ಆ್ಯಪ್ನಗರ

ವನ್ಯಜೀವಿಗಳ ಭರಪೂರ ದರ್ಶನ

ಮೂರನೇ ದಿನವಾದ ಶುಕ್ರವಾರ ನೀರಿನ ಮೂಲದ ಬಳಿ ನಡೆದ ಗಜಗಣತಿ ವೇಳೆ ಹುಲಿ, ಕಾಡುನಾಯಿ, ಜಿಂಕೆ, ಸಾರಂಗ ಸೇರಿದಂತೆ ವಿವಿಧ ಪ್ರಾಣಿ, ಪಕ್ಷಿಗಳು ನೀರು ಕುಡಿಯಲು ಬಂದು ದರ್ಶನ ನೀಡಿವೆ.

ವಿಕ ಸುದ್ದಿಲೋಕ 20 May 2017, 9:00 am

ಹನಗೋಡು ನಟರಾಜ್‌ ಹುಣಸೂರು

ಮೂರನೇ ದಿನವಾದ ಶುಕ್ರವಾರ ನೀರಿನ ಮೂಲದ ಬಳಿ ನಡೆದ ಗಜಗಣತಿ ವೇಳೆ ಹುಲಿ, ಕಾಡುನಾಯಿ, ಜಿಂಕೆ, ಸಾರಂಗ ಸೇರಿದಂತೆ ವಿವಿಧ ಪ್ರಾಣಿ, ಪಕ್ಷಿಗಳು ನೀರು ಕುಡಿಯಲು ಬಂದು ದರ್ಶನ ನೀಡಿವೆ.

ಕಬಿನಿ ಹಿನ್ನೀರು, ನಾಗರಹೊಳೆ ವಲಯದ ದೊಡ್ಡಹಳ್ಳ, ಪಿಕಾಕ್‌ಕೆರೆ, ಮತ್ತಿಗೋಡು ವಲಯದ ಆನೆಚೌಕೂರು ಕೆರೆ, ಮರಳುಕಂಠಿ ಕೆರೆ, ಹುಣಸೂರು ವಲಯದ ಪಾರದ ಕೊಳ, ಕೆಲ್ಲಾರೆಕೆರೆ, ಹಂದಿಗೆರೆ, ವೀರನಹೊಸಹಳ್ಳಿ, ಕಲ್ಲಹಳ್ಳ, ಅಂತರಸಂತೆ, ಮೇಟಿಕುಪ್ಪೆ, ಡಿ.ಬಿ.ಕುಪ್ಪೆ ವಲಯಗಳಲ್ಲೂ ಆನೆಗಳು ಹಿಂಡುಗಳಾಗಿ ಗೋಚರಿಸಿವೆ.

ಹುಲಿ ದರ್ಶನ: ಹುಣಸೂರು ವಲಯದ ಮುತ್ತುಗದ ಕಟ್ಟೆ ಬಳಿ ಮೂರು ದಿನಗಳಿಂದಲೂ ಹುಲಿ ಕಂಡಿದ್ದರೆ, ವೀರನಹೊಸಹಳ್ಳಿ, ಕಲ್ಲಹಳ್ಳ, ನಾಗರಹೊಳೆ, ಡಿ.ಬಿ.ಕುಪ್ಪೆ, ಅಂತರಸಂತೆ, ಮೇಟಿಕುಪ್ಪೆ ವಲಯಗಳ ಕೆರೆಗಳ ಬಳಿ ಹುಲಿಗಳು ನೀರು ಕುಡಿಯಲು ಆಗಮಿಸಿದ್ದ ವೇಳೆ ಕಾಣಿಸಿಕೊಂಡಿವೆ.

ಆನೆಚೌಕೂರು ವಲಯದ ಎಲ್ಲೆಡೆ ಎಸಿಎಫ್‌ ಪ್ರಸನ್ನಕುಮಾರ್‌ ಸಂಚರಿಸಿ, ಸ್ವಯಂ ಸೇವಕರೊಂದಿಗೆ ವನ್ಯಜೀವಿ ಹಾಗೂ ಅರಣ್ಯ ಪರಿಸರ, ಗಣತಿ ಬಗ್ಗೆ ಮಾಹಿತಿ ಪಡೆದರು. ಆನೆಚೌಕೂರು ವಲಯದ ಆರ್‌ಎಫ್‌ಒ ಕಿರಣ್‌ಕುಮಾರ್‌, ಹುಣಸೂರು ವಲಯದ ಸುಬ್ರಮಣ್ಯ ಎಲ್ಲಕೆರೆ-ಕಟ್ಟೆಗಳಿಗೆ ಭೇಟಿ ಇತ್ತು ಪರಿಶೀಲಿಸಿದರು.

ಅಧಿಕಾರಿಗಳ ಭೇಟಿ: ನಾಗರಹೊಳೆ, ಕಲ್ಲಹಳ್ಳ, ವೀರನಹೊಸಹಳ್ಳಿ ವಲಯ ಸೇರಿದಂತೆ ಹಲವೆಡೆ ಅರಣ್ಯ ಇಲಾಖೆಯ ಹಿರಿಯ ಅಧಿಕಾರಿಗಳಾದ ಸೂಗಾರ, ಅನೂರ್‌ರೆಡ್ಡಿ, ರಂಗರಾವ್‌ ಹಾಗೂ ಹುಲಿಯೋಜನೆ ಕ್ಷೇತ್ರ ನಿರ್ದೇಶಕ ಮಣಿಕಂಠನ್‌, ಗಣತಿಯ ಉಸ್ತುವಾರಿಯಾದ ಎಸಿಎಫ್‌ ಸತ್ಯನಾರಾಯಣ್‌ ಭೇಟಿ ನೀಡಿ ಗಣತಿ ಕಾರ್ಯ ಪರಾಮರ್ಶಿಸಿ, ಸ್ವಯಂಸೇವಕರ ಅನಿಸಿಕೆ ಪಡೆದು ಕೊಂಡರು.

-----------------------

ಇದು ನನ್ನ ಚೊಚ್ಚಲ ಗಜಗಣತಿ. ಈ ಕಾರ‍್ಯ ನನ್ನಲ್ಲಿ ಅರಣ್ಯ ಪ್ರೀತಿ ಹೆಚ್ಚಿಸಿದೆ. ಕೆನ್ನಾಯಿ, ಜಿಂಕೆ, ಸಾರಂಗ ಹಾಗೂ ಕಾಡಿನ ಪರಿಸರ ಕಂಡು ಖುಷಿಯಾಗಿದೆ.

-ಸುರೇಖಾ ಶಿವಶಿಂಪಿ, ಹುಬ್ಬಳ್ಳಿ, ಐಟಿ ಕಂಪೆನಿಯ ಎಚ್‌ಆರ್‌ಡಿ ( ಮತ್ತಿಗೋಡು ವಲಯ).

Vijaya Karnataka Web the wildlife of the wildlife
ವನ್ಯಜೀವಿಗಳ ಭರಪೂರ ದರ್ಶನ


------------------------

ಮೂರು ದಿನ ನಡೆದ ವಿವಿಧ ಮಾದರಿಯ ಗಜಗಣತಿ ಯಶಸ್ವಿಯಾಗಿದೆ. ಎಲ್ಲ ವಲಯಗಳಿಂದ ಮಾಹಿತಿ ಕ್ರೋಡೀಕರಿಸಿ ಅಂತಿಮವಾಗಿ ಇಂಡಿಯನ್‌ ಇನ್ಸ್‌ಟಿಟ್ಯೂಟ್‌ ಆಫ್‌ ಸೈನ್ಸ್‌ಗೆ ಕಳುಹಿಸಿ ಕೊಡಲಾಗುವುದು. ಅವರು ಪರಾಮರ್ಶಿಸಿ ಅಂತಿಮವಾಗಿ ಆನೆ ಗಣತಿಯ ವರದಿ ನೀಡುವರು.

-ಮಣಿಕಂಠನ್‌, ಮುಖ್ಯಸ್ಥರು, ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನ

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ