ಆಸ್ತಿಗಾಗಿ ಕಿರುಕುಳ: ದಯಾಮರಣಕ್ಕೆ ಮಹಿಳೆ ಅರ್ಜಿ

ಮೈಸೂರು: ಹುಣಸೂರಿನ ತಟ್ಟೆಕೆರೆಯ ಮಹಿಳೆ ಶೈಲಜಾ ಅವರು ದಯಾಮರಣಕ್ಕೆ ಅರ್ಜಿ ಸಲ್ಲಿಸಿದ್ದಾರೆ. 'ಮನೆ ವಿಚಾರಕ್ಕೆ ಸಂಬಂಧಿಸಿದಂತೆ ಸಂಬಂಧಿಕರು ಕಳೆದ 6 ತಿಂಗಳಿಂದ ಹಲ್ಲೆ ನಡೆಸಿ ಕಿರುಕುಳ ನೀಡುತ್ತಿದ್ದಾರೆ,' ಎಂದು ಅವರು ಅರ್ಜಿಯಲ್ಲಿ ನೋವು ತೋಡಿಕೊಂಡಿದ್ದಾರೆ.

'ಮನೆಯನ್ನು ನಮಗೆ ಮಾರಿ ಬೀಡು ಇಲ್ಲವಾದರೆ ನಿನ್ನನ್ನು ಕೊಲ್ಲುತ್ತೇವೆ ಎಂದು ಬೆದರಿಕೆಯೊಡ್ಡುತ್ತಾರೆ. ಇವರ ಚಿತ್ರಹಿಂಸೆಯಿಂದ ಸಾಯುವ ಬದಲು ದಯಾ ಮರಣ ನೀಡಿ,' ಎಂದು ರಾಷ್ಟ್ರಪತಿ, ರಾಜ್ಯಪಾಲ ಮತ್ತು ಮುಖ್ಯಮಂತ್ರಿ ಅವರಿಗೆ ಹೆಚ್ಚುವರಿ ಜಿಲ್ಲಾಧಿಕಾರಿ ಮೂಲಕ ಶೈಲಜಾ ಅರ್ಜಿ ಸಲ್ಲಿಸಿದ್ದಾರೆ.