ರಾಜ್ಯಮಟ್ಟದ ದಸರಾ ಕ್ರೀಡಾಕೂಟ: ಮೈಸೂರಿಗೆ ಸಮಗ್ರ ಪ್ರಶಸ್ತಿ

ಮೈಸೂರು : ನಾಡಹಬ್ಬ ದಸರಾ ಮಹೋತ್ಸವದ ಅಂಗವಾಗಿ ನಡೆದ ರಾಜ್ಯಮಟ್ಟದ ದಸರಾ ಕ್ರೀಡಾಕೂಟದಲ್ಲಿಮೈಸೂರು ನಗರ ವಿಭಾಗವು ಸಮಗ್ರ ಪ್ರಶಸ್ತಿ ಪಡೆಯುವ ಮುಖಾಂತರ 2019ರ ದಸರಾ ಸಿಎಂ ಕಪ್‌ ಮುಡಿಗೇರಿಸಿಕೊಂಡಿತು.

ನಾಲ್ಕು ದಿನ ನಡೆದ ಅಥ್ಲೆಟಿಕ್ಸ್‌ , ಗುಂಪು ಕ್ರೀಡೆಗಳು ಸೇರಿದಂತೆ 30ಕ್ಕೂ ಹೆಚ್ಚು ಕ್ರೀಡೆಗಳಲ್ಲಿಮೇಲುಗೈ ಸಾಧಿಸಿದ ಮೈಸೂರು ವಿಭಾಗ 203 ಅಂಕ ಪಡೆದು ಸಿಎಂ ಕಪ್‌ ಪಡೆದುಕೊಂಡಿತು. ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ, ದಸರಾ ಕ್ರೀಡಾ ಉಪಸಮಿತಿ ಸಹಯೋಗದಲ್ಲಿಮೈಸೂರಿನ ಚಾಮುಂಡಿವಿಹಾರ ಕ್ರೀಡಾಂಗಣದಲ್ಲಿಶುಕ್ರವಾರ ನಡೆದ ದಸರಾ ಕ್ರೀಡಾಕೂಟದ ಸಮಾರೋಪ ಸಮಾರಂಭದಲ್ಲಿಗ್ರಾಮೀಣಾಭಿವೃದ್ಧಿ, ಯುವ ಸಬಲೀಕರಣ ಮತ್ತು ಕ್ರೀಡಾ ಸಚಿವ ಕೆ.ಎಸ್‌.ಈಶ್ವರಪ್ಪ ವಿಜೇತರಿಗೆ ಟ್ರೋಫಿ ವಿತರಿಸಿದರು.

ಎತ್ತರ ಜಿಗಿತದಲ್ಲಿದಾಖಲೆ : 3ನೇ ದಿನದ ಅಥ್ಲೆಟಿಕ್‌ ಕ್ರೀಡಾಕೂಟದ ಎತ್ತರ ಜಿಗಿತದಲ್ಲಿಬೆಂಗಳೂರು ನಗರ ವಿಭಾಗದ ಚೇತನ್‌ 2.13 ಮೀ. ಎತ್ತರ ಜಿಗಿದು ಚಿನ್ನದ ಪದಕ ಪಡೆದರು. ಮಾತ್ರವಲ್ಲದೆ ಅವರ ಈ ಜಿಗಿತ ಈ ಹಿಂದಿನ ದಸರಾ ಕ್ರೀಡಾಕೂಟದಲ್ಲಿಕ್ರೀಡಾಪಟುವೊಬ್ಬರು ಸೃಷ್ಟಿಸಿದ್ದ 2.10 ಮೀ. ದಾಖಲೆಯನ್ನು ಅಳಿಸಿ ಹಾಕಿತು. 2.13 ಮೀ ಜಿಗಿದ ಬೆಂಗಳೂರು ಗ್ರಾಮಾಂತರ ವಿಭಾಗದ ಯಶಸ್‌ ದ್ವಿತೀಯ, ಬೆಳಗಾವಿ ವಿಭಾಗದ ನಾಗರಾಜ ಗೌಡ 1.85 ಮೀ. ಎತ್ತರ ಪೂರ್ಣಗೊಳಿಸುವ ಮುಖಾಂತರ 3 ನೇ ಸ್ಥಾನ ಪಡೆದರು.

ಅಪರೂಪದ ಉದ್ದ ಜಿಗಿತ : ರಾಜ್ಯ ದಸರಾ ಕ್ರೀಡಾಕೂಟದಲ್ಲಿಇದುವರೆವಿಗೂ ಉದ್ದ ಜಿಗಿತ ಸ್ಪರ್ಧೆಯಲ್ಲಿನಡೆಯದಂತಹ ಅಪರೂಪದ ಸಾಧನೆಯೊಂದು ಶುಕ್ರವಾರ ದಾಖಲಾಯಿತು. ಪ್ರಥಮ, ದ್ವಿತೀಯ ಮತ್ತು ತೃತೀಯ ಸ್ಥಾನ ಪಡೆದ ಎಲ್ಲಮೂವರು ಕ್ರೀಡಾಪಟುಗಳು 6.89 ಮೀ. ಜಿಗಿತದ ಸಾಧನೆ ಮಾಡಿದ್ದಾರೆ. ಬೆಂಗಳೂರು ನಗರದ ಬಿ. ನವೀನ್‌, ಎಸ್‌. ಆರ್ಯ, ಬೆಳಗಾವಿ ವಿಭಾಗದ ಗುರುರಾಜ್‌ ಎಂಬ ಮೂವರು ಕ್ರೀಡಾಪಟುಗಳು ಸಮವಾದ(6.89 ಮೀ.)ಸಾಧನೆ ಮಾಡಿದ್ದಾರೆ.

ಪುರುಷರು ವಿಭಾಗ
200 ಮೀ..ಓಟ : ರೋಹಿತ್‌(ಮೈಸೂರು, 21.6 ಸೆ.)1, ಎಂ.ಡಿ. ಅಮರನಾಥ್‌ (ಬೆಳಗಾವಿ, 21.9 ಸೆ.)2, ಮಿಥುನ್‌ ಶೆಟ್ಟಿ (ಮೈಸೂರು, 22.2 ಸೆ.)3.
10,000 ಮೀ.. ಓಟ : ಲಕ್ಷತ್ರ್ಮಣ(ಬೆಂಗಳೂರು ನಗರ,, 34:34.7 ಸೆ.)1, ಟಿ.ಎಸ್‌. ಸಂದೀಪ್‌(ಬೆಂಗಳೂರು ಗ್ರಾಮಾಂತರ, 34:37.54 ಸೆ.)2, ಪಿ.ಎಂ. ಶಿವಾಜಿ(ಬೆಳಗಾವಿ, 34:52.4 ಸೆ.)3.
4*400 ಮೀ. ರಿಲೆ : ಬೆಂಗಳೂರು ನಗರ (3:17.9 ಸೆ.)1, ಮೈಸೂರು(3:22.9 ಸೆ.)2, ಬೆಳಗಾವಿ(3:27.46 ಸೆ.)3

ಮಹಿಳೆಯರ ವಿಭಾಗ :
200 ಮೀ.ಓಟ: ಪದ್ಮಿನಿ(ಬೆಳಗಾವಿ, 24.6 ಸೆ.)1, ಅಫ್ಸಾನಾ ಬೇಗಂ(ಮೈಸೂರು, 25.00 ಸೆ.)2, ಸುದೀಕ್ಷಾ (26.4 ಸೆ.)3.
10000 ಮೀ. ಓಟ : ಅರ್ಚನಾ(ಮೈಸೂರು, 41:57.2 ಸೆ.)1, ಮಲ್ಲೇಶ್ವರಿ ರಾಥೋಡ್‌ (ಬೆಂಗಳೂರು ನಗರ, 43:21.3 ಸೆ.)2, ರಕ್ಷಿತಾ (ಮೈಸೂರು 54:42.4 ಸೆ.)
4*400 ಮೀ.ರಿಲೆ : ಬೆಂಗಳೂರು ನಗರ(3:48.6 ಸೆ.)1, ಮೈಸೂರು(4:02.5 ಸೆ.)2, ಬೆಳಗಾವಿ (4:19.64 ಸೆ.)3.
5 ಜಾವಲೀನ್‌ ಥ್ರೋ : ಪಾರ್ವತಿ ಎಂ .ನಾಯಕ್‌(ಮೈಸೂರು, 34.64 ಮೀ.)1, ಪೂಜಾ(ಮೈಸೂರು,32.26 ಮೀ.) ಅಡವಪಡೆ(ಬೆಳಗಾವಿ, 29.44 ಮೀ.)3.