ಮೈಸೂರು: ಮಧ್ಯಪ್ರದೇಶದ ಯುವರಾಜನೊಂದಿಗೆ ಅದ್ಧೂರಿಯಾಗಿ ಯದುವೀರ್ ಸಹೋದರಿ ವಿವಾಹ

ಮೈಸೂರು: ಮೈಸೂರಿನ ರಾಜವಂಶಸ್ಥರ ಮನೆಯಲ್ಲಿ ಮದುವೆಯ ಕಳೆ ಮನೆ ಮಾಡಿತ್ತು. ಹೌದು, ಮೈಸೂರು ಲಲಿತ ಮಹಲ್ ಹೋಟೆಲ್ ನಲ್ಲಿ ಇತ್ತೀಚೆಗೆ ರಾಜವಂಶಸ್ಥ ಯದುವೀರ ಕೃಷ್ಙದತ್ತ ಚಾಮರಾಜ ಒಡೆಯರ್ ಅವರ ಸಹೋದರಿ ಜಯತ್ಮಿಕಾ ಹಾಗೂ ಮಧ್ಯಪ್ರದೇಶದ ರಾಜಮನೆತನದ ಯುವರಾಜ ದಿವ್ಯರಾಜ ಸಿಂಗ್ ಅವರೊಂದಿಗೆ ವಿಜೃಂಭಣೆಯ ವಿವಾಹ ನೆರವೇರಿತು.

ರಾಜವಂಶದ ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಅವರ ಸಹೋದರಿ ತ್ರಿಪುರಸುಂದರಿ ದೇವಿ ಹಾಗೂ ಸ್ವರೂಪಾನಂದ ಸರಸ್ವತಿ ಪುತ್ರರು ಹಾಗೂ ರಾಜವಂಶಸ್ಥೆ ಯದುವೀರ ಕೃಷ್ಣದತ್ತ ಚಾಮರಾಜ ಒಡೆಯರ ಸಹೋದರಿ ಜಯತ್ಮಿಕಾ ಅವರನ್ನು ಮಧ್ಯಪ್ರದೇಶದ ಜೋಧ್ಪುರ್ ಸೈಲಾನ ರಾಜ ಮನೆತನದ ದಿವ್ಯಾರಾಜಸಿಂಗ್ ಕೈ ಹಿಡಿದರು.



ಇನ್ನು ಕಾರ್ಯಕ್ರಮಕ್ಕೆ ಹಾಗೂ ರಾಜಮನೆತನದ ಪ್ರಮುಖರು ಹಾಗೂ ದೇಶದ ವಿವಿಧ ರಾಜಮನೆತನಗಳ ಗಣ್ಯರು ಪಾಲ್ಗೊಂಡು ವಿವಾಹ ಮಹೋತ್ಸವವನ್ನು ಯಶಸ್ವಿಗೊಳಿಸಿದರು. ಭದ್ರತಾ ದೃಷ್ಟಿ ಹಾಗೂ ಧಾರ್ಮಿಕ ವಿಧಿಗಳನ್ನು ಪೂರೈಸುವ ನಿಟ್ಟಿನಲ್ಲಿ ಕಾರ್ಯಕ್ರಮ ಆಹ್ವಾನಿತರಿಗಷ್ಟೇ ಸೀಮಿತವಾಗಿತ್ತು. ಕಾರ್ಯಕ್ರಮದಲ್ಲಿ ಭೂರಿ ಭೋಜನ ವ್ಯವಸ್ಥೆ ಸಹ ಏರ್ಪಡಿಸಲಾಗಿತ್ತು.