್ಧ ವಿವಿಪುರಂ ಠಾಣಾ ಪೊಲೀಸರು ದೂರು ದಾಖಲಿಸಿದ್ದಾರೆ. ಮಹಿಳೆಯನ್ನು ಅಶ್ವಿನಿ(35)ಎಂದು ಗುರುತಿಸಲಾಗಿದೆ. ಈ ಮಹಿಳೆಯು ಆನ್ ಲೈನ್ನಲ್ಲಿ ಬಟ್ಟೆ ಖರೀದಿಸಿದ್ದರು. ಅದೇ ಪ್ಯಾಕ್ ನಲ್ಲಿ ತಮ್ಮ ಹಳೆಯ ಬಟ್ಟೆಯನ್ನಿಟ್ಟು ನಿಮ್ಮ

ಪ್ರಾಡಕ್ಟ್ ನಮಗೆ ಹಿಡಿಸಿಲ್ಲವೆಂದು ಹೇಳಿ ವಾಪಸ್ ಕಳುಹಿಸುತ್ತಿದ್ದರು. ಅಲ್ಲದೇ ಬಟ್ಟೆ ಖರೀದಿ ವೇಳೆ ಪಾವತಿಸಿದ್ದ ಹಣ ಕೂಡ ವಾಪಸ್ ಪಡೆಯುತ್ತಿದ್ದರು. ಇವರು ಮನೋರಮಾ ಮತ್ತು ಸುಮಾ ಎಂಬ ಹೆಸರುಗಳಿಂದಲೂ ಈ ಹಿಂದೆ ಬಟ್ಟೆ ಖರೀದಿ ಮಾಡಿದ್ದರು.

Fab Phones Fest: ಅಮೆಜಾನ್ ವಿಶೇಷ ಆಫರ್ ಸೇಲ್

ಕಂಪನಿಯವರು ಮರಳಿ ಬಂದು ವಸ್ತುಗಳನ್ನು ಪರಿಶೀಲಿಸಿದಾಗ ಹಳೆಯ ಬಟ್ಟೆಗಳಿರುವುದು ಗಮನಕ್ಕೆ ಬಂದಿದೆ. ಕಂಪನಿಯ ಸಿಬ್ಬಂದಿ ತರುಣೆ ವರ್ಮಾ ಎಂಬವರು ಈ ಕುರಿತು ವಿವಿಪುರಂ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ತನಿಖೆ ವೇಳೆ ವಿಷಯ ಹೊರಬಂದಿದೆ.

Acer ConceptD: ವೃತ್ತಿಪರರಿಗೆ ಹೊಸ ಲ್ಯಾಪ್‌ಟಾಪ್ ಸರಣಿ ಪರಿಚಯಿಸಿದ ಏಸರ್

ಅಲ್ಲದೇ ತನಿಖೆ ಕೈಗೊಂಡ ಪೊಲೀಸರಿಗೆ ವ್ಯಕ್ತಿಯೊಬ್ಬರು ಬಟ್ಟೆ ಖರೀದಿ ಮಾಡುವಾಗ ಒಂದೇ ಮೊಬೈಲ್ ನಂಬರ್ ನಮೂದಿಸಿ ಹಲವು ಹೆಸರಿಗಳಿಂದ ಬಟ್ಟೆಗಳನ್ನು ಖರೀದಿಸಿರುವುದು ಪತ್ತೆಯಾಗಿದೆ. ಹೀಗಾಗಿ ಪೊಲೀಸರು ಅಶ್ವಿನಿಯವರನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.