179 ಪಾಕಿಸ್ತಾನ ಪ್ರಜೆಗಳನ್ನ ಸುರಕ್ಷಿತವಾಗಿ ಅವರ ದೇಶಕ್ಕೆ ಕಳುಹಿಸಿಕೊಟ್ಟ ಭಾರತ!

ನವದೆಹಲಿ: ಕೊರೊನಾ ಸೋಂಕಿಗೂ ಮುನ್ನ ಭಾರತಕ್ಕೆ ಬಂದು ಇಲ್ಲಿ ಸಿಕ್ಕಿಹಾಕಿಕೊಂಡಿದ್ದ 179 ಪಾಕಿಸ್ತಾನದ ಪ್ರಜೆಗಳನ್ನ ಭಾರತ ಇಂದು ಸುರಕ್ಷಿತವಾಗಿ ಅವರ ದೇಶಕ್ಕೆ ಕಳುಹಿಸಿಕೊಟ್ಟಿದೆ. ಅಟಾರಿ-ವಾಘಾ ಗಡಿ ಮೂಲಕ ಪಾಕಿಸ್ತಾನದ ಪ್ರಜೆಗಳನ್ನ ಭಾರತ ಕಳಹಿಸಿಕೊಟ್ಟಿದೆ.

ಕೊರೊನಾ ವೈರಸ್‌ ಭಾರತಕ್ಕೆ ಲಗ್ಗೆ ಇಡುತ್ತಿದ್ದಂತೆ ಭಾರತ ತನ್ನ ಎಲ್ಲಾ ಗಡಿಗಳನ್ನ ಬಂದ್‌ ಮಾಡಿತ್ತು. ಪ್ರಮುಖವಾಗಿ ಪಾಕಿಸ್ತಾನದ ಗಡಿಯನ್ನು ಕ್ಲೋಸ್‌ ಮಾಡಿತ್ತು. ಈ ಹಿನ್ನೆಲೆ ಪಾಕಿಸ್ತಾನದ ಪ್ರಜೆಗಳಿಗೆ ಹೋಗಲು ಸಾಧ್ಯವಾಗಿರಲಿಲ್ಲ. ಇದೀಗ ಭಾರತ ಅವರನ್ನೆಲ್ಲ ಸುರಕ್ಷಿತವಾಗಿ ಕಳಹಿಸಿಕೊಟ್ಟಿದೆ.


ಇಲ್ಲಿಗೆ ಬಂದಿದ್ದ ಅನೇಕರು ತಮ್ಮ ಸಂಬಂಧಿಕರ ಮನೆಗೆ ಬಂದಿದ್ದರು ಎಂದು ತಿಳಿದುಬಂದಿದೆ. ಪಂಜಾಬ್‌, ಗುಜರಾತ್‌, ಮಹಾರಾಷ್ಟ್ರ ಸೇರಿ ವಿವಿಧ ಕಡೆಗಳಲ್ಲಿದ್ದ ತಮ್ಮ ಕುಟುಂಬರ ಮನೆಯಲ್ಲಿ ಉಳಿದಿದ್ದರು. ಇನ್ನು ಕೆಲವರು ವಾಪಾಸ್‌ ಹೋಗಲು ಆಗದೆ ಸರ್ಕಾರದ ಕ್ಯಾಂಪ್‌ಗಳಲ್ಲಿದ್ದರು. ಇದೀಗ ಅವರೆಲ್ಲ ತಮ್ಮ ದೇಶಕ್ಕೆ ತೆರಳಿದ್ದಾರೆ.

ದಾವಣಗೆರೆಯಲ್ಲಿ 5 ದಿನದ ಮಗುವನ್ನು 5,000 ರೂ.ಗೆ ಮಾರಿದ ಮಹಿಳೆ

ಕೇಂದ್ರ ಸರ್ಕಾರ ಧನ್ಯವಾದ ತಿಳಿಸಿದ ಪಾಕಿಸ್ತಾನೀಯರು!
ಇನ್ನು ಭಾರತದ ಕಾರ್ಯಕ್ಕೆ ಫುಲ್ ಖುಷಿಯಾಗಿರುವ ಪಾಕಿಸ್ತಾನದ ಪ್ರಜೆಗಳು ಧನ್ಯವಾದ ತಿಳಿಸಿದ್ದಾರೆ. ಎಲ್ಲೂ ಕೂಡ ನಮಗೆ ಯಾವುದೇ ಸಮಸ್ಯೆಯಾಗಿಲ್ಲ. ಸರ್ಕಾರದಿಂದ ಉತ್ತಮ ಸ್ಪಂದನೆ ಸಿಕ್ಕಿತ್ತು. ಇದೀಗ ನಮ್ಮನ್ನ ಸುರಕ್ಷಿತವಾಗಿ ಕಳುಹಿಸಿಕೊಡಲಾಗಿದೆ ಇದಕ್ಕಾಗಿ ನಾವು ಧನ್ಯವಾದ ತಿಳಿಸುತ್ತೇವೆ ಎಂದು ಸಯ್ಯದ್‌ ಸರ್ವರ್‌ ಹುಸೈನ್ ತಿಳಿಸಿದ್ದಾರೆ.

ಅವರು ಉತ್ತರ ಪ್ರದೇಶದ ರಾಯ್‌ಬರೇಲಿಯಲ್ಲಿರುವ ಸಂಬಂಧಿಕರ ಮನೆಗೆ ಬಂದಿದ್ದರು. ಇದಕ್ಕೂ ಮುನ್ನ ಅಂದರೆ ಲಾಕ್‌ಕ್‌ಡೌನ್‌ ಆರಂಭದಲ್ಲಿ‌ ವಿಶೇಷ ಅನುಮತಿ ಮೂಲಕ ಭಾರತ 193 ಮಂದಿಯನ್ನ ಪಾಕಿಸ್ತಾನಕ್ಕೆ ಕಳುಹಿಸಿಕೊಟ್ಟಿತ್ತು. ಆದ್ರೆ ಪಾಕಿಸ್ತಾನದಲ್ಲಿ ಸಿಲುಕಿಕೊಂಡಿರುವ ಭಾರತೀಯರನ್ನ ಯಾವಾಗ ಕಳುಹಿಸಿಕೊಡುತ್ತೆ ಅನ್ನುವುದು ತಿಳಿದುಬಂದಿಲ್ಲ.