ಮೈಸೂರಲ್ಲಿ ತಗ್ಗದ ಕೊರೊನಾ‌ ಆತಂಕ..! ಸಾವಿರ ತಲುಪಿದ ವೈರಸ್‌ ಸಾವಿನ ಸಂಖ್ಯೆ

ಮೈಸೂರು: ಕೊರೊನಾ ವೈರಸ್‌ ಪ್ರಮಾಣ ತಗ್ಗಿದ್ದರೂ ಸೋಂಕಿನ ಕಪಿಮುಷ್ಠಿಯಿಂದ ಮೈಸೂರು ಜಿಲ್ಲೆ ಪಾರಾಗಿಲ್ಲ. ಹೌದು, ಸೋಂಕಿನಿಂದ ಮೃತಪಟ್ಟವರ ಸಂಖ್ಯೆ ಡಿಸೆಂಬರ್‌ 1ಕ್ಕೆ ಸಾವಿರ ತಲುಪಿದೆ. ಮಂಗಳವಾರ 51 ಹೊಸ ಕೇಸ್‌ಗಳು ಪತ್ತೆಯಾಗಿದ್ದು, ಒಬ್ಬರು ವೈರಸ್‌ ಕಾರಣಕ್ಕೆ ಸಾವನ್ನಪ್ಪಿದ್ದಾರೆ.

ರಾಜ್ಯದಲ್ಲಿ ಬೆಂಗಳೂರು ಹೊರತುಪಡಿಸಿದರೆ ಮೈಸೂರಿನಲ್ಲಿಯೇ ಅತಿಹೆಚ್ಚು ಕೊರೊನಾ ವೈರಸ್‌ ಸಂಬಂಧಿತ ಸಾವುಗಳು ಸಂಭವಿಸಿವೆ. ಜಿಲ್ಲೆಯಲ್ಲಿ ಮೊದಲ ಕೊರೊನಾ ವೈರಸ್‌ ಸಾವು ಜೂನ್‌ 24ರಂದು ಸಂಭವಿಸಿತ್ತು. ಕೆಆರ್‌ ನಗರದ 83 ವರ್ಷದ ವ್ಯಕ್ತಿ ಖಾಸಗಿ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದರು. ಇದನ್ನೇ ಜಿಲ್ಲೆಯ ಮೊದಲ ಕೊರೊನಾ ವೈರಸ್‌ ಸಾವು ಎಂದು ಹೇಳಲಾಗಿತ್ತು.

ಆದರೆ, ಮಂಗಳವಾರ ಸಾವನ್ನಪ್ಪಿರುವ ವ್ಯಕ್ತಿ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಕೊರೊನಾ ವೈರಸ್‌ ನಿಯಂತ್ರಣಕ್ಕಾಗಿ ಈ ವರ್ಷ ಜಿಲ್ಲಾಡಳಿತ ಅಕ್ಟೋಬರ್‌ನಲ್ಲಿ ಸರಳ ದಸರಾವನ್ನು ಆಚರಿಸಿತ್ತು. ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿನ ನಿಯಂತ್ರಣಕ್ಕೆ ಮುನ್ನುಡಿ ಹಾಡಿತ್ತು. ಆದರೆ, ಸಾವಿನ ಸಂಖ್ಯೆ ಮಾತ್ರ ಈಗ ಜಿಲ್ಲೆಯಲ್ಲಿ ಸಾವಿರ ತಲುಪಿದೆ.

ಮೈಸೂರಲ್ಲಿ ಕೊರೊನಾ ಲಸಿಕೆ ನೀಡಲು ಲಿಸ್ಟ್ ರೆಡಿ‌..! 32,000 ಹೆಲ್ತ್‌ ವಾರಿಯರ್ಸ್‌ಗೆ ವ್ಯಾಕ್ಸಿನ್‌

ತಾಲೂಕುವಾರು ಮೃತಪಟ್ಟವರ ಸಂಖ್ಯೆ ನೋಡುವುದಾದರೆ, ಎಚ್‌.ಡಿ.ಕೋಟೆ 18, ಹುಣಸೂರು 28, ಕೆಆರ್‌ ನಗರ 34, ಮೈಸೂರು ನಗರ 804, ಮೈಸೂರು ತಾಲೂಕು 33, ನಂಜನಗೂಡು 38, ಪಿರಿಯಾಪಟ್ಟಣ 10 ಹಾಗೂ ತಿ.ನರಸೀಪುರ ತಾಲೂಕುಗಳಲ್ಲಿ 35 ಜನ ಕೊರೊನಾಗೆ ಬಲಿಯಾಗಿದ್ದಾರೆ.

ರಾಜ್ಯಕ್ಕೆ ಮಾದರಿ ಮೈಸೂರು 'ಕೊರೊನಾ ವಾರ್‌ ರೂಂ'..! ಇತರ ಜಿಲ್ಲೆಗಳಲ್ಲೂ ಸ್ಥಾಪನೆಗೆ ಮುಂದಾದ ಸರಕಾರ

ಇದುವರೆಗೂ 50,731 ಪಾಸಿಟಿವ್‌ ಕೇಸ್‌ಗಳು ಜಿಲ್ಲೆಯಲ್ಲಿ ಪತ್ತೆಯಾಗಿವೆ. ಇದರಲ್ಲಿ 49,401 ಜನ ಸೋಂಕಿನಿಂದ ಗುಣಮುಖರಾಗಿದ್ದರೆ, ಸಾವಿರ ಜನರು ವೈರಸ್‌ ಕಾರಣಕ್ಕಾಗಿ ಸಾವನ್ನಪ್ಪಿದ್ದಾರೆ. ಇನ್ನೂ 231 ಪ್ರಕರಣಗಳು ಜಿಲ್ಲೆಯಲ್ಲಿ ಸಕ್ರಿಯವಾಗಿವೆ.