ಹೊಸದಿಲ್ಲಿ: ಆಮ್ ಆದ್ಮಿ ಪಕ್ಷದ ಸಚಿವ ಸತ್ಯೇಂದರ್ ಜೈನ್ ಅವರಿಗೆ ತಿಹಾರ್ ಜೈಲಿನಲ್ಲಿ ಮಸಾಜ್ ಮಾಡುವ ವಿಡಿಯೋ ಕೋಲಾಹಲ ಸೃಷ್ಟಿಸಿದ ಬೆನ್ನಲ್ಲೇ, ಕಂಬಿಯ ಹಿಂದೆ ಜೈನ್ ಅವರು ಭೂರಿ ಭೋಜನ ಮಾಡುತ್ತಿರುವ ಮತ್ತೊಂದು ವಿಡಿಯೋವನ್ನು ಬಿಜೆಪಿ ಬುಧವಾರ ಬಿಡುಗಡೆ ಮಾಡಿದೆ.
"ಮಾಧ್ಯಮದಿಂದ ಮತ್ತೊಂದು ವಿಡಿಯೋ! ರೇಪಿಸ್ಟ್‌ನಿಂದ ಮಾಲಿಶ್ ಪಡೆದುಕೊಂಡ ಬಳಿಕ ಮತ್ತು ಆತನನ್ನು ಫಿಸಿಯೋ ಥೆರಪಿಸ್ಟ್ ಎಂದು ಕರೆದ ನಂತರ, ಸತ್ಯೇಂದರ್ ಜೈನ್ ಅವರು ರುಚಿಕರವಾದ ಆಹಾರ ಆನಂದಿಸುತ್ತಿದ್ದಾರೆ. ಅವರು ರಜಾ ದಿನ ಕಳೆಯಲು ರೆಸಾರ್ಟ್‌ನಲ್ಲಿ ಇರುವಂತೆ ಸೇವಕರು ಅವರಿಗೆ ಆಹಾರ ಪೂರೈಸಿದ್ದಾರೆ. 'ಹವಾಲಾಬಾಜ್' ಜೈಲಿನಲ್ಲಿ 'ಸಜಾ' ಬದಲು 'ಮಜಾ' ಮಾಡುವಂತೆ ಕೇಜ್ರಿವಾಲ್ ನೋಡಿಕೊಳ್ಳುತ್ತಿದ್ದಾರೆ" ಎಂದು ಪೂನಾವಾಲಾ ಟ್ವೀಟ್ ಮಾಡಿದ್ದಾರೆ.
ಜೈಲಿನಲ್ಲಿರುವ ಜೈನ್ ಅವರು ಸಲಾಡ್‌ನಿಂದ ಹಿಡಿದು ಬಗೆ ಬಗೆಯ ತಿನಿಸುಗಳನ್ನು ಸವಿಯುತ್ತಿರುವುದು ವಿಡಿಯೋದಲ್ಲಿ ಕಾಣಿಸಿದೆ. ಜೈಲಿನ ಕೋಣೆ ಒಳಗೆ ವ್ಯಕ್ತಿಯೊಬ್ಬರು, ಅವರಿಗೆ ಆಹಾರ ತಂದು ಸಿದ್ಧಪಡಿಸುವುದರಿಂದ, ಅವರ ಕುರ್ಚಿ ಸಮೀಪ ಕಸದ ಡಬ್ಬಿ ತಂದು ಇರಿಸುವವರೆಗೆ ಎಲ್ಲ ಸೇವೆ ಮಾಡುವುದು ಕೂಡ ಸೆರೆಯಾಗಿದೆ. ಅವರ ಕೊಠಡಿಯಲ್ಲಿ ಪ್ಯಾಕೇಜ್ ಮಾಡಲಾದ ಕುಡಿಯುವ ನೀರಿನ ಬಾಟಲಿಗಳು ಕಾಣಿಸಿವೆ.
ಕೋರ್ಟ್ ಮೆಟ್ಟಿಲೇರಿದ ಜೈನ್
ತಮಗೆ ಜೈಲಿನಲ್ಲಿ ಸಮರ್ಪಕ ಆಹಾರ ನೀಡುತ್ತಿಲ್ಲ. ಇದರಿಂದಾಗಿ 28 ಕೆಜಿ ತೂಕ ಕಳೆದುಕೊಂಡಿರುವುದಾಗಿ ಸತ್ಯೇಂದರ್ ಜೈನ್ ಅವರು ಕೋರ್ಟ್‌ಗೆ ದೂರು ನೀಡಿದ ಮರುದಿನವೇ, ಅವರು ಭರ್ಜರಿ ಊಟ ಮಾಡುವ ವಿಡಿಯೋವನ್ನು ಬಿಜೆಪಿ ಬಿಡುಗಡೆ ಮಾಡಿದೆ.
ಜೈಲಿನಲ್ಲಿನ ಎರಡು ಸಿಸಿಟಿವಿ ವಿಡಿಯೋಗಳು ವೈರಲ್ ಆಗುತ್ತಿದ್ದಂತೆಯೇ, ಮಾಧ್ಯಮಗಳು ಈ ವಿಡಿಯೋಗಳನ್ನು ಪ್ರಸಾರ ಮಾಡದಂತೆ ತಡೆಯಲು ಹಾಗೂ ಅವುಗಳು ಹೇಗೆ ಸೋರಿಕೆಯಾಗಿವೆ ಎಂಬ ಬಗ್ಗೆ ತನಿಖೆ ನಡೆಸುವಂತೆ ಸಿಬಿಐ ನ್ಯಾಯಾಲಯಕ್ಕೆ ಜೈನ್ ಮನವಿ ಮಾಡಿದ್ದಾರೆ.
"ಮಾಧ್ಯಮದಿಂದ ಮತ್ತೊಂದು ವಿಡಿಯೋ! ರೇಪಿಸ್ಟ್‌ನಿಂದ ಮಾಲಿಶ್ ಪಡೆದುಕೊಂಡ ಬಳಿಕ ಮತ್ತು ಆತನನ್ನು ಫಿಸಿಯೋ ಥೆರಪಿಸ್ಟ್ ಎಂದು ಕರೆದ ನಂತರ, ಸತ್ಯೇಂದರ್ ಜೈನ್ ಅವರು ರುಚಿಕರವಾದ ಆಹಾರ ಆನಂದಿಸುತ್ತಿದ್ದಾರೆ. ಅವರು ರಜಾ ದಿನ ಕಳೆಯಲು ರೆಸಾರ್ಟ್‌ನಲ್ಲಿ ಇರುವಂತೆ ಸೇವಕರು ಅವರಿಗೆ ಆಹಾರ ಪೂರೈಸಿದ್ದಾರೆ. 'ಹವಾಲಾಬಾಜ್' ಜೈಲಿನಲ್ಲಿ 'ಸಜಾ' ಬದಲು 'ಮಜಾ' ಮಾಡುವಂತೆ ಕೇಜ್ರಿವಾಲ್ ನೋಡಿಕೊಳ್ಳುತ್ತಿದ್ದಾರೆ" ಎಂದು ಪೂನಾವಾಲಾ ಟ್ವೀಟ್ ಮಾಡಿದ್ದಾರೆ.
ಜೈಲಿನಲ್ಲಿರುವ ಜೈನ್ ಅವರು ಸಲಾಡ್‌ನಿಂದ ಹಿಡಿದು ಬಗೆ ಬಗೆಯ ತಿನಿಸುಗಳನ್ನು ಸವಿಯುತ್ತಿರುವುದು ವಿಡಿಯೋದಲ್ಲಿ ಕಾಣಿಸಿದೆ. ಜೈಲಿನ ಕೋಣೆ ಒಳಗೆ ವ್ಯಕ್ತಿಯೊಬ್ಬರು, ಅವರಿಗೆ ಆಹಾರ ತಂದು ಸಿದ್ಧಪಡಿಸುವುದರಿಂದ, ಅವರ ಕುರ್ಚಿ ಸಮೀಪ ಕಸದ ಡಬ್ಬಿ ತಂದು ಇರಿಸುವವರೆಗೆ ಎಲ್ಲ ಸೇವೆ ಮಾಡುವುದು ಕೂಡ ಸೆರೆಯಾಗಿದೆ. ಅವರ ಕೊಠಡಿಯಲ್ಲಿ ಪ್ಯಾಕೇಜ್ ಮಾಡಲಾದ ಕುಡಿಯುವ ನೀರಿನ ಬಾಟಲಿಗಳು ಕಾಣಿಸಿವೆ.
ಕೋರ್ಟ್ ಮೆಟ್ಟಿಲೇರಿದ ಜೈನ್
ತಮಗೆ ಜೈಲಿನಲ್ಲಿ ಸಮರ್ಪಕ ಆಹಾರ ನೀಡುತ್ತಿಲ್ಲ. ಇದರಿಂದಾಗಿ 28 ಕೆಜಿ ತೂಕ ಕಳೆದುಕೊಂಡಿರುವುದಾಗಿ ಸತ್ಯೇಂದರ್ ಜೈನ್ ಅವರು ಕೋರ್ಟ್‌ಗೆ ದೂರು ನೀಡಿದ ಮರುದಿನವೇ, ಅವರು ಭರ್ಜರಿ ಊಟ ಮಾಡುವ ವಿಡಿಯೋವನ್ನು ಬಿಜೆಪಿ ಬಿಡುಗಡೆ ಮಾಡಿದೆ.
ಜೈಲಿನಲ್ಲಿನ ಎರಡು ಸಿಸಿಟಿವಿ ವಿಡಿಯೋಗಳು ವೈರಲ್ ಆಗುತ್ತಿದ್ದಂತೆಯೇ, ಮಾಧ್ಯಮಗಳು ಈ ವಿಡಿಯೋಗಳನ್ನು ಪ್ರಸಾರ ಮಾಡದಂತೆ ತಡೆಯಲು ಹಾಗೂ ಅವುಗಳು ಹೇಗೆ ಸೋರಿಕೆಯಾಗಿವೆ ಎಂಬ ಬಗ್ಗೆ ತನಿಖೆ ನಡೆಸುವಂತೆ ಸಿಬಿಐ ನ್ಯಾಯಾಲಯಕ್ಕೆ ಜೈನ್ ಮನವಿ ಮಾಡಿದ್ದಾರೆ.