ಮುಂಗಾರಿನ ಮೊದಲ ಮಳೆಗೆ ತಂಪಾದ ಇಳೆ

ಮೈಸೂರು: ಮುಂಗಾರಿನ ಮೊದಲ ಮಳೆ ಇಳೆಯನ್ನು ತಂಪಾಗಿಸಿತ್ತು. ಕಳೆದ ಎರಡು ವಾರಗಳಿಂದ ಕಣ್ಮರೆಯಾಗಿದ್ದ ಮಳೆ ಭಾನುವಾರ ಮಧ್ಯಾಹ್ನ ಒಂದು ಗಂಟೆಗೂ ಹೆಚ್ಚು ಕಾಲ ಸುರಿಯಿತು.

ಪೂರ್ವ ಮುಂಗಾರಿನಲ್ಲಿ ಧಾರಾಕಾರವಾಗಿ ಸುರಿದಿದ್ದ ಮಳೆ ನಂತರ ಮುಂಗಾರು ಆರಂಭದಲ್ಲಿ ಕಣ್ಮರೆಯಾಗಿತ್ತು. ಬಳಿಕ ಮಳೆ ಬಾರದೆ ರೈತರು ಆಕಾಶ ನೋಡುವ ಸ್ಥಿತಿ ಎದುರಾಗಿತ್ತು. ಭಾನುವಾರ ಮಧ್ಯಾಹ್ನ ಸುರಿದ ಜೋರು ಮಳೆಗೆ ಮೈಸೂರು ತಂಪಾಯಿತು. ಮಧ್ಯಾಹ್ನ ಸುರಿದ ಮಳೆಗೆ ವಾಹನ ಸಂಚಾರ ಸ್ವಲ್ಪಮಟ್ಟಿಗೆ ಅಸ್ತವ್ಯಸ್ತವಾಯಿತು. ಜೋರು ಮಳೆಯ ಕಾರಣ ದ್ವಿಚಕ್ರ ವಾಹನ ಸವಾರರು ಅಂಗಡಿ ಮುಂಗಟ್ಟುಗಳಲ್ಲಿ ಆಶ್ರಯ ಪಡೆದಿದ್ರು.