ಫೆಮಾ ಉಲ್ಲಂಘನೆ: ಟೂರ್‌& ಟ್ರಾವೆಲ್ಸ್‌ ಕಂಪನಿಗಳ ಮೇಲೆ ಇಡಿ ದಾಳಿ, ಕಂತೆ ಕಂತೆ ಹಣ ವಶಕ್ಕೆ!

ಹೊಸದಿಲ್ಲಿ: ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆಯನ್ನ(ಫೆಮಾ) ಉಲ್ಲಂಘಿಸಿರುವ ಆರೋಪದಡಿ ಜಾರಿ ನಿರ್ದೇಶನಾಲಯ ಅಧಿಕಾರಿಗಳು ದೆಹಲಿ ಹಾಗೂ ಘಾಜಿಯಾಬಾದ್‌ನಲ್ಲಿ ಕಾರ್ಯಾಚರಿಸುತ್ತಿರುವ ವಿವಿಧ ಟೂರ್‌ ಹಾಗೂ ಟ್ರಾವೆಲ್ಸ್‌ ಸಂಸ್ಥೆಗಳ ಮೇಲೆ ದಾಳಿ ನಡೆಸಿದೆ.

ಈ ಸಂಸ್ಥೆಗಳಿಗೆ ಸಂಬಂಧಪಟ್ಟ ಕಚೇರಿ, ನಿರ್ದೇಶಕರು ಹಾಗೂ ಸಿಎಗಳ ಮನೆ ಮೇಲೆ ದಾಳಿ ನಡೆಸಿರುವ ಇಡಿ ಮಹತ್ತರದ ದಾಖಲೆಗಳನ್ನ ವಶಕ್ಕೆ ಪಡೆದಿವೆ. ಏಕಕಾಲಕ್ಕೆ ಒಟ್ಟು ಎಂಟು ಕಡೆಗಳಲ್ಲಿ ದಾಳಿ ನಡೆಸಿರುವ ಇಡಿ, ಬರೋಬ್ಬರಿ 3.57 ಕೋಟಿ ಅಕ್ರಮ ಹಣವನ್ನ ಈ ಸ್ಥಳಗಳಿಂದ ವಶಕ್ಕೆ ಪಡೆದಿದೆ.


ಅಲ್ಲದೇ ದಾಳಿ ವೇಳೆ ಸಿಎ ಮನೆ ಹಾಗೂ ಕಚೇರಿಯಿಂದ ಪ್ರಮುಖ ಡಿಜಿಟಲ್‌ ದಾಖಲೆಗಳನ್ನ ಇಡಿ ವಶಕ್ಕೆ ಪಡೆದಿದೆ. ಈ ಸಂಸ್ಥೆಗಳು ವಿದೇಶಿಯರಿಗೆ ಇ-ವೀಸಾ ಸೇವೆಗಳನ್ನು ಅನಧಿಕೃತವಾಗಿ ವಿದೇಶಿ ಹಣಕ್ಕಾಗಿ ನೀಡುತ್ತಿತ್ತು ಎನ್ನುವ ಖಚಿತ ಮಾಹಿತಿ ಹಿನ್ನೆಲೆ ದಾಳಿ ನಡೆಸಲಾಗಿದೆ. ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆಯನ್ನ ಉಲ್ಲಂಘಿಸಿದ ಕಾರಣ ಇಡಿ ಮೂಲಗಳು ತಿಳಿಸಿವೆ. ಜು.9ರಂದು ಇಡಿ ದಾಳಿ ನಡೆಸಿತ್ತು ಎಂದು ಮೂಲಗಳು ತಿಳಿಸಿವೆ.

ಲೆಕ್ಕ ಎಲ್ಲರಿಗೂ ಕೊಟ್ಟೇ ಕೊಡುತ್ತೇವೆ: ಸಿದ್ದರಾಮಯ್ಯಗೆ ಬಿಸಿ ಪಾಟೀಲ್‌ ಟಾಂಗ್‌