ಮೈಸೂರಲ್ಲಿ ಉಗ್ರರ ಬಂಧನ ವದಂತಿ-ಪೊಲೀಸರಿಂದ ಕಟ್ಟೆಚ್ಚರ

ಶ್ರೀರಂಗಪಟ್ಟಣ (ಮೈಸೂರು): ಶ್ರೀರಂಗಪಟ್ಟಣದಲ್ಲಿ ಉಗ್ರರ ಬಂಧನ ವದಂತಿ ನಂತರವೂ ಜಿಲ್ಲೆಯಲ್ಲಿ ಪೊಲೀಸರು ಕಟ್ಟೆಚ್ಚರ ವಹಿಸಿದ್ದು ಅಯಕಟ್ಟಿನ ಸ್ಥಳಗಳಲ್ಲಿ ವ್ಯಾಪಕ ತಪಾಸಣೆ ಕೈಗೊಂಡಿದ್ದಾರೆ. ಮೈಸೂರು ದಸರಾ ಉತ್ಸವದ ಸಂದರ್ಭದಲ್ಲಿ ಸ್ಟೋಟಕ್ಕೆ ಸಂಚು ರೂಪಿಸಿದ್ದ ಶಂಕೆಯಿಂದ ಹಿಜ್ಬುಲ್ -ಮುಜಾಹಿದ್ ಉಗ್ರ ಸಂಘಟನೆಯ ನಾಲ್ವರು ಶಂಕಿತ ಉಗ್ರರನ್ನು ರಾಷ್ಟ್ರೀಯ ತನಿಖಾ ದಳ (ಎನ್ಐಎ) ಬಂಧನಕ್ಕೆ ಒಳಪಡಿಸಿದೆ ಎನ್ನಲಾಗಿತ್ತು.

ಮೈಸೂರು ದಸರಾ - 2019 ಉತ್ಸವದ ವೇಳೆ ಸ್ಪೋಟಕ್ಕೆ ಸಂಚು ರೂಪಿಸಿದ್ದಾರೆ, ಇದಕ್ಕಾಗಿ ಶ್ರೀರಂಗಪಟ್ಟಣದಲ್ಲಿ ಸ್ಯಾಟಲೈಟ್ ಫೋನ್ ಬಳಕೆ ಮಾಡಿದ್ದಾರೆ. ಈ ಮಾಹಿತಿ ಆಧರಿಸಿ ಎನ್ಐಎ ನಾಲ್ವರನ್ನು ವಶಕ್ಕೆ ಪಡೆದುಕೊಂಡಿದೆ ಎಂಬ ಸುದ್ದಿ ಹರಡಿತ್ತು. ಶಂಕಿತ ಉಗ್ರರ ಬಂಧನ ಸುದ್ದಿ ದಸರಾ ಸಂಭ್ರಮದಲ್ಲಿದ್ದ ಜನರಲ್ಲಿ ಆತಂಕ ಮೂಡಿಸಿತ್ತು. ಆದರೆ ಉಗ್ರರ ಬಂಧನ ಸುದ್ದಿಯನ್ನು ಪೊಲೀಸ್ ಇಲಾಖೆ ನಿರಾಕರಿಸಿದೆ.

ದಸರಾದಲ್ಲಿ ಸೀರೆ ಉಟ್ಟು ಮಿಂಚಿದ ಮಹಿಳಾ ಅಧಿಕಾರಿಗಳು- ಫಿದಾ ಆದ್ರು ಮಡಿಕೇರಿ ಮಂದಿ

ಈ ಬೆಳವಣಿಗೆ ಬೆನ್ನಲ್ಲೇ ಶ್ರೀರಂಗಪಟ್ಟಣದ ಸುತ್ತಮುತ್ತಲಿನ ಪ್ರವಾಸಿ ಸ್ಥಳಗಳ ಬಳಿ ಬಾಂಬ್ ನಿಷ್ಕ್ರೀಯ ದಳದಿಂದ ತಪಾಸಣೆ ತಡೆಸಲಾಗಿದೆ. ಬಸ್ ಸ್ಟಾಂಡ್, ರೈಲ್ವೆ ನಿಲ್ದಾಣ, ಹೈವೆಯಲ್ಲಿ ಅನುಮಾನಸ್ಪದವಾಗಿ ನಿಂತಿರೋ ವಾಹನಗಳನ್ನು ತಪಾಸಣೆಗೆ ಒಳಪಡಿಸಲಾಗಿದೆ. ಅಲ್ಲದೆ ಅನುಮಾನಸ್ಪದ ಮದರಸ ಮಸೀದಿಗಳಿಗೂ ಪೊಲೀಸರು ಭೇಟಿ ನೀಡಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

1200 ಕೋಟಿ ಕೊಟ್ಟಿರೋದೇ ಲಾಸ್ಟ್‌, ಇನ್ನೊಮ್ಮೆ ಪರಿಹಾರ ಬರೋ ನಂಬಿಕೆಯಿಲ್ಲ!: ಎಚ್ಡಿಕೆ

ಶ್ರೀರಂಗಪಟ್ಟಣ ಸುತ್ತಮುತ್ತಲಿನ ರೆಸಾರ್ಟ್,ಲಾಡ್ಜ್ ,ಹೊರ ವಲಯದ ಫಾರ್ಮ್ ಹೌಸ್‌ಗಳಿಗೆ ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ ಅಲ್ಲಿಗೆ ಬಂದು ಹೋದವರ ಬಗ್ಗೆ ಮಾಹಿತಿಯನ್ನು ಸಂಗ್ರಹ ಮಾಡುತ್ತಿದ್ದಾರೆ.

ಮೈಸೂರು ದಸರಾ ಸಂದರ್ಭದಲ್ಲಿ ಶಂಕಿತ ಉಗ್ರರ ಬಂಧನದ ಸುದ್ದಿ ಜನರಲ್ಲಿ ಆತಂಕ ಮೂಡಿಸಿತ್ತು. ಆದರೆ ಪೊಲೀಸ್ ಇಲಾಖೆ ಈ ಸುದ್ದಿಯನ್ನು ನಿರಾಕರಿಸಿ ಜನರು ಆತಂಕ ಪಡಬೇಕಾದ ಅಗತ್ಯ ಇಲ್ಲ ಅಂದಿತ್ತು. ಪೊಲೀಸರು ಉಗ್ರರ ಬಂಧನ ವಂದತಿ ನಿರಾಕರಿಸಿದರೂ ಹಲವಡೆ ಕೈಗೊಳ್ಳುತ್ತಿರುವ ತಪಾಸಣೆ ಅನುಮಾನ‌ ಮೂಡಿಸುತ್ತಿದೆ.