ದಿಲ್ಲಿ ಗಲಭೆ: ಪೊಲೀಸ್‌ ಪೇದೆ ರತನ್‌ಲಾಲ್‌ ಮೇಲೆ ಉದ್ರಿಕ್ತರು ಯಾವ ರೀತಿ ಹಲ್ಲೆ ಮಾಡಿದ್ದಾರೆ ವಿಡಿಯೋ ನೋಡಿ

ಹೊಸದಿಲ್ಲಿ: ಪೌರತ್ವ ತಿದ್ದುಪಡಿ ಕಾಯಿದೆ ವಿರುದ್ಧ ನಡೆದ ಹಿಂಸಾಚಾರಕ್ಕೆ ಸಂಬಂಧಿಸಿದಂತೆ ದಿಲ್ಲಿಯ ಪೊಲೀಸ್‌ ಪೇದೆ ರತನ್‌ಲಾಲ್‌ ಹತ್ಯೆಗೀಡಾಗಿದ್ದರು. ಅಲ್ಲದೇ ಪೊಲೀಸ್‌ ವರಿಷ್ಠಾಧಿಕಾರಿಗಳ ಮೇಲೆ ಉದ್ರಿಕ್ತ ಪ್ರತಿಭಟನಾಕಾರರು ಮಾರಣಾಂತಿಕವಾಗಿ ಹಲ್ಲೆ ನಡೆಸಿದ್ದು ಭಾರಿ ಸುದ್ದಿಯಾಗಿತ್ತು.

ಪ್ರತಿಭಟನಾಕಾರರು ಪೊಲೀಸರ ಮೇಲೆ ನಿರಂತರವಾಗಿ ಕಲ್ಲು ತೂರಾಟ ನಡೆಸಿದ್ದು, ದೊಣ್ಣೆಗಳಿಂದ ಥಳಿಸಿದ್ದಾರೆ ಎಂಬ ವರದಿಗಳು ಬಂದಿತ್ತು. ಈಗ ಈ ಹಲ್ಲೆಯ ದೃಶ್ಯಗಳ ವಿಡಿಯೋ ಬಿಡುಗಡೆಯಾಗಿದೆ.

ಗಲಭೆಕೋರರಿಂದ ಹಲ್ಲೆಗೀಡಾಗಿ ತೀವ್ರ ಗಾಯಗೊಂಡು ರತನ್‌ ಲಾಲ್‌ ಹುತಾತ್ಮರಾದರು. ಡಿಸಿಪಿ ಅಮಿತ್‌ ವರ್ಮಾ, ಎಸಿಪಿ ಅನೂಜ್‌ ಕೂಡ ಹಲ್ಲೆಯಿಂದ ತೀವ್ರವಾಗಿ ಗಾಯಗೊಂಡಿದ್ದರು.


ಇವರ ಮೇಲೆ ಪ್ರತಿಭಟನಕಾರರು ಯಾವ ರೀತಿಯ ಹಲ್ಲೆ ನಡೆಸಿದ್ದಾರೆ ಎಂಬುದು ವಿಡಿಯೋ ದೃಶ್ಯಗಳಲ್ಲಿ ಬಹಿರಂಗವಾಗಿದೆ.

ಬಿಜೆಪಿಯ ಕಪಿಲ್‌ ಮಿಶ್ರಾ ಈ ವಿಡಿಯೋವನ್ನು ಟ್ವೀಟ್‌ ಮಾಡಿದ್ದಾರೆ. ಚಾಂದ್‌ಭಾಗ್‌ನಲ್ಲಿ ಪೊಲೀಸರ ಗುಂಪನ್ನು ಮಹಿಳೆಯರು ಸೇರಿದಂತೆ ಉದ್ರಿಕ್ತರ ಗುಂಪು ಕಲ್ಲು ತೂರಾಟ ನಡೆಸಿತು, ದೊಣ್ಣೆಗಳಿಂದ ದಾಳಿ ನಡೆಸಿರುವುದು ಈ ವಿಡಿಯೋದಲ್ಲಿ ದಾಖಲಾಗಿದೆ.