ಪಂಕಜ್‌ ಉದಾಸ್‌ ಗಜಲ್‌ ಮೋಡಿ

ಮನಸೂರೆಗೊಂಡ ನೃತ್ಯರೂಪಕ !

Vijaya Karnataka Web

ಮೈಸೂರು: ಅರಮನೆ ಆವರಣದಲ್ಲಿಭಾನುವಾರ ಸಂಜೆ ನಡೆದ ಪಂಕಜ್‌ ಉದಾಸ್‌ ಅವರ ಗಜಲ್‌ ಗಾಯನ ಸಭಿಕರನ್ನು ನಾದಲೋಕಕ್ಕೆ ಕರೆದೊಯ್ಯಿತು.

ದಸರಾ ಮಹೋತ್ಸವದ ಅಂಗವಾಗಿ ಆಯೋಜಿಸಿದ್ದ ಸಾಂಸ್ಕೃತಿಕ ಕಾರ್ಯಕ್ರಮ ಉದ್ಘಾಟನೆ ಮೊದಲ ದಿನವೇ ಸ್ವರಗಳ ಲಾಲಿತ್ಯ, ನಾದದ ಝೇಂಕಾರ, ಸಂಗೀತದ ಸುಸ್ವರ ಗಜಲ್‌ ನಿನಾದ ಅರಮನೆ ಅಂಗಳದಲ್ಲಿನೆರೆದಿದ್ದ ಸಭಿಕರಿಗೆ ಅನನ್ಯ ಅನುಭೂತಿಯನ್ನು ನೀಡಿತು. ನೂರಾರು ಸಂಗೀತಾಸಕ್ತರು ಗಜಲ್‌ ಮೋಡಿಗೆ ಮನಸೋತರು.

ಇದಕ್ಕೂ ಮುನ್ನ ವಿದುಷಿ ರಾಧಿಕಾ ನಂದಕುಮಾರ್‌ ಮತ್ತು ತಂಡದಿಂದ ಶ್ರೀಮನ್ಮಹಾರಾಜ ಜಯಚಾಮರಾಜೇಂದ್ರ ಒಡೆಯರ್‌ ಕೃತಿ ಆಧಾರಿತ ನೃತ್ಯರೂಪಕ ಪ್ರೇಕ್ಷಕರ ಕಣ್ಮನ ಸೆಳೆಯಿತು. ಸಂಗೀತದ ಬಗ್ಗೆ ಜಯಚಾಮರಾಜೇಂದ್ರ ಅವರ 94 ಕೃತಿಗಳ ಚಿತ್ರಣ ನೃತ್ಯ ರೂಪಕದಲ್ಲಿಮೂಡಿ ಬಂತು. ತ್ರಿಶಕ್ತಿ ಸ್ವರೂಪಿಣಿ ಚಾಮುಂಡೇಶ್ವರಿಯ ಸ್ತುತಿ ಗಮನ ಸೆಳೆಯಿತು. ಸುಮಾರು ಗಂಟೆಗಳ ಕಾಲ ನೃತ್ಯ ವೈಭವವನ್ನು ಸಭಿಕರು ಕಣ್ತುಂಬಿಕೊಂಡರು.