ಮಹಿಳಾ ಪೊಲೀಸ್‌ ಪೇದೆ ಅಮಾನತು

ಹುಣಸೂರು : ಠಾಣಾಧಿಕಾರಿಯೊಂದಿಗೆ ಅನುಚಿತ ವರ್ತನೆ ಹಾಗೂ ಕರ್ತವ್ಯಲೋಪದ ಆರೋಪದಡಿ ಹುಣಸೂರು ನಗರ ಠಾಣೆಯ ಮಹಿಳಾ ಪೊಲೀಸ್‌ ಪೇದೆಯನ್ನು ಜಿಲ್ಲಾ ಪೊಲೀಸ್‌ ಮುಖ್ಯಾಧಿಕಾರಿಗಳು ಅಮಾನತುಗೊಳಿಸಿದ್ದಾರೆ.
ನಗರ ಠಾಣೆಯ ಮಹಿಳಾ ಪೇದೆ ಸಬನಾಬಾನು ಅಮಾನತುಗೊಂಡವರು. ಇವರು ಠಾಣೆಯಲ್ಲಿ ಸರಿಯಾಗಿ ಕರ್ತವ್ಯ ನಿರ್ವಹಿಸದೆ ಹಾಗೂ ಠಾಣಾಧಿಕಾರಿ ವಿರುದ್ಧವೇ ಹರಿಹಾಯ್ದಿರುವುದು, ಎದುರುತ್ತರ ನೀಡಿರುವ ವಿಡಿಯೋ ಗಮನಿಸಿದ ನಂತರ ಈ ಕ್ರಮ ವಹಿಸಲಾಗಿದೆ ಎಂದು ಪ್ರಭಾರ ಎಸ್‌.ಪಿ. ಧರ್ಮೇದ್ರಲಾಲ್‌ ಮೀನಾ ಪತ್ರಿಕೆಗೆ ತಿಳಿಸಿದರು.
ಈ ಹಿಂದೆ ನಂಜನಗೂಡು ನಗರ ಠಾಣೆಯಲ್ಲಿ ಅಮಾನತುಗೊಂಡು, ಆರು ತಿಂಗಳ ಹಿಂದಷ್ಟೆ ಹುಣಸೂರು ನಗರ ಠಾಣೆಗೆ ಅವರು ವರ್ಗವಾಗಿದ್ದರು.