ಶ್ರೀ ಪ್ರಜ್ಞಾರಾಜೇಂದ್ರ ತೀರ್ಥ ಸ್ವಾಮೀಜಿ ನಿಧನ

ಮೈಸೂರು: ಶ್ರೀಗಳು ಕೆಲವು ದಿನಗಳಿಂದ ಅಸ್ವಸ್ಥರಾಗಿದ್ದ ಮೈಸೂರು ತಾಲೂಕು ಇಲವಾಲ ಹೋಬಳಿಯ ಸಾಗರ ಕಟ್ಟೆ ಮಠದ ಶಾಖೆಯ ಶ್ರೀ ಪ್ರಜ್ಞಾರಾಜೇಂದ್ರ ತೀರ್ಥ ಸ್ವಾಮೀಜಿ (89) ಮಂಗಳವಾರ ಮೈಸೂರಿನ ಕೃಷ್ಣಮೂರ್ತಿಪುರಂನ ಸಾಗರಕಟ್ಟೆ ಮಠದ ಶಾಖೆಯಲ್ಲಿ ದೈವಾಧಿಧೀನರಾದರು.

ಸಂಪ್ರದಾಯ, ಆಚಾರ- ವಿಚಾರಗಳನ್ನು ನಿಷ್ಟೆಯಿಂದ ಪಾಲನೆ ಮಾಡುವುದನ್ನು ಕಂಡು 1968ರಲ್ಲಿ ಪ್ರದ್ಯುಮ್ನ ತೀರ್ಥರು ಇವರಿಗೆ ದೀಕ್ಷೆ ನೀಡಿದ್ದರು. ಮಾಧ್ವ ಸಂಪ್ರದಾಯದ ಪ್ರಕಾರ ಸ್ವಾಮೀಜಿಯಾಗಿ ದೀಕ್ಷೆ ಪಡೆದ ಸಂದರ್ಭದಲ್ಲಿ ಇವರು ಕುಟುಂಬವನ್ನು ತೊರೆದಿದ್ದರು. ಇಲವಾಲ ಬಳಿಯ ಸಾಗರಕಟ್ಟೆ ಮಠದ ಶಾಖೆಯಲ್ಲಿ ಸ್ವಾಮೀಜಿ ಅವರ ಬೃಂದಾವನ ಕಾರ್ಯಕ್ರಮ ಮಂಗಳವಾರ ಆರಂಭವಾಗಿದ್ದು, ಬುಧವಾರ ನಾನಾ ಸಂಪ್ರದಾಯ, ಧಾರ್ಮಿಕ ಆಚರಣೆಗಳೊಂದಿಗೆ ಪೂರ್ಣಗೊಳ್ಳಲಿದೆ ಎಂದು ಸಾಗರ ಕಟ್ಟೆ ಮಠದ ಮುಖ್ಯಸ್ಥರಾದ ಸುಬ್ರಹ್ಮಣ್ಯತೀರ್ಥ ಅವರು ಮಾಹಿತಿ ನೀಡಿದ್ದಾರೆ.