ವಿಜ್ಞಾನಿ ಸೋಮಶೇಖರ್‌ ಪಾರ್ಥಿವ ಶರೀರ ನಿವಾಸಕ್ಕೆ

ಮೈಸೂರು: ಚುಂಚನಕಟ್ಟೆ ಫಾಲ್ಸ್ ನಲ್ಲಿ ಮುಳುಗಿ ಮೃತಪಟ್ಟಿದ್ದ ಸಿಎಫ್‌ಟಿಆರ್‌ಐ ವಿಜ್ಞಾನಿ ಸೋಮಶೇಖರ್‌ ಅವರ ಪಾರ್ಥಿವ ಶರೀರವನ್ನು ಜಯಲಕ್ಷ್ಮೀಪುರಂನಲ್ಲಿರುವ ನಿವಾಸಕ್ಕೆ ತರಲಾಗಿದೆ.

ಮೂಲತಃ ನೆಲಮಂಗಲದ ಚಿಕ್ಕಮಾರನಹಳ್ಳಿ ಗ್ರಾಮದವರಾಗಿರುವ .ಮೃತ ಸೋಮಶೇಖರ್ ಅವರ ಮೃತದೇಹವನ್ನು ಸಿಎಫ್ ಟಿಆರ್ ಐ ರೆಸಿಡೆನ್ಸಿಯಲ್ ಕಾಂಪ್ಲೆಕ್ಸ್ ನಲ್ಲಿರುವ ನಿವಾಸಕ್ಕೆ ತರಲಾಗಿದೆ.

ಸೋಮಶೇಖರ್‌ ಅವರಿಗೆ ಪತ್ನಿ ಪ್ರತಿಮಾ ತ್ರಿಪಾಠಿ, ಐದು ವರ್ಷ ಮಗಳು ಇಶಾನಿ, ತಂದೆ ಸಿದ್ದರಾಮಯ್ಯ, ತಾಯಿ ಜಯಮ್ಮಇದ್ದಾರೆ.

ಸೋಮಶೇಖರ್‌ ಪಿಎಚ್‌ಡಿ ಮಾಡುವಾಗ ಲಖನೌ ಮೂಲದ ಪ್ರತಿಮಾ ತ್ರಿಪಾಠಿ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಎರಡು ವರ್ಷದಿಂದ ಸಿಎಎಫ್‌ಟಿಆರ್‌ಐನ ಬಯೋಕೆಮಿಸ್ಟ್ರಿ ವಿಭಾಗದಲ್ಲಿ ಸೇವೆ ಸಲ್ಲಿಸುತ್ತಿದ್ದರು.

ಕುಟುಂಬದೊಂದಿಗೆ ಚುಂಚನಕಟ್ಟೆ ಕಾವೇರಿ ಜಲಪಾತ ನೋಡಲು ಬಂದು ಜಲಪಾತದಲ್ಲಿ ಆಟವಾಡುವ ಸಮಯದಲ್ಲಿ ಇದ್ದಕ್ಕಿದ್ದಂತೆ ನದಿಯಲ್ಲಿ ನೀರಿನ ಪ್ರಮಾಣ ಹೆಚ್ಚಾದ ಕಾರಣ ಬಿದ್ದು ನೀರಿನಲ್ಲಿ ಮುಳುಗಿ ಮೃತ ಪಟ್ಟಿದ್ದಾರೆ.