ಅ.11ರಿಂದ ಮಹಿಳಾ-ಮಕ್ಕಳ ದಸರಾ

ಮೈಸೂರು: ನಗರದ ಜೆ.ಕೆ.ಮೈದಾನದಲ್ಲಿ ಅ. 11ರಿಂದ ಐದು ದಿನ ವೈವಿಧ್ಯಮಯ ಸಾಂಸ್ಕೃತಿಕ ಕಾರ‍್ಯಕ್ರಮಗಳನ್ನು ಆಯೋಜಿಸಲು ಮಹಿಳಾ ದಸರಾ ಉಪ ಸಮಿತಿ ಸಭೆಯಲ್ಲಿ ತೀರ್ಮಾನಿಸಿದ್ದು, ಆಸಕ್ತಿಯುಳ್ಳ ಮಕ್ಕಳು ಮತ್ತು ಮಹಿಳೆಯರು ತಮ್ಮ ಹೆಸರನ್ನು ನೋಂದಣಿ ಮಾಡಿಕೊಳ್ಳಬಹುದು.

ವಸ್ತುಗಳ ಪ್ರದರ್ಶನ: ಅ. 10ರ ಬೆಳಗ್ಗೆ 11ಕ್ಕೆ ಉದ್ಯಮ ಸಂಭ್ರಮ ಹಾಗೂ ಸ್ತ್ರೀ ಶಕ್ತಿ ಸ್ವಸಹಾಯ ಗುಂಪುಗಳು ಹಾಗೂ ಮಹಿಳಾ ಉದ್ಯಮಿಗಳು ತಯಾರಿಸುವ ವಸ್ತುಗಳ ಪ್ರದರ್ಶನ ಮತ್ತು ಮಾರಾಟ ಮೇಳಕ್ಕೆ ಚಾಲನೆ ದೊರೆಯಲಿದೆ. ನಂತರ ಭಾವೈಕ್ಯತೆಯ ನೃತ್ಯ ನಡೆಯಲಿದೆ. ನಾನಾ ರಾಜ್ಯಗಳ ಜಾನಪದ ಶೈಲಿಯ ನೃತ್ಯ ಪ್ರದರ್ಶನವಿದೆ. ಈ ಕಾರ‍್ಯಕ್ರಮಕ್ಕೆ 9 ವರ್ಷದಿಂದ ಮೇಲ್ಪಟ್ಟ ಮಕ್ಕಳು ಮತ್ತು ಮಹಿಳೆಯರು ಭಾಗವಹಿಸಬಹುದು. ಮೊ. 9972164131, ಸಂಜೆ 6ಕ್ಕೆ ವಿವಾಹಿತರಿಗಾಗಿ ಜೋಡಿಗಳ ಸಮೂಹ ನೃತ್ಯ ಆಯೋಜಿಸಲಾಗಿದೆ. ಮೊ. 9036844557.

ಅ. 10ರ ಬೆಳಗ್ಗೆ 7.30ಕ್ಕೆ ಅಂಬಾವಿಲಾಸ ಅರಮನೆ ಮುಂಭಾಗ 9ರಿಂದ 15 ವರ್ಷ, 16ರಿಂದ 30 ವರ್ಷ ಹಾಗೂ 30 ವರ್ಷ ಮೇಲ್ಪಟ್ಟ ಮಹಿಳೆಯರಿಗೆ ರಂಗೋಲಿ ಸ್ಪರ್ಧೆ ಆಯೋಜಿಸಲಾಗಿದೆ. ಮೊ. 9663048292.

ಚಿನ್ನರ ಕಲರವ : ಅ.12ರಂದು ಬೆಳಗ್ಗೆ 11ರಿಂದ ಸಂಜೆ 5.30 ರವರೆಗೆ ಚಿಣ್ಣರ ದಸರಾ ನಡೆಯಲಿದೆ. ಜಿಲ್ಲೆಯ ನಾನಾ ವಯೋಮಾನದ ಮಕ್ಕಳಿಂದ ಸಮೂಹ ನೃತ್ಯ ಕಾರ‍್ಯಕ್ರಮವಿದೆ. ಮೊ. 9481831708, ಸಂಜೆ 6ಕ್ಕೆ ಕಿನ್ನರ ಕಿನ್ನರಿ ಎಂಬ ಚಿನ್ನರ ಕಲರವ ಕಾರ‍್ಯಕ್ರಮವಿದ್ದು ಮೊ. 9036844557 ಸಂಪರ್ಕಿಸಬಹುದು.

ಕುಮಾರಿಯರ ಕಲರವ : ವಿಶೇಷ ಚೇತನ ಮಕ್ಕಳಿಂದ ಪ್ರತಿಭಾ ಪ್ರದರ್ಶನ ಕಾರ‍್ಯಕ್ರಮವನ್ನು ಅ.13ರಂದು ಬೆಳಗ್ಗೆ 10.30 ರಿಂದ ಸಂ. 5.30ರವರೆಗೆ ಆಯೋಜಿಸಲಾಗಿದೆ. ಮೊ. 7619494159, ಸಂಜೆ ಕುಮಾರಿಯರ ಕಲರವ, ಅವಿವಾಹಿತ ಹೆಣ್ಣು ಮಕ್ಕಳಿಗಾಗಿ ಜೋಡಿ ನೃತ್ಯ, ಸಮೂಹ ನೃತ್ಯ, ಮಿಸ್‌ ಮೈಸೂರು ಸ್ಪರ್ಧೆ ಆಯೋಜಿಸಲಾಗಿದೆ. ಮೊ.9036844557.

ಹಾಸ್ಯ-ಲಾಸ್ಯ: ಅ.14ರಂದು ಪ್ರಖ್ಯಾತ ಹಾಸ್ಯ ಕಲಾವಿದರಾದ ಸುಧಾ ಬರಗೂರು ಇವರ ನೇತೃತ್ವದಲ್ಲಿ ಹಾಸ್ಯ-ಲಾಸ್ಯ ಕಾರ‍್ಯಕ್ರಮ ಆಯೋಜಿಸಲಾಗಿದೆ. ಅಲ್ಲದೆ ಕಿರು ಹಾಸ್ಯ ನಾಟಕಗಳ ಪ್ರದರ್ಶನ ಸ್ಪರ್ಧೆ, ಹಾಸ್ಯ ಆಶು ಹಾಗೂ ಭಾಷಣ ಸ್ಪರ್ಧೆ ನಡೆಯಲಿದೆ. ಮೊ. 9972164131. ಸಂಜೆ ಕಿರಿಯರು ಹಾಗೂ ಹಿರಿಯರಿಂದ ಪೌರಾಣಿಕ ಹಾಗೂ ಆಧುನಿಕ ವಿಭಾಗದಲ್ಲಿ ಮಹಿಳಾ ಸಬಲೀಕರಣ ನೃತ್ಯವಿದೆ. ಮೊ. 9036844557

ಮಂಗಳಮುಖಿಯರಿಂದ ಜಾನಪದ ನೃತ್ಯ : ಅ. 15 ರಂದು ಬೆಳಗ್ಗೆ 10.30 ರಿಂದ 5.30 ರವರೆಗೆ 10 ವರ್ಷ ಮೇಲ್ಪಟ್ಟ ಹೆಣ್ಣು ಮಕ್ಕಳು, ಯುವತಿಯರು, ಮಹಿಳೆಯರಿಗಾಗಿ ಜಾನಪದ ಸಿರಿ ಜಾನಪದ ನೃತ್ಯ ಪ್ರಕಾರಗಳ ಸ್ಪರ್ಧೆ ನಡೆಯಲಿದೆ. ಮೊ.9663048292, ಸಂಜೆ 6 ರಿಂದ 7.30 ರವರೆಗೆ ಮಂಗಳಮುಖಿಯರಿಂದ ಸಾಂಸ್ಕೃತಿಕ ಕಾರ್ಯಕ್ರಮವಿದೆ. ಮೊ. 789284030 ಸಂಪರ್ಕಿಸಬಹುದಾಗಿದೆ. ಇದಲ್ಲದೆ ಹೆಚ್ಚಿನ ವಿವರಗಳಿಗೆ ದೂ. 0821-2495432 ಸಂಪರ್ಕಿಸಬಹುದು.