ಐತಿಚಂಡ ರಮೇಶ್‌ ಉತ್ತಪ್ಪ ಮೈಸೂರು
ಶಾಂತಿಪ್ರಿಯರ ನಾಡು ಹಾಗೂ ಸಾಂಸ್ಕೃತಿಕ ರಾಜಧಾನಿಯಾಗಿರುವ ಅರಮನೆ ನಗರಿ ಮೈಸೂರು ಉಗ್ರರ ಅಡಗುತಾಣವೂ ಆಗಿರುವುದು ಹಲವರನ್ನು ಬೆಚ್ಚಿಬೀಳಿಸಿದೆ. ಈ ಹಿಂದೆ ಇಲ್ಲಿನ ನ್ಯಾಯಾಲಯದ ಶೌಚಾಲಯದಲ್ಲಿ ಬಾಂಬ್‌ ಸ್ಫೋಟ ಸೇರಿ ಕೆಲವೊಂದು ಆತಂಕಕಾರಿ ಚಟುವಟಿಕೆಗಳಾಗಿದ್ದವು.
ಇದೀಗ ಪೊಲೀಸರು ಮೈಸೂರಿನಲ್ಲಿ ಶಂಕಿತ ಉಗ್ರನ ಪೂರ್ವಾಪರವನ್ನು ಜಾಲಾಡುತ್ತಿದ್ದಾರೆ. ನಗರದ ಮೇಟಗಳ್ಳಿ ಪೊಲೀಸ್‌ ಠಾಣೆ ವ್ಯಾಪ್ತಿಯ ಲೋಕ ನಾಯಕ ನಗರದ 10ನೇ ಕ್ರಾಸ್‌ನಲ್ಲಿ ಮನೆ ಬಾಡಿಗೆ ಪಡೆದಿದ್ದ. ಅಲ್ಲಿ ಸಾಕಷ್ಟು ಆತಂಕಕಾರಿ ವಸ್ತುಗಳು ಪತ್ತೆಯಾಗಿವೆ ಎನ್ನಲಾಗಿದೆ. ಅಲ್ಲದೆ,ಆತ ನಗರದ ಹೃದಯ ಭಾಗವಾದ ಅಗ್ರಹಾರದಲ್ಲಿನ ಮೊಬೈಲ್‌ ಅಂಗಡಿಯಲ್ಲಿ ಮೊಬೈಲ್‌ ದುರಸ್ತಿ ತರಬೇತಿ ಪಡೆದಿರುವುದರ ಕುರಿತೂ
ಚುರುಕಿನ ತನಿಖೆ ನಡೆಯುತ್ತಿದೆ.
ಈ ಹಿಂದೆಯೂ ಇತ್ತುಆತಂಕ
2016ರ ಆಗಸ್ಟ್‌ 1ರಂದು ನಗರದ ನ್ಯಾಯಾಲಯ ಆವರಣದ ಶೌಚಾಲಯದಲ್ಲಿ ಬಾಂಬ್‌ ಸ್ಫೋಟವಾಗಿತ್ತು. ತಮಿಳುನಾಡಿನ ಮಧುರೈಯಲ್ಲಿ ವಾಸವಿದ್ದ ಮೂವರು ಉಗ್ರರು ಈ ಕೃತ್ಯ ನಡೆಸಿದ್ದರು. ಇವರು ಅಲ್‌ಖೈದಾ ಉಗ್ರರೊಂದಿಗೆ ಸಂಬಂಧ ಹೊಂದಿದ್ದರು. ನಂತರ ಉಗ್ರರಿಗೆ ಶಿಕ್ಷೆಯೂ ಆಗಿತ್ತು.
ಅಮೆರಿಕ ಕೃತ್ಯಕ್ಕೂ ನಂಟು!
ಅಮೆರಿಕದ ವಿಶ್ವ ವಾಣಿಜ್ಯ ವ್ಯಾಪಾರ ಮಳಿಗೆಯ ಅವಳಿ ಕಟ್ಟಡಕ್ಕೆ ವಿಮಾನ ಅಪ್ಪಳಿಸಿ ಧ್ವಂಸ ಮಾಡಿದ ಕೃತ್ಯದ ಮೂರನೇ ಪ್ರಮುಖ ಆರೋಪಿ ಸೆರೆ ಸಿಕ್ಕ ನಂತರ ಮೈಸೂರನ್ನು ಬೆಚ್ಚಿ ಬೀಳಿಸಿತು. ಏಕೆಂದರೆ, ಈತ ಮೈಸೂರಿನಲ್ಲಿ ಶಿಕ್ಷಣ ಪಡೆದಿದ್ದಎನ್ನುವುದು. ಪರಿಣಾಮ,ಮೈಸೂರಿನಲ್ಲಿಯೂ ತನಿಖೆ ನಡೆಯಿತು.
ಮೈಸೂರು ಏಕೆ ಸೇಫ್‌?
ಮೈಸೂರಿನಲ್ಲಿ ಇಂತಹ ಕೆಲವೊಂದು ಘಟನೆಗಳು ಈಹಿಂದೆ ನಡೆದಿವೆ. ಬೇರೆಡೆ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿ ಮೈಸೂರಿನಲ್ಲಿ ಅಡಗಿಕೊಂಡಿದ್ದವರನ್ನು ಪತ್ತೆಹೆಚ್ಚಲಾಗಿದೆ. 2006ರಲ್ಲಿ ಹೆಬ್ಬಾಳು ರಿಂಗ್‌ ರಸ್ತೆಯಲ್ಲಿ ಶಸ್ತ್ರಾಸ್ತ್ರ ಸಾಗಿಸುತ್ತಿದ್ದ ಆರೋಪದಲ್ಲಿ ಇಬ್ಬರು ಉಗ್ರರನ್ನು ಬಂಧಿಸಲಾಗಿತ್ತು. ಇವರು ರಾಜೀವ್‌ ನಗರದ ಬಾಡಿಗೆ ಮನೆಯಲ್ಲಿದ್ದರು. ಮೇಲ್ನೋಟಕ್ಕೆ ದುಷ್ಕರ್ಮಿಗಳಿಗೆ ಮೈಸೂರು ಸೇಫ್‌ ಎನ್ನುವಂತೆ ಕಾಣುತ್ತಿದೆ. ಇದಕ್ಕೆ ಮೈಸೂರಿನಲ್ಲಿ ಅವರಿಗೆ ವಾಸಕ್ಕೆ ಸುಲಭವಾಗಿ ಅವಕಾಶಗಳು ದೊರೆಯುತ್ತಿರುವುದು ಕಾರಣ. ಇಲ್ಲಿ ಸಾಕಷ್ಟು ಬಾಡಿಗೆ ಮನೆಗಳು ಅಪರಿಚಿತರಿಗೆ ಸಿಗುತ್ತವೆ.
ಬಾಡಿಗೆ ಕಾನೂನು ಜಾರಿಯಾಗದ ಹಿನ್ನೆಲೆಯಲ್ಲಿ ಇಂತಹವರಿಗೇ ಬಾಡಿಗೆ ಕೊಡಬೇಕು ಎನ್ನುವ ನಿರ್ಬಂಧ ಕಾಣುತ್ತಿಲ್ಲ. ಮನೆ ಮಾಲೀಕರು ಕೂಡ ಹೆಚ್ಚು ಬಾಡಿಗೆ ನೀಡುವವರಿಗೆ ಕಟ್ಟಡಗಳನ್ನು ನೀಡುತ್ತಿದ್ದಾರೆ. ಹೆಚ್ಚು ಬಾಡಿಗೆ ಆಸೆಗಾಗಿ ಅವರ ಪೂರ್ವಾಪರ ವಿಚಾರಿಸದೆ ಮನೆ ನೀಡಿ ನಂತರ ಸಂಕಷ್ಟಕ್ಕೆ ಒಳಗಾಗುತ್ತಾರೆ.
ಬಾಡಿಗೆ ನೀತಿ ಅಗತ್ಯ!ಯಾವ ಏರಿಯಾದಲ್ಲಿ ಯಾವ ಮನೆಗೆ ಎಷ್ಟು ಬಾಡಿಗೆ ನೀಡಬೇಕು ಎನ್ನುವ ನಿಯಮ ಇಲ್ಲದ ಕಾರಣ ಮಾಲೀಕರು ಹಣದ ಆಸೆಗೆ ಬಲಿಯಾಗುತ್ತಿದ್ದಾರೆ. ಕಟ್ಟಡ ಕಟ್ಟಿದ ಸಾಲದ ಕಂತು ಪಾವತಿ ಹಿನ್ನೆಲೆಯಲ್ಲಿ ಹೆಚ್ಚು ಬಾಡಿಗೆ ನಿರೀಕ್ಷಿಸುತ್ತಿದ್ದಾರೆ. ಆಗಾಗ ಬಾಡಿಗೆದಾರರನ್ನು ಖಾಲಿ ಮಾಡಿಸಿ ಬೇರೆಯವರಿಗೆ ಹೆಚ್ಚು ಹಣಕ್ಕೆ ನೀಡುವವರೂ ಇದ್ದಾರೆ. ಇದರಿಂದಾಗಿ ಮತ್ತೆ ಅಪರಿಚಿತರು ಮನೆಗೆ ಬರುವುದರಿಂದ ಅಪಾಯಕ್ಕೆ ಸಿಲುಕಿಕೊಳ್ಳುತ್ತಾರೆ.
ಶಾಂತಿಪ್ರಿಯರ ನಾಡು ಹಾಗೂ ಸಾಂಸ್ಕೃತಿಕ ರಾಜಧಾನಿಯಾಗಿರುವ ಅರಮನೆ ನಗರಿ ಮೈಸೂರು ಉಗ್ರರ ಅಡಗುತಾಣವೂ ಆಗಿರುವುದು ಹಲವರನ್ನು ಬೆಚ್ಚಿಬೀಳಿಸಿದೆ. ಈ ಹಿಂದೆ ಇಲ್ಲಿನ ನ್ಯಾಯಾಲಯದ ಶೌಚಾಲಯದಲ್ಲಿ ಬಾಂಬ್‌ ಸ್ಫೋಟ ಸೇರಿ ಕೆಲವೊಂದು ಆತಂಕಕಾರಿ ಚಟುವಟಿಕೆಗಳಾಗಿದ್ದವು.
ಇದೀಗ ಪೊಲೀಸರು ಮೈಸೂರಿನಲ್ಲಿ ಶಂಕಿತ ಉಗ್ರನ ಪೂರ್ವಾಪರವನ್ನು ಜಾಲಾಡುತ್ತಿದ್ದಾರೆ. ನಗರದ ಮೇಟಗಳ್ಳಿ ಪೊಲೀಸ್‌ ಠಾಣೆ ವ್ಯಾಪ್ತಿಯ ಲೋಕ ನಾಯಕ ನಗರದ 10ನೇ ಕ್ರಾಸ್‌ನಲ್ಲಿ ಮನೆ ಬಾಡಿಗೆ ಪಡೆದಿದ್ದ. ಅಲ್ಲಿ ಸಾಕಷ್ಟು ಆತಂಕಕಾರಿ ವಸ್ತುಗಳು ಪತ್ತೆಯಾಗಿವೆ ಎನ್ನಲಾಗಿದೆ. ಅಲ್ಲದೆ,ಆತ ನಗರದ ಹೃದಯ ಭಾಗವಾದ ಅಗ್ರಹಾರದಲ್ಲಿನ ಮೊಬೈಲ್‌ ಅಂಗಡಿಯಲ್ಲಿ ಮೊಬೈಲ್‌ ದುರಸ್ತಿ ತರಬೇತಿ ಪಡೆದಿರುವುದರ ಕುರಿತೂ
ಚುರುಕಿನ ತನಿಖೆ ನಡೆಯುತ್ತಿದೆ.
ಈ ಹಿಂದೆಯೂ ಇತ್ತುಆತಂಕ
2016ರ ಆಗಸ್ಟ್‌ 1ರಂದು ನಗರದ ನ್ಯಾಯಾಲಯ ಆವರಣದ ಶೌಚಾಲಯದಲ್ಲಿ ಬಾಂಬ್‌ ಸ್ಫೋಟವಾಗಿತ್ತು. ತಮಿಳುನಾಡಿನ ಮಧುರೈಯಲ್ಲಿ ವಾಸವಿದ್ದ ಮೂವರು ಉಗ್ರರು ಈ ಕೃತ್ಯ ನಡೆಸಿದ್ದರು. ಇವರು ಅಲ್‌ಖೈದಾ ಉಗ್ರರೊಂದಿಗೆ ಸಂಬಂಧ ಹೊಂದಿದ್ದರು. ನಂತರ ಉಗ್ರರಿಗೆ ಶಿಕ್ಷೆಯೂ ಆಗಿತ್ತು.
ಅಮೆರಿಕ ಕೃತ್ಯಕ್ಕೂ ನಂಟು!
ಅಮೆರಿಕದ ವಿಶ್ವ ವಾಣಿಜ್ಯ ವ್ಯಾಪಾರ ಮಳಿಗೆಯ ಅವಳಿ ಕಟ್ಟಡಕ್ಕೆ ವಿಮಾನ ಅಪ್ಪಳಿಸಿ ಧ್ವಂಸ ಮಾಡಿದ ಕೃತ್ಯದ ಮೂರನೇ ಪ್ರಮುಖ ಆರೋಪಿ ಸೆರೆ ಸಿಕ್ಕ ನಂತರ ಮೈಸೂರನ್ನು ಬೆಚ್ಚಿ ಬೀಳಿಸಿತು. ಏಕೆಂದರೆ, ಈತ ಮೈಸೂರಿನಲ್ಲಿ ಶಿಕ್ಷಣ ಪಡೆದಿದ್ದಎನ್ನುವುದು. ಪರಿಣಾಮ,ಮೈಸೂರಿನಲ್ಲಿಯೂ ತನಿಖೆ ನಡೆಯಿತು.
ಮೈಸೂರು ಏಕೆ ಸೇಫ್‌?
ಮೈಸೂರಿನಲ್ಲಿ ಇಂತಹ ಕೆಲವೊಂದು ಘಟನೆಗಳು ಈಹಿಂದೆ ನಡೆದಿವೆ. ಬೇರೆಡೆ ಅಪರಾಧ ಪ್ರಕರಣಗಳಲ್ಲಿ ಭಾಗಿಯಾಗಿ ಮೈಸೂರಿನಲ್ಲಿ ಅಡಗಿಕೊಂಡಿದ್ದವರನ್ನು ಪತ್ತೆಹೆಚ್ಚಲಾಗಿದೆ. 2006ರಲ್ಲಿ ಹೆಬ್ಬಾಳು ರಿಂಗ್‌ ರಸ್ತೆಯಲ್ಲಿ ಶಸ್ತ್ರಾಸ್ತ್ರ ಸಾಗಿಸುತ್ತಿದ್ದ ಆರೋಪದಲ್ಲಿ ಇಬ್ಬರು ಉಗ್ರರನ್ನು ಬಂಧಿಸಲಾಗಿತ್ತು. ಇವರು ರಾಜೀವ್‌ ನಗರದ ಬಾಡಿಗೆ ಮನೆಯಲ್ಲಿದ್ದರು. ಮೇಲ್ನೋಟಕ್ಕೆ ದುಷ್ಕರ್ಮಿಗಳಿಗೆ ಮೈಸೂರು ಸೇಫ್‌ ಎನ್ನುವಂತೆ ಕಾಣುತ್ತಿದೆ. ಇದಕ್ಕೆ ಮೈಸೂರಿನಲ್ಲಿ ಅವರಿಗೆ ವಾಸಕ್ಕೆ ಸುಲಭವಾಗಿ ಅವಕಾಶಗಳು ದೊರೆಯುತ್ತಿರುವುದು ಕಾರಣ. ಇಲ್ಲಿ ಸಾಕಷ್ಟು ಬಾಡಿಗೆ ಮನೆಗಳು ಅಪರಿಚಿತರಿಗೆ ಸಿಗುತ್ತವೆ.
ಬಾಡಿಗೆ ಕಾನೂನು ಜಾರಿಯಾಗದ ಹಿನ್ನೆಲೆಯಲ್ಲಿ ಇಂತಹವರಿಗೇ ಬಾಡಿಗೆ ಕೊಡಬೇಕು ಎನ್ನುವ ನಿರ್ಬಂಧ ಕಾಣುತ್ತಿಲ್ಲ. ಮನೆ ಮಾಲೀಕರು ಕೂಡ ಹೆಚ್ಚು ಬಾಡಿಗೆ ನೀಡುವವರಿಗೆ ಕಟ್ಟಡಗಳನ್ನು ನೀಡುತ್ತಿದ್ದಾರೆ. ಹೆಚ್ಚು ಬಾಡಿಗೆ ಆಸೆಗಾಗಿ ಅವರ ಪೂರ್ವಾಪರ ವಿಚಾರಿಸದೆ ಮನೆ ನೀಡಿ ನಂತರ ಸಂಕಷ್ಟಕ್ಕೆ ಒಳಗಾಗುತ್ತಾರೆ.
ಬಾಡಿಗೆ ನೀತಿ ಅಗತ್ಯ!ಯಾವ ಏರಿಯಾದಲ್ಲಿ ಯಾವ ಮನೆಗೆ ಎಷ್ಟು ಬಾಡಿಗೆ ನೀಡಬೇಕು ಎನ್ನುವ ನಿಯಮ ಇಲ್ಲದ ಕಾರಣ ಮಾಲೀಕರು ಹಣದ ಆಸೆಗೆ ಬಲಿಯಾಗುತ್ತಿದ್ದಾರೆ. ಕಟ್ಟಡ ಕಟ್ಟಿದ ಸಾಲದ ಕಂತು ಪಾವತಿ ಹಿನ್ನೆಲೆಯಲ್ಲಿ ಹೆಚ್ಚು ಬಾಡಿಗೆ ನಿರೀಕ್ಷಿಸುತ್ತಿದ್ದಾರೆ. ಆಗಾಗ ಬಾಡಿಗೆದಾರರನ್ನು ಖಾಲಿ ಮಾಡಿಸಿ ಬೇರೆಯವರಿಗೆ ಹೆಚ್ಚು ಹಣಕ್ಕೆ ನೀಡುವವರೂ ಇದ್ದಾರೆ. ಇದರಿಂದಾಗಿ ಮತ್ತೆ ಅಪರಿಚಿತರು ಮನೆಗೆ ಬರುವುದರಿಂದ ಅಪಾಯಕ್ಕೆ ಸಿಲುಕಿಕೊಳ್ಳುತ್ತಾರೆ.