ವಿಕ ನವತಾರೆ-2019

ಇದು ಫ್ಯಾಷನ್‌ ಲೋಕ. ಮಾಡೆಲಿಂಗ್‌ ಜಗತ್ತಿನಲ್ಲಿ ಕಾಲಿರಿಸುವುದು ಯುವ ಜನತೆಯ ಕನಸು. ಇಲ್ಲಿ ಒಮ್ಮೆ ಮಿಂಚಿದರೆ ಭವಿಷ್ಯದ ನಾನಾ ಬಾಗಿಲುಗಳು ತೆರೆದುಕೊಳ್ಳುತ್ತವೆ. ಆದರೆ, ಈ ಕ್ಷೇತ್ರ ಇನ್ನೂ ನಗರ ಪ್ರದೇಶಕ್ಕೆ ಸೀಮಿತವಾಗುತ್ತಿದೆ. ಗ್ರಾಮೀಣ ಪ್ರತಿಭೆಗಳನ್ನು ಫ್ಯಾಷನ್‌ ಜಗತ್ತಿಗೆ ಪರಿಚಯಿಸುವ ಉದ್ದೇಶದಿಂದ ವಿಜಯ ಕರ್ನಾಟಕ ಕಳೆದ ವರ್ಷ ಆರಂಭಿಸಿದ 'ವಿಕ ನವತಾರೆ' ಸ್ಪರ್ಧೆಗೆ ಅಭೂತ ಪೂರ್ವ ಸ್ಪಂದನೆ ವ್ಯಕ್ತವಾಗಿತ್ತು. ಕಳೆದ ವರ್ಷದ ಸ್ಪರ್ಧೆಯಲ್ಲಿ ಗೆದ್ದು ಬೀಗಿದ ಮೂವರು ಸ್ಪರ್ಧಿಗಳು ಸಿನಿಮಾಲೋಕಕ್ಕೆ ಎಂಟ್ರಿ ಪಡೆದಿದ್ದಾರೆ.

ಈ ಅವಕಾಶ ಮರಳಿ ಬಂದಿದೆ. 2019ರ ಆವೃತ್ತಿಯ ವಿಕ ನವತಾರೆ ಸ್ಪರ್ಧೆ ಸೆಪ್ಟೆಂಬರ್‌ 7ರಂದು ಮೈಸೂರಿನ ಬನ್ನಿಮಂಟಪ ಸಮೀಪದ ಸೈಂಟ್‌ ಫಿಲೋಮಿನಾ ಕಾಲೇಜಿನಲ್ಲಿ ನಡೆಯಲಿದೆ. 18ರಿಂದ 23 ವಯೋಮಿತಿಯ ವಿದ್ಯಾರ್ಥಿನಿಯರು ವಿಕ ನವತಾರೆ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವ ಮೂಲಕ ತಮ್ಮ ಅದೃಷ್ಟ ಪರೀಕ್ಷಿಸಿಕೊಳ್ಳಬಹುದು. ತಾರೆಯಾಗಬಹುದೆಂಬ ವಿಶ್ವಾಸವಿದ್ದಲ್ಲಿ, ನನಸು ಮಾಡಿಕೊಳ್ಳಲು 'ವಿಕ ನವತಾರೆ' ಕ್ಯಾಂಪಸ್‌ ಮಾಡೆಲ್‌ ಹಂಟ್‌ ಸದವಕಾಶವಾಗಲಿದೆ. ಸ್ಯಾಂಡಲ್‌ವುಡ್‌ ಹಾಗೂ ಮಾಡೆಲಿಂಗ್‌ ಕ್ಷೇತ್ರದ ಹೆಸರಾಂತ ಗಣ್ಯರು ತೀರ್ಪುಗಾರರಾಗಿರುತ್ತಾರೆ.