ಮಗುವಿಗೆ ಬರೆ: ಅಂಗನವಾಡಿ ಸಹಾಯಕಿ ವಜಾ

ಮೈಸೂರು: ಮೂತ್ರ ವಿಸರ್ಜನೆ ಮಾಡಿದ ಮಗುವಿಗೆ ಬರೆ ಹಾಕಿದ ಶ್ರೀರಾಂಪುರ 2ನೇ ಹಂತದ ದೇವಯ್ಯನಹುಂಡಿ ಅಂಗನವಾಡಿ ಕೇಂದ್ರದ ಅಂಗನವಾಡಿ ಸಹಾಯಕಿ ಲೀಲಾ ಅವರನ್ನು ಸೇವೆಯಿಂದ ವಜಾ ಮಾಡಲಾಗಿದೆ.

ಅಂಗನವಾಡಿಯಲ್ಲಿ ಮೂತ್ರ ವಿಸರ್ಜನೆ ಮಾಡಿದ ಮೂರುವರೆ ವರ್ಷದ ಮಗು ಕೃಷ್ಣ ನ ಕಾಲಿಗೆ ಲೀಲಾ ಅವರು ಬರೆ ಎಳೆದಿದ್ದರು. ಇದರಿಂದ ಮಗುವಿನ ಕಾಲಿನಲ್ಲಿ ಬೊಬ್ಬೆ ಬಂದಿದೆ. ಈ ಹಿನ್ನೆಲೆಯಲ್ಲಿ ಲೀಲಾ ಅವರ ಮೇಲೆ ಎಫ್‌ಐಆರ್‌ ದಾಖಲಾಗಿದ್ದು, ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳ ಶಿಫಾರಸ್ಸಿನ ಮೇರೆಗೆ ಅವರನ್ನು ಗೌರವಧನ ಸೇವೆಯಿಂದ ವಜಾಗೊಳಿಸಲಾಗಿದೆ ಎಂದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಉಪನಿರ್ದೇಶಕಿ ರಾಧಾ ತಿಳಿಸಿದ್ದಾರೆ.